MAYBE MY BOYFRIEND [Ongoing]

PART 15

UNICODE

IDOL IMAGE ထိခိုက်လိုခြင်းမရှိပါ..

Khaotung သည် First ၏ရင်ခွင်ထဲတွင်ရှိနေပြီး ညကပင်ပန်းထားသောကြောင့် နှစ်ယောက်သား ​မနက်လင်းနေပြီဖြစ်သော်ငြားအိပ်ပျော်နေဆဲပင်ဖြစ်သည်
First ၏ဖုန်းသည် ထမြည်လာသောကြောင့်
First တစ်ယောက်နိုးလာပြီး

"ဟာကွာ..အိပ်ကောင်းနေတာကို ဘယ်ကဖုန်းလဲ.."

First တစ်ယောက်မျက်လုံးမဖွင့်သေးဘဲ ထိုသို့တိုးတိုးရေရွတ်လိုက်သည်
သူ့ရင်ခွင်ထဲရှိ Khaotung ကိုလည်း မနိုးစေရန် သူအသာထပြီး ဝရန်နာသို့ထွက်ကာ ဖုန်းသွားပြောလေသည်

'ဟယ်လို'

'Kanaphan မင်းအခုချက်ချင်းအိမ်ကိုပြန်လာခဲ့စမ်း!!'

ဖုန်းထဲကအော်သံကြောင့် သူ့နားတွင်ကပ်ထားသောဖုန်းကို သူအနည်းငယ်ခွာလိုက်မိသည် ဖုန်းထဲတွင်လှမ်းအော်သူကတော့ First ၏အမေဖြစ်လေသည်
First သည် သူ့အမေ သူ့ကိုထပ်၍ခြယ်လှယ်၍မရအောင် သူ၏ဖုန်းနံပါတ်ကိုလည်းမပေးထားပါ သူဘယ်မှာနေသည်ကိုလည်းပေးမသိပါ ထိုသို့ပြုရခြင်းမှာ သူ Khaotung နှင့်ထပ်၍မဝေးချင်သောကြောင့်ဖြစ်သည်
အခု သူ့အမေ သူတို့အကြောင်းကိုသိသွားသည်မှာ သေချာသလောက်ပင်ဖြစ်လိမ့်မည် ထို့ကြောင့်ဖုန်းလှမ်းဆက်ခြင်းဟု သူထင်မိသည်

'ကျွန်တော်က ဘာလို့ပြန်လာရမှာလဲ'

'Kanaphan ငါပြောရင်နားထောင်လိုက် အိမ်ကိုအခုပြန်လာခဲ့ ငါဒေါသမထွက်ချင်ဘူး'

'မလာနိုင်ဘူး ကျွန်တော်အမေဖြစ်စေချင်သလိုအားလုံးလုပ်ပြီးပြီ အခုကိုယ့်အလုပ်ကိုယ်လည်းလုပ်နေပြီ အမေ ကျွန်တော့်ကိုထပ်မခြယ်လှယ်ပါနဲ့တော့'

'မင်းကအဲ့လိုပေါ့..ကဲဒါဆိုလည်း ငါအခု မင်းအကောင်ရဲ့အိမ်ကိုသွားလိုက်ရမလား'

First အံကျိတ်လိုက်ပြီး

'အခုတော့မလာနိုင်ဘူး ညနေပြန်လာမယ်'

'အင်း ဒါပဲလေ အစောကတည်းကအမေ့စကားနားထောင်ရမှာ ညနေမလာလို့ကတော့..'

'အမေ့! ကျွန်တော်လာမယ်လို့ပြောပြီးပြီလေ'

'ဟုတ်ပါပြီ ဟုတ်ပါပြီ ဟားဟား မင်းအကောင်ကိုထိမှာကျတော့ကြောက်တယ်လား ဟားဟား ဒါပဲ ဒါပဲ'