/جوليا/
_خابري امير
_شنو
_مثل ما سمعتي خابري و كليلية احنا الاثنين جنة مجبورين على هذا الزواج و اتفقنا نطلق بعد سنة و هو اذا يحبج صدك راح ينتظرج يحد منطلق بعدين هو يزوجج
بقيت اباوعلة و دموعي بعيوني كام راح جابلي تلفوني
_يلا ولج خابري و فهمي كلشي اناوطالع عندي شغل خلي شي كلش مهم ببالج اذا صدك يريدج و يحبج و يتمناج راح ينتظرج لاخر نفس اله
طلع و انا اخذت التلفون بيه نوع من التردد و الخوف اخاف ما يتقبلني بعد ما تزوجت اخاف اهلة ما يقبلون ياخذون وحدة مطلقة لابنهم
دكيت عليه رأسةً فتح الخط عبالك جان منظر مني أتصال بقينا ساكتين اثنينة دقايق و حجه بصوت مبحوح
_مبروك يا عروس
ما تحملت أكثر حچيتلة كلشي صار وياي من اول ما سمعت ابوي يحجي ويه امي و من كلي على الزواج و انا رفضت لحد يوم العرس و الي صار و الي حجينا انا و ليث
_صدك تحجين جوليا…؟
_والله امير ما جذبت عليك بكلمة وحده أنا مجبورة و هو هم مجبور و اتفقنا نطلق بعد سنه اذا....
_اذا ؟
_اذا تحبني صدك امير راح تنتضرني لحد ما اتطلق و تجي تخطبني
_انا احبج و راح انظرج لاخر نفس الي بس بالنهاية هسه انتِ مرة مزوجه ما يصير نحجي حتى لو جان رجلج عندة علم
_ألي تريدة امير
_احبج و مشتاقلج هواي
_انا مشتاقتلك اكثر
_مع السلامة
حجاها و سد الخط طرت من الفرح
صار الليل و دخل ليث للغرفة شافني فرحانة و حلكي مشگوگ من الضحكة ضحك على ضحكتي
مر شهر على زواجي و انا عايشة بسعادة ليث صار و نعم الصديق يساعدني بكلشي و نسولف هواي و صرت احجيلة اسراري بدون لا اتردد و صرت اثق بي ثقة عمياء
بيوم جنة كاعدين على الاتلفزيون عاط حيدر
حيدر : اووووف شنو هالملل
سيرين : اتفق
شهم : اكوم اركصلك
حيدر : اويليي يابه شوفوا من كد ما يحبني راح يبگلب فيفي عبدو علمودي
شهم : حيدر
حيدر : عيونه و گلبه و عمره
شهم : انجب
حيدر : تأمر
سيرين : ترا صدك ملل خالنلعب اسم حيوان نبات
شهم : يلا كومي
أنت تقرأ
الحب الاول
Romanceقبل لا ادگ الباب سمعت بابا يحجي حجي ياريتني ميته ولا سامعته _جوليا لازم تتزوجه واذا رفضت ازوجها غصباً عليها
