ركضت لغرفة سهام شفتها كاعدة صحت بيها..
وين وديتي ناصر بهالليل ..
وانتي شعليج روحي نامي احسلج ..
وديتي يقتل صهيب مووو حقيرة ونذلة وكذابة اليوم اكشف كذبج للعالم كله يا حقيرة ...
ركضت لبست عباتي وطلعت وره ناصر اريد الحكه قبل مايسوي شي وصلت لحد البستان شفته دخل للبيت رجلية بعد مايكدرن يمشن شنو هالوضع هذا مو وكتجن ابد فدوة ساعدني اريد الحك ناصر لايسوي شي مشيت بكل ماعندي من قوة وصلت لباب البيت شفته طلع واحد مجتف من جوه من الغرفة صحت بيه ناصر كافي لاتسوي جريمة ثانية ..
صبااا شجابج ولج ليش لحكتيني ؟؟؟
ناصر لاتغلط هذا ابن اخوك اخر واحد من ولد اخوك لا تغلط هالغلطة ...#نقيب امير
صباا روحي منا انتي ماتعرفين شي ...
شنو الي ماعرفه ناصر كلشي اعرف من سبع سنين انت الي قتلت ابن اخوك هنا بنفس المكان تذكر لو لا ..
ذب السجينة من ايده شون عرفتي ؟؟!!!
عرفت لان اني هم وحدة من ضحاياك تذكر البنية الي اعتديت عليها هنا بنفس هذا هذا المكان اني هي لاتعيد نفس الغلط ناصر تره هم ماقصدو يقتلو وهو اصلا مو ابنك ..
شنو مو ابني منيلج هالحجي ؟؟؟
اي مو ابنك والله اني رحت للنجف علمود اسأل روح وشوف الحجي الهناك على سهام هي خاطفة ولد مادري منين وسهام ماتخلف ومحد هناك شايفها وهي حامل ولا حتى انت ياناصر..
ولج صباا تعرفين هالحجي اذا طلع غلط اذبحج انتي ...
تذبحني!! اصلا انت من سبع سنين ذبحتي ...
ماحس غير سهام جتي ..
جذابة هاي لاتصدكها ناصر اني حبلت وهذا ابنك وولد اخوك هم الي كتلوو ..
اباوع على ناصر واكف محتار بيناتنه يصدك منو ويجذب منوو ...
كتله ناصر انت شفتها وهي حامل شفتها من ولدت وليش راحت لخالتها مابقت يم اهلها فكر شوية..
صباا سكتي اريد افتهم الي جاي يصير بسيطة اني اعرف شون اوصل للحقيقة ..
جر سهام وحط السجينة على ركبتها ..
سهام احجيها الحجي هذا صدك لو جذب اذا ماحجيتي اذبحج هنا وادفنج ومحد يدري ..
هاي شبيك والله ابنه هذا تصدك بهالزعطوطة ولج احجي جاي اكلج ..
جرح ايدها بالسجينة كامت تصيح اي اي اني بايكته عوفني ..
شنوو انتي بايكته ؟؟؟
اي اني بايكته مو انت ردت تطلكني لان ماخلف اني ردت احافظ على زواجي ومالكيت غير هاي الطريقة لان احبك سويت هيج..
تحبيني خليتيني اذبح ولد اخوي بيدي ياحقيرة ياساقطة اليوم ذبحج على ايدي ...
اني ركضت فليت ايدين صهيب واشرتله يلزم ناصر لايسوي جريمة النوب ركضنه وخرنه ناصر بالكوه عن سهام ..
سهام شالت السجينة وركضت عليه تريد تذبحني وتصيح انتي الحقيرة الي اخذتي رجلي مني جنه عايشين مرتاحين قبل ماتجين ..
ناصر لزم ايدها وضربها راشدي وكعت بالكاع .
سمعي ولج حقيرة راح اطلكج وافضحج وافعالج هاي اخلي الدنيا كلها تعرف بيها وهذا الطفل منين جايبته حوبت اهله طلعت بينه 10 سنين احنه عايشين بظيم وانتي مسؤؤلة عن قتله..
رجعنه كلنه للبيت وناصر لازم سهام لاتشرد وصلنه للبيت ناصر حلف يريد يحرك سهام
يتبع.....
