تسريع الاحداث (يوم العزيمه)
في بيت ام نجم
كانت ام نجم تمشي بالبيت وتبخره
نجم الي جا وهو لابس لبس عادي جدا:يمه انا طالع مع ماجد والشباب
التفتت عليه نوره وهي تصارخ:كم مره..... سكتت لثواني وكملت بصراخ أعلى:ننجممم!!!اقولك غير ملابسك هذي البس زي الخلق والرجال!
نجم أنصدم:يمه وش بلاه لبسي زين!!
نوره:اقولك مو زين روح البس ثوبك الابيض وغترتك الحمراء وتجهز زين!
نجم:يمه ترا مو ناس غريبه ام محمد وخالتي ليه اتكشخ؟؟
نوره:اقسم بالله يانجم لاني امك ولا اعرفك اذا ماسويت الي قلت لك عليه
تأفف نجم وهو يعرف أنه مايقدر يعصي امه وراح لغرفته ولبس مثل ماقالت له وشخص بشكل عام
!
ببيت بطلتنا
ام محمد بصراخ:قمممر!!ياقمر
اتجهت لها قمر وهي تعدل كعبها
قمر:هلا يمه؟!
ام محمد:اخيرا جيتي!
قمر:انتي قلتي لي اتكشخ!
ام محمد:ايه زين زين ....ليه مالبستي الفستان الي قلت لك عليه؟؟
قمر:مدري حسيت ذا احلى ليه مو حلو؟
ام محمد:لا حلو بس مو ساتر مره
قمر:لالا ماعليك بس هو قصير وضيق ومفتوح شوي من فوق ومفتوح من الظهر حلو حلو
ام محمد:ترا مانصحك فيه!
قمر:يالله يمه خلاص انا عاجبني هذاك كأنه جلابيه
ام محمد:بس سااتر
قمر:ترا النقاش هذا مابيخلص واذا خلص اعرف أنه انا الي بتفوز خلينا نختصر الوقت ونمشي احسن
ام محمد تنهدت:طيب يلا بس تذكري اني قلت لك لا
قمر:طيب طيب
محمد:مابغيتو لي ساعه انتظركم
ام محمد:الله يهديها اختك اخرتها
قمر:يوهه خلاص اسفه اعتذر اعتذر
محمد بضحكه: هههههههههه شفيك زعلتي طيب
قمر:ياخي كل شي انا السبب فيه حلو ذا اكيد بكشخ
تنهد محمد بحزن:عوافي...... قمر
قمر الي لاحظت أن فيه شي:هلا شفيك؟؟
محمد:لاتزعلين طيب؟
قمر:من وش؟؟!
ام محمد ضربت محمد برأسه وقالت بتسليك:كذاب كذاب يبي يخوفك بس
قمر بتوتر:يمه طيب ماقال شي عشان تقولين كذاب!شسالففه
ام محمد:مافي سالفه خلاص اسكت
سكتت قمر وشبكت جوالها بالسياره بتشغل اغنيه
ام محمد:قمر وشفيك مصدعين
قمر:يمه بس اغنيه وحده على بال مانوصل
ام محمد تنهدت:تمام
قمر حست أنه في شيء وشغلت فنانها المفضل من بعد محمد عبده ابو ساره كما يقال عنه واخطبوط العود كما يناديه البعض الآخر «عبادي الجوهر» بدأت بالترديد معه:
تضحك علي بكلمتين!
وتقولي والله نسيت!
خليتني البارح حزين .
نادم على اني هويت..
هو الهوى عندك كلام؟
ضحكه ونظره والسلام!
عيني وقلبي اشتكوا...
شوف من متى مستحملين!
حست امها انها زعلانه وطفت الاغنيه
قمر:يمه ليه!
محمد:لأننا وصلنا يابابا
قمر تنهدت وهي تحس أنه بيصير شي:تمام ......
دخلت قمر صاله النساء وانتبهت للعنود الي جالسه بفستانها البنفسجي العاري من جهه الكتوف ورجلها اليسرى والضيق من جهه الخصر وشعرها الستريت وميكبها الخفيف وذهبت للجلوس بجانبها أما عن والدتها فقد جلست بجانب ام نجم فأصبحت ام نجم بالمنتصف وام العنود من يمينها وام قمر من يسارها
