أنَـــفاس الهَجَـم.

الهَجَـم الثَـالث عشَـر

الكاتبة:- ورود حيدر
رواية:- أنَــــفاس الهَجَـم

تصويت بين الفقرات لطفًا..

ركِز بالگبِور المالهن زايَر
وأگعد ويَ، روحك وأصفِن الباچَر
هَذا أنتَ، وكشختك والعُطر
والحَيل تاليتَك مثلهُم تكسِر الخَاطر....

رَيمـاس..

دُرة:- يگولون أنتِ وَ أبن خالج بـ علاقه مُحرمه..!
_ دُرة شبيج مِو وكت شقه؟
_ والله هُم هيج يحجون.؟
خليت أيدي على جبيني ما مصدكه منو إله نيه يحجي هيج!
دُرة:- رَيمـاس اتصلي على احد يجي العميد طالبج.؟؟!
_ يالله، دُرة أني ما أسوي هيج شيء مُستحيل.!
_ أي اي والله مصدكتج.

فتحت الجنطه أيدي ترعش طلعتُ تلفوني اتصلت على أيَڤينْ
_ الو.
_ أيَڤينْ.
_ شبيج رَيمـاس شكو شصاير؟
_ تعالي للجامعه.
_ تمام جايه.
سديت التلفون گعدت على الارض رجليه ما تعيني أگوم كعدت دُرة تهدي بيَ بَـس روحي مشتعل بيها نارر

جبت عُمري كُله اخاف مرة يجيبون أسمي بـ الموزين هسه ينجاب مِن مات أبوي؟
دُرة:- كافي يروحي هسه أنتِ أحجي للعميد وَ خلي يجون امج جدج حتى يصدك.
_ دُرة والله ما سويت شيء بَـس أمس چنت ملانه گالي خلي نطلع طلعنه اخذنه اكل اكلنه بالسيارة وَ نزلنه للحديقه شويه وَ رجعنه للبيتَ.
حضُنتني تهدي بيَ شفت أيَڤينْ مِن بعيد جايه كمت إلها اول ما شافتني بهاي الحاله حضُنتني

_ شكو مِنو وياج؟
_ أيَڤينْ.
_ ها امي احجي منو وياج شصاير؟
دُرة:- طلع حجي أنُ رَيمـاس هيَّ وَ أبن خالها بـ علاقه مُحرمه ..
_ منو هذوله إلي يحجون عليها والكفل زينب أخيسهم بـ الحبوس، بَـس اسكتي.
_ العميد يريدني.!
_ يلة امشي.

لزمت أيدي رحنه للعمادة وصلنه لمكتب العميد مسحت دموعي

_ أني وياج.!
دكت الباب سمحلها بالدخول
_ أهلاً دكتور حيدر.
_ أهلاً بـ المُحاميه أيَڤينْ نورتي.
_ شكرًا، سمعت طالع حجي على رَيمـاس؟
_ أي أني كذالك سمعت طلبتها حتى اعرف شنو الموضوع.
خلت رجل على رجل وَ جاوبته بقوة وَ ثقه

_ دكتور حيدر احنه عائلة جدًا مُحترمه وَ مُستحيل يصير هذا الشي هاي مُجرد أشاعات كذالك رَيمـاس بنت مُجتهدة وَ ذكية وَ فوك هذا سمعتها عالي العال وَ مِن عائلة مُثقفه طبيعي يطلع كلام عليها، يحاولون يخربون سمعتها لڪن سبق وَ گتلك هوَ أبن خالها وَ طبيعي إذا طلعتُ ويا أحنه ليش مِن نشوف بنت طالع ويَّ أبن خالها أو عمها نگول بينهم علاقه ليش ما نگول يعتبرها أخته ، ضايجه وَ قرر يطلعها وين المُشكله؟ أني انسانه اطلع وَ اطب ويَّ ولد عمي أني مُحاميه وَ على طول أكون أحجي ويَّ ذكور، يعني عندي علاقه بيهم كُلهم؟