حب أو حرب

البارت 37

رجع ماثيو بعدما راح يجيبلها حوايج ويكمل اجراءات الخروج . دخل للغرفة والابتسامة على وجهو فرحان بزاف انو رح يولي اب وفرحتو كبرت كي عطاتو فرصة يصلح أخطاؤو .تمتم تلاشات ابتسامتو كي لقا الغرفة فارغة وياسمين مش موجودة راح جيهة الحمام مالقاهاش خرج للكولوار سقسا عليها الممرضات ماشافوهاش .تلف وماعرف مايدير عاد كانت هنا وين راحت؟؟؟ رجع للغرفة  على امل انو يلقاها يمكن خرجت تشم شويا هوا وترجع . لمح ورقة فوق السرير هزها بقلق وتوتر خايف تكون راحت وخلاتو. هي من حقها  تكرهو بعد كامل واش دار فيها ولكن هو مايقدرش يعيش بهاد الذنب طول حياتو لازم يخليها تسامحو. فتح الورقة بزربة والعرق بدل يتصبب منو .حل عينيه بصدمة وعلامات الاستفهام على ملامحو
* سمرا مقابل ياسمين*  مافهم والو .شكون سمرا وواش علاقتها بياسمين . تعصب وعينيه حمارو كي جات فبالو فكرة انها تخطفات .معرف واش يدير بقا ماشي جاي فالغرفة ينتف فشعرو حتى تفكر كاميرات المراقبة تاع سبيطار .خرج يجري راح لمركز المراقبة وبحكم انو معروف ومرفح  دخلوه تمتم . تفحص كل الكاميرات الموجودة فالسبيطار .والو مكانش اثر ليها كاين برك كي خرج من غرفتها بعدها مكان والو . راح قلب السبيطار كلو عليها مخلاش قنت ماحوسش فيه ووالو وكأنو الارض انشقت وبلعتها .طاح فالارض على ركابيه ووجهو مايتفسرش ندم انو خلاها وراح كون غير بقا معاها قعد مدة وهو هاك بدون حراك حتى وقف عليه واحد من رجالو فيقو من سهوتو كي حط يدو على كتفو
ناض ساعر ومعصب لدرجة انو يقدر يقتل بلا مايرفلو جفن
_ تجيبوها وينما تكون قلبو فكاع لبلايص وغلقو المطارات لازم تلقاوها فأقرب وقت
_ كون هاني اسيدي
_ مانشوفكمش قدامي غير اذا جبتوها ايا طير
وراح لطنوبيلتو ركب جا يقلع معرفش وين يحوس اكزاكت هو مايعرفش عليها بزاف ابار انها يتيمة ولا ممكن حتى هدي مش معلومة حقيقية عليها .حط راسو على الفولو وتنهد بتعب .شويا حتى سمع تلفونو يصوني هز بلا مايشوف شكون
_ ماثيو واش راهي ياسمين  وين راهي واشمن سبيطار نجي نشوفها
غمض عينيه مزير عليهم كيفاش رح يقولو تخطفات من بين يديا .صح هو ماطلعش خوها الحقيقي مي خبر ماثيو ديجا انو رح يعتبرها كي ختو
_ ياسمين تخطفات . وقطع قبل مايرد عليه ماركو عارف رح يبدا يعيط ويتعصب عليه وهو مافيه لي يسمعلو

بعد مرور شهرين
ليوم عرس ماثيو مع نهى .هاد الاخيرة لي كانت توجد فروحها وهي طايرة بالفرحة واخيرا قدرت تقنعو يتزوجو.طيلة هاد شهرين وهو يقلب على ياسمين نهار كامل وهو يحوس من بلاصة لبلاصة وفليل يروح للبار يسكر حتى يولي معاقلش على روحو . يلقاها تستناه تحضنو وتواسيه .حتى قنعاتو انو يتزوجها رغم انو عارفاه مايبغيهاش لأنو كان ديما يهترف باسم ياسمين حتى وهو راقد . كرهتها بزاف وحقدت عليها رغم غيابها إلا انها مزال مأثرة عليه ومزالو يخمم فيها .
دخل عيان لدار.نهار كامل وهو فالخدمة لقا الجردة كلها مزينة بالورود والألوان وناس بدات تجي
صوفيا ومنصف كانو يستقبلو الضياف فرحانين بعرس ولدهم طلع لبيتو قلع لافاست تاعو ورماها بإهمال ودخل لدوش طلق الرشاشة وقعد فلرض هك بحوايجو . تعبان ومش قادر لا يهدر لا يدير اي حاجة .فهاد شهرين توحشها بزاف باغي غير يشوفها ولو من بعيد .باغي يعنقها يشم ريحتها .يمكن عمرو اعترف لروحو انو يحبها ولكن غيابها أثر فيه بزاف. باغي يقنع روحو انو ولفها برك وكي يتزوج نهى رح تخليه ينساها ولكن الحياة مخبية لو بزاف صدمات
( توضيح: نهار بعتوله فيدوهات كاميرات المراقبة تاع القصر مكانتش تبان نهى بأنها هي لي بعتت الخدامة دير.دوا فالعصير كانت تبان الخدامة برك تحكي مع شخص مايبانش وجهو عليها هو مزال مش عارف انها.هي مورا الحكاية)