🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 : ఌ
الغذ ليه فاقت معطلة كتلبس بزربة وهابطة كتحري فدروج حيت صاحبتها أميمة لتحت :" اميمة جري اصاحبتي راه مشا الحال"
ميمونة:" خلي لبنت تكمل مسمنها "
شافت فيها باطمئنان :" كولي ابنتي راه بغات توحلها فيك هي لي مكتفطرش"
وبدات تجر فيها خدات ليها مسمنة اخرى فكاغيط :" هانتي ناكلوهم فكريق غا زيدي"
وخرجو بزوج كيزربو و كيدويو فطريق :" باقي عندك مشكل مع ايوب ؟"
تنهدات عبير :" راني عاودت لك ا اميمة كان غادي يتعدا عليا داك الليلة، مرتاحيت تا قدرت نعاود ليك... هادشي معاودتوش حتى لماما حيت هاداك ولدها تقدر تكذبني ولا ضور فيا ونولي بنت لحرام ونكارة الخير وهما خيرهم سابق عليا فضلت نسكت"
اميمة :" قلت لك ا عبير الغلط كيوقع "
عبير :" ولكن راه خويااا..."
اميمة شافت فيها :" خوك علامن كضحكي ؟ واش نتوما ولاد كرش وحدة ؟"
حركات عبير راسها بلا وامميمة كتدوي :" مشاركين البزولة ؟"
رجعات عبير حركات راسها بلا :" ايوا اشمن خااوة هاديي لي كتدوي عليها ؟؟"
عبير حنات راسها و كتدور فكلام اميمة :" تا داك نهار فاش قرب لك راه واخا نقولو معاقلش حيت قلتي شميتي فيه شي ريخة خانزى ديال لغارو ولكن راه مشافكش ختو"
عبير هزات عينها فيها :" شنو بغيتي تقولي ؟"
اميمة هزات كتافها :" منعرف ولكن عارفك ماشي ختو، ونتي ماشي خوك هاداك راجل "
وبدات كتنعت ليه فرجال لي قدامهم فكريق :" فحال هذا وهذا، وهذاك الفرق هادو مكتعرفيهمش وهداك كتعرفيه"
عبير :" ولكن ايوب عمرو ضرني، "
اميمة :" يمكن تا دابا مبغاش يضرك"
ايوب لبس عليه وخرج يكمي هي الحاجة لي كتبرد العافية لي فقلبو كيخرج السم فريتو باش ينساها... و الهضرة كترات عليه فالدار... :" واش شفتي دري حالتو كيف ولات، والبلية دخلاتو "
سلام :" كنشوفو خناز بداك السم "
ريتاج نقزات :" و تا فمو زراق فحالا كيضرب شقوف عشر سنين هادي "
ميمونة بقلق :" سلام دوي معاه راحل لراجل شوف اش هم الولد راه غتاخدو منا البلية"
تلاقا مع عبد المولى فالدرب :" ا فين "
ايوب حيدلو جوان لي فيدو قبل ميشعلو :" غا هنا"
عبد المولى كمش ليه واحد الكاغيط فيدو وغمزو :" هذا دقة ببطلة"
ولكن ايوب رماه فالارض وشنق على عبد المولى:" باغيني نقت + لها هاد المرة؟"
عبد المولى كيتنتر :" ولا اصاحبي هذا غيغيبها حداك تقدر.."
غمزو :" دير مابغيتي بلاما تمنعك غتسقي شوفة فيها"
ايوب جمعها معاه بكروشي لذقنو :" شماتة، باغيني نتعدا عليها "
عبد المولى :" ياك نت باغيها ؟ تعدا عليها كون كنتي غتحوي + ها و ترميها نت باغيهااا، لا دخلتي عليها عمرهم يقظرو يعطيوها لغيرك... غتبصمهاا غير ليك وبزز منهم غيزوجوها لييك واليديك غتكتف ليهم اليدين وتقولهم الشيطان حضر"
ايوب :" و هي ؟ هادشي كنت غنديرو كون كانت هي باغياني"
YOU ARE READING
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
