ياصدفة ماجات على بال الأيام ياحظ من قلبه فيها

البارت العاشر

عند الحريم كانت شوق جالسة جنب الجدة وجت وحده من الحريم تسلم عليها
الجده : اخبارك يام علي
ام علي : والله بخير مين المزيونه اللي جنبك
الجده : هاذي حفيدتي شوق العروس
ام علي : ايه ماشاءالله و مين اخذت
الجده : فيصل ولد راشد
ام علي : ماشاءالله بس فيصل احلا
تدخلت ترف وقالت : وش زينها شوق كاملة و الكامل الله
ام علي : ما قلنا شي ومتى يدخل يلبسها الخاتم خلنا نشوفه
الجده بنفاذ صبر قالت : شوي شوي و يجي و راحت الحرمة
شوق بصدمه : مين هاذي
الجده : هاذي وحده من حريم الحاره تحب العلوم
شوق بضحك : ايه واضح وراحت الجده ترقص و البنات يعززون لها
حنين : عاشت ام بندر
ام ناصر تزغرت و ام فيصل تصفق و ترقص و بعد مده من الرقص اتصل ابو فيصل يقول ان فيصل راح يدخل
الجده راحت عند الحريم و قالت : تغطو بيدخل فيصل و فعلاً تغطو و بعد شوي دخل فيصل و بدأت الجده تزغرت
و أعطت الخاتم لفيصل و الثاني لشوق
الجده : يلا يافيصل و لبسها و بدها جاء دور شوق اللي كانت يدها ترجف و بعد شوي خلصو تلبيس الخواتم و الطقم و المصوره تصور و الكل يصفق
فيصل : الله يتمم على خير
شوق بتوتر : امين
الجده مدة يدها وهي ترقص مع شوق اللي كانت تهز كتفها بنعومه و فيصل اللي يصفق و شارك الجده بالرقص شوي و بعدها طلع فيصل للرجال و الجده بدأت تقوم الحريم للعشاء
عند البنات اللي كانو يرقصون مع شوق و يهزون مستغلين ان الحريم يتعشون و بعدها انتهت الحفله
الجده : الف مبروك
شوق : يبارك فيك

و دخل الجد و العمام اللي بدو يباركون لشوق و الحريم يباركون لفيصل الجد : الف مبروك و الله يتمم عليكم بخير يارب
شوق و فيصل : يبارك فيك و بعدها راحو الكل ينامون معاد العيال و البنات كانو جلسين بالسطح و مسوين سهره و شوق و فيصل راحو يتمشون
مشاري : تخيلو اليوم فيه واحد ناشب لي غصب يبيني اسولف معه
حنين : احمد ربك فيه وحده غصب تشوف شوق لين مانزلت و بعدها بدأت تحش معي تخيل على العرس
سيف بضحك : أوف هاذي تعدت مرحلت البجاحة
ليان : ابي اروح انام ياني انكرف كرف مو طبيعي
أسيل : وانا بعد يلا باي و بعد شوي قامو الكل ينامون

عند فيصل و شوق اللي كانو يتمشون بالسياره :
فيصل اللي بدأ يسولف بتفاعل قال : تخيلي اليوم واحد قاعد يسلم علي و يحش بالبيت ماكان يدري اني من عيال هيثم
شوق بضحك : اما يحش وش قلت له عاد
فيصل : كنت برد بس جاء جدي و سحبني شوق
شوق : هلا
فيصل : وش رايك نمر مطعم ما أكلت شي كل ما اجي اكل جدي يسحبني اسلم على فلان و ارد على فلان
شوق بإبتسامه قالت : اوكيه بس خلنا ناكل بالسياره
فيصل : اوكيه

< تسريع الأحداث >

صباح يوم جديد تحديداً بالصاله :-
الجده : وين البنات
ام فيصل : نايمين ياحرام امس ما نامو إلا الفجر
الجده : زين
ام يزيد : ارجولي تعورني كله من الكعب
ام ناصر : الله يهديك فستانك طويل يعني مراح يبين الكعب
جت حنين وهي تفرك عيونها : صباح الخير
الجده : قصدك صباح العصر
ام يزيد : الله يهديك يمه خليها تنام عادي
ام فيصل و ام ناصر ردو : صباح النور
حنين وهي تجلس : ايه وش الغداء ميته جوع
ام فيصل : سوينا كبسه بس مابقا
ام يزيد : استني البنات يقعدون و اطلبو من المطعم
حنين وهي تقوم : ابي اطلب على بال ما يصحون البنات
الجده : روحي اطلبي أنا الحين اروح اصحيهم
ام ناصر : خليك يا عمه أنا اروح
الجده : لا اجلسي تقهوي أنا ابي اروح اصحيهم
ام ناصر وهي تجلس : طيب