11

3K 98 40
                                    


توجه الكُل ل بيت جارهم احمد ، سيارة جابر تحمل فيه خواله ..
وسيارة بهاج ، امه البنات وخالاته ..
سيارة مسلط ، العيال ..
~ سيارة بهاج ..
طلبو منه البنات يشغل أغاني ، وكان طلب اخته مياسه غنية " مبروك ياعالي المقام "
ابتسم بهاج من شاف حماسهم والتصفيق وكل هاذا فرحه ل جابر .. عدل المرايه يناضر البنات
عض طرف شفته من ميز رنـا من بينهم ، وجا بارت
" نعم بنت من خوال ، ونعم بنت من عمام
طيبها من طيب اهلها والفخر مرقا بها ..
همس بنفسه : والله انتِ ونعم بنت ايبالله ..
بدأ يطق ف إصبعه والفرحه ماهي شايلتهم ،
~ سيارة مسلط والعيال ..
مشغلين أغاني والبعض يهز ب كتفه ، ك عبدالله ..
عند مسلط اللي يسوق ويمرر إصبعه على شفايفه وابتسامته الخفيفه مابين فرحه ل جابر ومابين منضر غلا الي ماتخطاه ..
~ وصلوا ووقفوا أمام البيت بهيبتهم وثقلهم ..
نزلو الحريم والبنات ، كذالك بهاج نزل يتجه لقسم الرجال ، وقفوا الكبار بالمقدمه والعيال خلفهم
ابتسم احمد بفخر ولابس بشته وقرايبه حوله ..
ثامر : مساك الله بالخير يابو غسان
احمد : هلا يامرحبا مسيت بالنور
ثامر : تبقى ، حنا جايينكم جماعه طالبين بنتكم
ابتسم احمد : هاذي الساعه المباركه ، تفضلو حياكم
تقدمو يدخلون للمجلس وبدت مراسيم الخطوبه ..
-
~ قسم الحريم ..
جلست الجده وحولها بناتها والحفيدات ..
زينه : تو مانور البيت بجيتكم يا ام ثامر ..
الجده غاده : يابعد قلبي تسلمين لنا الشرف والله نناسبكم
ابتسمت زينه تقهوي واخذتهم السوالف الين أردفت مشاعل : وين عروستنا
وقفت زينه : الحين بخليها تنزل
هزت راسها ، واقفت زينه تطلع ل بنتها
غلا : والله يا أنهم ناس ذوووووق !
مياسه : ايه فعلا حتا بناتهم هاديين وكيوت
رنـا : لو حنا صراخ الورعان مالي البيت
غلا بضحكه : اكيد
كادي : يالله متى تنزل !!
مياسه : حسيتك انتِ العريس اهجدي
ابتسمت تتنهد وصارو ينتضرون وجدان ..
التفتو من نزلت ب كامل أناقتها ونتعومتها ، انبهرو من جمال فستانها الأبيض والماسك بخفه على جسمها
وقفت غاده بابتسامة ترحب فيها ، تقدمت وجدان تسلم وخلفها مشاعل ، اكتفت بسلام على هالشخصين وجلست ، مشاعل : ماشاءالله وش هالزين
ابتسمت بخفه ، وكملت الجده غاده : يابخت ولدنا بهالزين والله
زينه : الله يطول عمركم ويكتب لهم السعاده
الكُل : امين
-
تكلم كبيرهم ثامر بنيابه عن جابر ..
ثامر : يابو غسان ولدنا جابر بياخذ البنت من عز ابوها لعزه واعاهدك ما بيضرها بأذن الله وبيحطها بعيونه
احمد : ونعم فيكم وفيه ، جابر معليه خلاف وبنتنا ماهي رايحه ل غريب والبنت لكم وتم
ابتسم جابر ، ووقف مبارك وتبعه جاسر : اجل الله يكتب الي فيه خير
وقف احمد وثم جابر يباركون ل بعض ،
بهاج : بالمبارك ياحبيب اخوك
جابر : الله يبارك لك
مسلط : عسى يجمع بينكم بخير يارب
انتهو وأردف جاسر : الأسبوع الجاي الملكه بإذن الله
احمد : بإذن الله
-
دخل احمد ل قسم الحريم لجل وجدان تطلع ل جابر
سحب جواله يكلم : الو زينه
زينه : هلا سم سم
احمد : خلي وجدان تطلع للمجلس
زينه : طيب دقايق
سكرت وتوجهت ل وجدان : وجدان امي تعالي
وقفت وجدان بتوتر وخوف ، اردفت زينه : تدرين انه بيدخل عليك وخففي من توترك يروحي
وجدان بتنهيده : طيببب
دخلت المجلس تجلس وقال ابوها : جاهزه يبوك
وجدان هزت راسه بصمت ، ابعد يطلع لبرا لجل ينادي جابر .. ابعدت شعرها تأخذ نفس وصارت تلعب باصابعها من التوتر الي داهمها ..
-
احمد : جابر وانا عمك عانها بالمجلس ، خذ راحتك معها
جابر : الله يطول عمرك ، وأبد لاتشيل هم ..
سحب عبدالله شماغه يغطي وجهه من ضحكه على جابر وتوتره ، بهاج : لعن بليسه يعرف يتوتر
مسلط بضحكه : تلومونه
بهاج : خلاص اصه لاتفضحونا
مشى جابر مع احمد لجل يدخله ويطلع ، وبالفعل من دخل جابر على وجدان ابتسم احمد يطمن بنته وثم طلع
.. شافها وابتسم يزفر : السلام
نزلت راسها دون رد ، وتقدم يجلس : ماشاءالله الخالق
وش هالزين يابنت الجار
ابتسمت لا إرادي من كلمته وشتت انضارها ، ضحك يهمس : ناضريني ماني مسوي لتس شي ترا
هزت راسها بخفه ولاهي قادره من توترها ، قرب بخفه يمسك أطراف يدها : الأسبوع الجاي بتصيرين حلالي عن حق وحقيق ولا ودي هالخجل يدوم طيب
هزت راسها بخفه ، ربت على يدها : أستودعتك الله قريب الأيام تجمعنا ، ولاتترددين بطلبك للمهر الي تبينه بيوصلك
ماقدرت ترد ، أو بالأخص داخليا ماتبي شي غيره ، جذبتها حنيته وخفة كلامه لها والواضح فيه طيبته ..
وقف ووقفت معه ، اقرب يمد يده ل خصرها بخفه وباس خدها يردف : يابخت قلب جابر فيك
تنهد بابتسامة من يشوف خجلها وأبعد : فمان الله
اردفت بهمس : فمان الله
ابتسم واقشعر جسمه من همس صوتها الناعم واقفى يطلع ..
طلعت ل فوق وارتمت على سريرها ب فرحه ، طبعها الثقل ولاكن من شافته انهزمت ، جلست ترفع شعرها
وتنزل الكعب من آلمتها رجولها ..
-
عند العيال الي من شافو جابر والابتسامه شاقه وجهه صفقو بتعزيز له ، مسلط : الولد غاااارق ياعيال
سعد : بالمرررره
ضحكو يحضنونه وهو من كثر جمالها ماقدر يتكلم
بهاج : كيف الوضع عسى أعجبتك
جابر : هالله هالله
عبدلله : اعقب صدق
ضحك يفك أزرار ثوبه ومشوا يطلعون ، تبعوهم الرجال بعد ماودعو احمد وقرايبه ..
-
عند الحريم اللي مو جاهم عزوز يصوت لهم لجل يمشون
طلعو من ودعو زينه ..
مياسه : كادي قولي ل جابر مابيتهنى مع وجدان بنسرقها كل ليله تسهر معنا
رنـا : يويلي يابنت تراك مو زوجها
ضحكت مياسه وغلا : ياخي حللللوه ماشاءالله يابخته
كادي : طبعا الله يهنيه
البنات : امين
ركبوا البنات والحريم ، يتجهون للبيت
نزل الكل بينما البنات راحو يبدلون سوا غلا اتجهت للخيل
دخلت مشاعل تجلس وجلسوا حولها ريوف واشواق ..
ريوف : هانت باقي الملكه والعرس
أشواق : تونا مابدينا
ضحكت الجده : يالله الله يتمم على خير
أشواق : والعقبال للباقي
مشاعل : امين
-
وقفت امام برّااق تنزل عبايتها ، عدلت فستانها لتحت واطلقت صراح برّااق الي صهل وأردف صوته للكُل
ضحكت تهمس : حيوان مو كذا بتجمعهم علينا
ابتسمت تمسح عليه بخفه وجلست من حسته يقرب عليها ، سند راسه بحضنها وبدت تسولف معه ..
غلا : اااهخ يابرّااق ماتعرف كيف اليوم كلنا فرحانين
ميّلت شفتها بحُب ل هاليوم ، ضحكت بخفه تبعده عنها وتعدل مسكت خيط خصرها ..
عند العيال الي ملتمين حول بعض ويسولفون عن ليلتهم
جابر : عيال بغيت ابكي عندها من التوتر
عبدالله : تحسك انت العروس مو هي
ضحك بهاج وكمل جابر : اي والله تصدق
سعد : مانصدق لين نجرب
جابر : ايه بتجرب بتجرب ان شاءالله
لف بهاج ل صوت الخيل من صهل : عيال من مطلعه الثور ذا
عبدالله : خيالته
وسع عيونه جابر ينزل المكسرات من يده ويغطي فم عبدالله لجل مايسمعه ، ضحك عبدالله : لاتخاف ماسمع
رفعو نضرهم ل مسلط اللي وقف ، سعد : وين يالطيب
مسلط لف بضهره : مايخصك
جابر : شكله اشتاق للخيل
ضحك مسلط اللي يمشي ، وأردف بهاج بابتسامة : ياخفيييف
مارد مسلط والابتسامه شاقه وجهه ويدعي تكون هي الي عنده ..قرب من المكان وابتسم بإعجاب من شافها
وزودً على كذا بفستانها ! كذا كثير على مسلط
زفر من ابعدت الخيل من حضنها ونعدل فستانها ، اردف بهمس بينه : ليتني أنا من يعدلتس هالفستان ..
عند غلا حركت شعرها بخفه امام براق الي يلاعبها بخفه ابتسمت ترفع يديها ل فوق وارتفع فستانها بوضح ل مسلط الي انفرد فيها ، مسك صدره يمنع أفكاره الي داهمته ورفع يده يغطي عيونه لجل مايوسوس اكثر ..
ابعد يده يتأمل شعرها والفستان وحركاتها البسيطه والي تغني له الكثييييير ..
لف بانضاره حوله ولأقدر يمسك نفسه اكثر من كذا !!
تقدم بخطوات هاديه لها ووقف خلفها ، ابتسم من تحرك برّااق بانزعاج واردفت غلا : امم شفيك ؟ تعبت
ميل شفته بابتسامة يردف : لا أنا اللي تعبت
غطت فمها بخوف وتقدم يوقف امامها ، مسلط : أنا اللي تعبتيني بجمالتس كيف كل يوم تثبتين لي طاقتك وترجعني للحياة ولحبك اكثثثر ..
توترت واردفت : مايصييير!!مسلط مو لابسه عدل ابعد مني تكفى
هز راسه يشدها له من خصرها وأردف : مقدر ياغلا مقدر تفهمين ، حاولت امشي من هِنا ولاكن ماقدرت من قبل نمشي من هِنا لمحتك بجمالك الطاغي ولا رحتي من بالي وتبين الحين امشي بسهوله
هزت راسها : وبتطيع افكاااااارك !
هز راسه : اخسي ، ولاكن انتِ قدرتي تقلبين موازيني بجمال الأسود عليييك ، كيف كذا ! والخصر واضح ،
زفر بتعب واعجاااب وكل مافيه ، اردف : أشقاني خصرتس يابنتتت الاجواااااد
اعتصر خصرها يسحبها اكثر لصدره وباس خدها وثم ابعد من سمع صوت العيال يغنون ، لف لها وزفر بغضب : مايصير الواحد يأخذ راحته
ميّلت شفتها وأردف : عن أذنك بروح اربيهم
، توجه للعيال غصبن عنه ، اروى ربع ضماه منها ولا اكتفى ، يبيها بكل مافيها يبيها زوجته وحلاله اليله
خصرها مامر على نضره مرور الكرام اللي انغرق فيه ..
صرخت صرخه مكتومه من ابعد عنها ، اردفت بهمس من شعورها : ياربي كككلب حلوووووو!!!!!
ضحكت بخوف من رجفة جسدها والبوسه الي قلب موازينها ، جلست تأخذ نفس وتستجمع قوتها واردفت : الله حسيبك يامسلط شسوووييييتتت!!!!
لفت تدخل ل داخل وبدلت لبسها وهي من بعد اليوم حبت هالفستاااان كونه سبب لزيادة حبها تجاه مسلط ..
رفعت الحاف تتغطى لجل تنام ، بينما مسلط شاف العيال يرقصون ومبسوطين وحلف أنهم مايتهنون
مشى لهم معصب ومن لمحه جابر حط رجله وكذالك العيال ، مسلط : لعن بليسكم ماعرفتو ترقصون إلا الحين!؟
ضحك بهاج الي رافع ثوبه : خربنا عليك صح
زفر بابتسامة خفيفه : ولعنتكم
ضحكو يجلسون وتنهد مسلط يرفع شعره وارتمى عند الشباب وطلع بكت دخانه لجل يهلك نفسه ولا ضنتي بعد هلاكه من غلا شيء ..
-
~ الصباح ..
ركب مبارك وكذالك الجده وغلا ..
الجده : مكان له داعي ناخر غلا
مبارك : مأمن تاخير يايمه بنزلها للمدرسه وبعدين حنا
هزت راسها برضى ، فتحت غلا عصيرها تشرب منه بخفه على ماتوصل .. وقف مبارك امام المدرسه ولمح الحارس
ابتسم يسلم عليه من جوا السياره واردفت الجده : منهو هاذا ؟
مبارك : هاذا هيثم عم زينب
الجده بتذكر : اااه ،
مشى مبارك متوجه للسوق بطلب من الجده غاده ..
نزلت غلا ولاهي بالمود ، مانامت عدل ورأسها مصدع
هيثم : مرحبا بنت مبارك
كشرت غلا بغضب تتجاهله ، دخلت ل فصلها وحصلت البنات ، جلست بكُل هدوء والغضب واضح فيها
وسالت صاحبة غلا بهمس : غلوي ! شفيتس
هزت راسها غلا ، ورجعت تسأل : يمامي وش بتس قولي
سندت راسها على الطاوله بانزعاج من كثر أسالتهم ،
استغربو البنات وهم متعودين على غلا البسمه ماتفارق ثغرها خافوا ولاكن ماجلسوا معه من دخلت الاستاذه بدايت الحصه الأولى ..
-
عند هيثم الي ماجلس من تفكيره ببنت مبارك ..
قد سمع من زينب مدحها ومن بعدها وهو يبيها ، جلس بتفكير يكلم ابوها ولو انه عارف الرفض بسبب العمر
ولاكن رغبته اكبر
-
ماسك كاس الشاهي بيده الأيسر والثانيه متكي فيها ويسولف مع الموضفين ..
سلطان : ايه تقولي جابر خطب
مسلط : ايييه الله يوفقه
سلطان : قريبه ولا
مسلط : ماهي بعيده بنت جيرانا
سلطان : اااها حللو ، يتهنى
اتصل الجوال الثابت ورد سلطان ، القائد بأمر : الكل يتفضل مكتبي اجتمااااع
سكر ولف ل مسلط : يالطيب فيه اجتماع
مسلط بتزفيره : يييهوه ابلشونا هذول!!!
سلطان : الشكوى لله امش بسس
توجهو للمكتب ، ومن دخل طاحت انضار مسلط على سيف خال غلا ، طال نضره مسلط فيه وبحده ولا بادله سيف الا بابتسامة باااارده .. كشر مسلط بغضب بتذكر للموقف وهمس سلطان : شفيك اجلس
سحب الكرسي مسلط يجلس وأرخى دقنه على يديه الي تستند على الطاوله وانضاره مافارقت سيف ..
بدأ القائد بالحوار معهم ..
-
على الضهر ، صحو البنات يجهزون الغداء
مياسه : كم باقي على الأذان؟
رنـا : نص ساعه أو اقل
كادي : متى بتروحين انتِ؟
رنـا : العصر
هزت راسها وكملو الغداء ، عند مبارك والجده من انتهوا اتجهوا يأخذون غلا ، طلعت وكان الصمت ملازمها
بدت تنزعج من تصرفات الحارس هيثم ونضراته لها
ركبت وطلبت من ابوها تجلس ببيتهم ..
مبارك : طيب غلوي وقت ثاني امي معنا !
رجعت غلا بجسدها لورا ، واردفت الجده : معليك انت برجع مع مسلط الحين منتهي دوامه
مبارك : اكيد ؟
هزت راسها وسحب مبارك جواله يتصل فيه ..
مسلط : هلا عمي
مبارك : تبقى ، وينك
مسلط : طالع للبيت
مبارك : تأخذ امي بترجع معك
هز راسه : طيب
ارسل له الموقع ووصل مسلط ، مانزل واكتفى بجلوسه
ونزلت الجده غاده تتوجه له ، ركبت وقالت : تعبتك
هز راسه بخفة ابتسامته : مأمن تعب
طال نضره بسيارة عمه ووده يلمح غلا ولاكن ماقدر
: صاير معهم شي؟
الجده : لا بس غلا طلبته تجلس ببيتهم ولا رفض
رفع حاجبه الأيسر باستغراب وقال : غريبه هي ماتحب إلا بيت المزرعه !!!!
الجده بتنهيده : اتركها اكيد تعبت من مشوار المدرسه
هز راسه وحرك يتوجه للبيت ..
نزلت غلا قدام وقال : وش مضايقك
غلا هزت راسها : ولا شي ، بسس اشتقت للبيت
ابتسم مبارك على جنب : وااااضح
-
وصل البيت مسلط ومعه جدته ..
اسرع بخطواته ل غرفته وجلس يسحب جواله يرسل ل غلا ، اللي أخذ رقمها من احد البنات ولا قد تجراء يرسل
كتب لها : صاير لك شي لجل تجلسين هناك؟؟؟؟
زفر من طولت بالرد ونزل جواله يبدل ..
عند غلا وصلت البيت لوحدها بينما مبارك رجع يجيب غداء ، بدلت لبسها وكانت بتدخل لولا صوت جوالها
قرت من الإشعارات الرساله والغريب انها من رقم غريب
، شكت ب مسلط ولاكن مالها خلق ترد
دخلت تأخذ شور وكانت تسمع صوت الاتصال واستغربت اصراره بالرد ، طلعت ولا زالت مطنشه الرساله ..
دخل مبارك بالغداء وصوت ل غلا لجل يتغدون ..
-
على المغرب من توتر مسلط بعدم رد غلا الي نامت متجاهله الرسايل وكل شي ..
طلع للدكه وابتسم بخفه من شاف العيال يدندنون
وتقدم لهم يلاعب بخفه وعلو اصواتهم بهاج وجابر :

قد يعجبك أيضاً

          

نعنبوك انتي مكاسر عود جاوي
ملبسك سندس شرابك سلسبيله

ياجميله قام يطوي الحال طاوي
والله ان كبدي على شوفك غليله

لو تمرين الشيوخ اهل الفتاوي
عودو مثلي يجرون الطويله

سجليني في علم حبك فداوي
انا مجنونك بعد مجنون ليله

من عشق شرواك ولا لايهاوي
التقيد عن بعض الاشياء فضيله

بن جدلان ..
جلس قبالهم يعدل العصبه : وش الأخبار
سعد : طيبين نفداك أمداك تصحى
ابتسم يرفع يدينه : شسوي قلبت نوم
عبدالله : اهخ وش ورا هالروقان بس
مسلط عض شفته : انت تسكت ولا صفقتك
جابر : عبود انت ماترتاح إلا وتحارشه
عبدالله : شسوي احبه
مسلط بحب مسك الدله لجل يرميها ولاكنه قام يحضنه : يابعد اخوك انت
عبدالله : ااه ضلوعي
شد مسلط عليه وقال : هاذا حبي
تركه وتنهد عبدالله : مقول إلا الله يكون بعون غلا
لف له بصدمة ضحك ، ونطق بهاج : للااا ياعبدالله مو كذا
شرق سعد وجابر ابتلش فيه ، مسلط الي تحت تاثير الصدمه للحين مبتسم : عبدالله ياملعون
ضحك عبدالله بخوف يرجع له : انقلع وراك تكفى امزح
جلس مسلط بضحك على ملامحه وأردف بهاج : ماهو قد الكلام ليه يهرج
رفع يدينه مسلط بعدم معرفه يمسح دموع الضحكه
-
لفوا البنات ل صوت ضحك العيال ..
مياسه : انهبلو هذول
كادي : هههههههه اول مره اشوف مسلط كذا
رنـا : تحمست اعرف السالفه
كادي : اكيد عبدلله محارشه
رنـا : اخوي شكوا؟؟؟
مياسه بفطنه : انتِ شعندك كل شوي تجيبين طاريه؟
كادي بوهقه : اهووو شفيكم انتم ؟؟ الواحد مايمزح
مياسه : يمزح ولاكن انتِ ماتعرفين إلا عبدالله!!!!!
رنـا بضحكه : عزتي لتس كانتس تبينه
صرخة كادي من كلامهم : خلاااص خرا عليكم افف
كانت بتقوم لولا رنـا مسكتها بضحكه : تعالي تعالي
مياسه : اسفين يماميي اشبتس
كادي : مدري عنننننكمم ، وبعدين وينها هاذي غلا
رنـا : هي يويلي ماجت !!
مياسه : فاهيين انتو؟ توكم تفقدونها
هزت راسها كادي : لا بس صدق وينها؟
مياسه : كلمتني اليوم وقالت بيجلسون ف بيتهم
رنـا : اااه ، اكيد عليها ضغط اختبارات
-
صحت المغرب على صوت زينب ..
لبست وجهزت لجل تنزل ، حصلتهم بالحوش تحت نسايم الشتاء البارده ، مبارك : صح النوم
ابتسمت تجلس ، عزوز : اخيرا جلستي عندنا
غلا : تشتاق لي؟
عزوز : ايه ، طفش إذا انتِ مو هِنا،
حضنت راسه لها تضحك : يابعدي انت
زينب : تداومين بكرا؟
هزت راسها بعدم معرفه : معررف
مبارك : خوالك ماكلموك من بعد هذيك المره؟
هزت راسها وهي تلعب بشعر عزوز : لا
هز راسه بتفهم ، وصدت لرسالة الي شاكه ب مسلط
قررت تفتح جوالها وارسلت : من معي؟
عند مسلط الي فز لردها وكتب : مسلط
ابتسمت من كان شكها بمحله : وش بغيت !
مسلط : سلامتك ، بس أبي اعرف فيك شي ولا لا لان مو بالعاده انتِ بالذات تطلبين تجلسين ببيتكم؟!!
غلا وهي ماحب تعطيه مبتغاه وو : ليه طيب ذابحك الفظول ؟ الواحد مايجلس ببيته !!؟
استغرب من ردها ومن تغلب مزاجها معه مابين الأمس واليوم ! وارسل لها : طيب فهمت مشكوررره ..
سكر جواله ، وهي كذالك .. طلعت تلبس بطلب من أبوها لجل يطلعون للمول ويتعشون ..
-
بهاج للعيال : عيال مشينا نطلع
سعد : يسلم لسانك على هيك طلب
بهاج بضحكه : يؤبرني انا
مسلط : اعقب انت وياه
وقف عبدالله : بروووح البسس
جابر : ووش بتلبس بالله !
عبدالله : بكشخ يعني وششش
بهاج بهمس : بيلبس له شورتً وتيشرت ذااك
سعد : اخو رنا كانّه صادق!!!!
بهاج ابتسم من أسم رنا وقال : ااهخ
سعد : وش
بهاج : سلامتك
ضحك مسلط الي فهم وقام من قاموا العيال لجل يطلعون ، طلع بهاج مسرع وفتح الباب لجل يركب
جابر : ابن ابوي وش هالبسس؟؟؟
عبدالله : كيف بسسس
بهاج بتعزيز : حلو حلو اركب لعنبو هالحيه
حرك جابر وهم مو محددين الوجهه ..
-
~ بالمطعم ..
نزل الأكل وأردف مبارك : سمو
زينب : عزوز حبيبي بسس اجلس
شاف مبارك عزوز كيف عنده فرط حركه ، وسحبه يجلسه بحضنه : انت بتجلس ولا كيف؟؟؟
عزوز بضحكه : طيب طيب
غلا : اهخ البيتزا تجنننن زمان عنها
مبارك : لو انك جالسه عندي كل يوم بتاكلينها
غلا هزت راسها : اقول احس اشتقت لهم من الحين
وسع عيونه : مسرع !!!!
ضحكت : ممكن توديني لهم
مبارك : الحين!
هزت راسها ، مبارك : هه مافيه الوقت تاخر!
غلا : تكفى تكفى
هز راسه بنفي ، زفرت تكمل أكلها
-
الجده بعلو صوتها ل مياسه : يا مياسه تعالي
مياسه : هلا جده ..
الجده : نادي اخووك
مياسه جلست : ياجده العيال طالعين مدري وين ذلفوا
جاسر : متى؟
مياسه : تو
الجده : لللحول
جو البنات يجلسون من فضى لهم المكان من العيال ..
رنـا : جده ماودك نزور الباحه مع هالشتاء
الجده : وحايل وش مقصره بوه
كادي وهي تقلدها بهمس : بوه
رنـا : بعد حيي حايل ماهي مقصره ولاكن ودنا نغير جو
الجده : وشغلك ؟ وشغل العيال ؟ ودوام غلا الي مدري متى تجي ؟
ميّلت شفتها : يليل يا هالدوام ! ناخذ اجازه
ثامر يضحكه : انتِ مصره شكلتس؟
هزت راسها : وبقوه
الجده : روحو أنتم أنا مافيني حيل
مياسه : مابه ملحه الروحه بدونتسس
جاسر : اجل اجلسوا
رنـا : للااا!
ضحك جاسر : يابنت الحلال مافيه روحه بدون امي
رنـا بتنهيده : طيب
-
وصلوا للمول بعد هواش ف اختيار الأماكن ..
جابر : والله مصخره وش مودينا هِنا
مسلط : عاد الشكوى لله العيال يبون المباره
جابر : يليل منهم
بهاج : شوفو المكان ذاك عارضين المباره
سعد : مشينا
مشوا يتجهون يجلسون ، وجابر راح يطلب قهوه ..
مسك راسه من صراخ الصغار ، ولف يرجع لورا ينتضر طلبه ، ولمح عزوز مابينهم
أردف يتأكد : عزوز !
لف عزوز وابتسم : جابر !
ابتسم يضمه : هلا والله
عزوز : البقى
جابر : وين اهلك
اشر عزوز : هناك
جابر : حلللو ، تبي شي بارد
هز راسه عزوز بحياء ، جابر : والله ان تأخذ تعال
أخذ له عصير ومسح على شعره : سلم لي على أبوك
هز راسه ومشى عزوز لهم ، غلا : يحول عزوز بشويش !
عزوز : بابا شوف جابر عطاني
استغرب مبارك : جابر ! وين شايفه
عزوز : هناك
لف مبارك وبالفعل حصله واقف ، ابتسم : من معه
عزوز : معرف بس شفته هو ..
ناضرته غلا لعلها تلمح مسلط معه ، وعضت طرف إصبعها من شافتهم كلهم مجتمعين وضمنهم مسلط
تنهدت بشوق له ، ولا بينت ل أبوها الي ماودها يعرف
-
بلغهم جابر بالي حصل ولف مسلط ل مكان جلستهم ووقف يغير مكانه لجل يتأمل براحته ..
عبدالله : ثور انت !
مسلط ناضره بصمت ، وكان رد ل عبدالله فهم وسكت
كان يشوف تحركاتها البسيطة وكيف انها حلوه بالنقاب وحس بالغيره من عبايتها المزينه بخفيف ..
ماكان منتبه مع المباراه وصراخ العيال من الحماس ،
كل تفكيره وتركيزه معها ، قرر يسحب جواله لجل يقابلها ولاكنه تردد ، خاف أبوها يشوف وهو يعرف انها ماتبيه يعرف لجل ماتحصل مشكله ، نزل جواله وسند راسه يتأمل ..
وقف مبارك : خلصتوا !
زينب : ايوه تبي نمشي؟
هز راسه : وانتِ ياغلا !
غلا : اي يـلا
زينب : بس عزوز وينه ..
لفت غلا ولمحته أمام الشاشه الكبيره الحولها كثير من العيال والبنات يتابعون ، أردفت : هناك بروح أجيبه
مشت وهي متكتفه ولا قدرت تمشي من بين الجلسات والعيال ، لمحها مسلط وسرعان ماوقف من شاف انضارها على عزوز ، عرف ماهي قادره توصل له لذا مشى ياخذه : عزوز
عزوز : مسلط !!!! كل شوي ألقى واحد
ضحك مسلط : يقلبي انت ، بس غلا تناديك هناك تدري
تلفت عزوز : وينها؟
مسلط : امش معي
مشى مسلط يوصله ل غلا الي واقفه بثبات ، قرب منها يهمس : حي هالشوفه
غلا : عزوز تعال
تقدم عزوز الي ماشال انضاره من الشاشه ، مسلط : غلا أكلمك انـا !!
غلا : وووش تبي يعني أقولك لبيه وسم ؟
انكر عصبيتها وقال : شصاير معك انتِ ؟؟؟؟؟!
مشت غلا متجاهلته وتوجهت ل أهلها .. رجع مسلط للجلسه يأخذ اغراضه : عيال انا بالسياره
سعد : بدري !
مشى مسلط تاركهم وهو بدأ يتضايق من تصرف غلا الغير مبرر ، صفق الباب بغضب وطلع بكت دخانه يهدي نفسه
-
وصلوا للبيت ومبارك شايل عزوز النايم ..
جلست غلا تناضر جوالها والرسايل الي من مسلط ولا قوت تفتحهم ، بعد مُده من تفكيرها دخلت تعطيه حضر بدون سبب ، ماتدري ليه ف هالفتره كارهه الكل ..
ماتدري انها بسبب تعبها المعتاد والي يمرها كل شهر يقلب نفسيتها للأسوأ

والله اشتقنا لك تكفين نزلي بكره الخميس تكفين حولي 😩😭💔تعبن من انتظار اخااأااااااا

5mo ago

والله اشتقنا لك تكفين نزلي بكره الخميس تكفين حولي 😩😭💔تعبن من انتظار اخااأااااااا

5mo ago

اقلط بوسط الحنايا واخذ عمري الباقي انت راعي القلب كله وانت اعز ضيوفه.حيث تعيش القصص. اكتشف الآن