⊰⊰ بسم الله الرحمن الرحيم ⊱⊱
⊰⊰ الهم صلي على محمد وآل محمد ⊱⊱
⊰⊰ السلام عليكم ⊱⊱
_____________________
- وأَنا لَو عَلى قَلبي ،
- فَ حَن عَشانِك فَجأَة ومال ،
- وأَنا مَهما يقولوا ،
- بَشوفِك غير ڪُل إِللي تِقال ،
- تِسحِرني عيونِك ،
- لَو قابلوني وأَقول يَا سَلام ،
- ڪان فين مِن بَدري ،
- وجودِك جَنبي يَا أَحلى مَلاك .
___________________________
_ كتم يضحك ولا يمه عصبت و رحت للغرفه الثانيه احسن من مااكعد وياه الايام هي هي ماكو شي مختلف كمت ماشوفه ابد اخذ الحبايه ونام تعبت هواي
و من مااخذها اتعب أكثر مر اسبوعين و اني اشوفه بس من يجي ينطيني الجبايه بس رحنه يم اهله مره و من رجعنه جان ضايج مادري مرة حسن شبيها اول ماوصلنه راح لغرفته و رجعت ماشوفه كعدت من جان توه راجع من شغل ولا جني موجوده
مايبوع بوجهي حته افكر اني شمسويه بس ماكو مامسوي شي عصبت و كمت مرات اقفل باب الغرفه من يجي و ماخذ الحبايه تحسنت حالتي هواي لا الم ولا حركه بس هذا الحقير يقهرني
من اطلع من الغرفه اشوف الحبايه على طبله اشيلها بس مااخذها عناد الحقير صدك صرت حراميه و بكت ملابسه احضنها و انام لو من اضوج احجي وي ملابس تخبلت صدك
كعدت من نوم تعبانه هواي حته انسى التعب رتبت البيت و اني جاي ارتب الكونتر شفت بطل شكله غريب و ريحته أغرب قريت الاسم عزااا هذا عرك ياا عزا مو مايحب هاي السوالف طلع من جوه لي جوه
بس فالح يصير براسي الرجل المثالي رجعته و كمت غسلت البيت و عطرته ماكو شي ملل راح انجلط صارت الساعه سبعه كمت ابجي مخنوكه سويت كل شي ملل و الاستاذ قافل الباب
راح اتخبل اتذكرت البطل اعرف مالازم مااشرب و مايصير بس اعناد الا اشرب حقيرر كعدت و البطل بصفي من اشتغلت يم هند تعلمت شلون يشربوه يحطون ثلج و مي
سوي اول كلاس ماكدرت شربت نصه ورى ساعتين رجعت شربت نص البطل طيبب احس بشعور غريب يشبه الحشيش بس احلى
اضحك و غني و حجي حجي مو مفهوم اخر شي اذكره من رجع الحقير للبيت اسفه قصدي حيدر
كعدت الساعه 7 صبح بعده مامتوكل الأخ للشغل و رافع خشمه من صبح جنت بغرفته شودني رحت لغرفتي اريد ارجع انام و انفتح الباب هو مو انفتح هو تكسر حقي من اقفل الباب
حيدر : هلا بسكرانه هلا بأم العرك
ماريانا : نعم شتريد شعليك ام شمه لو عرك شدخلك انت
حيدر : هلو هلو بعد يا بعد عيني بعد ركصي بال*** و *** حته ترتاح نفسيتج
ماريانا : مامجذب ركصت بال****
حيدر : ماريانا انتِ تريدن تخلصين من روحج لو شلون
ماريانا : ياخي انت شعليك ليش تدخل
_ هي لحظه و حسيت فكي انكسر معصب بس ملامحه بارده وخر ايده يهدي روحه شبيه مو هو مايريدني هاي هم حلوه
حيدر : ماريانا ام شمه سمعي الحجي و خليه ترجيه بأذانج اذا اعرف شربه لو شامه لو بالعه لو مدخن شي ارويج الويل وحق الزهراء
ماريانا : وخرر اريد انام وخر من يمي وخرر
_ رجعت لفراشي بالكوه لزمه دموعي بالنعال مهددتهن اذا نزلن اموتهن طلع و كسار الباب ماسده بس حقير بجيت لحد مانمت كعدت الساعه 4 العصر ماكو شي الباب مال بيت مقفول و حته البطل شايله
حقير اريد ارجع لاهلي على أقل اعرف ليش ابوي يريد يكتلني بس هذا الحقير مادري ليش يعاملني هيج جان حباب بس هسه أحقر شخص اعرفه
من صار وكت رجعته دخلت للغرفه و قفلت الباب اسمعه يحجي بالتلفون شوي واختفى الصوت طلعت اريد اجيب اكلي حضرت الصينيه اريد اشيلها واسمع صوت من وراي
حيدر : و اني ماتوكلين وياج
ماريانا : حضر لروحك
حيدر : الي يسمعج البارحه مايشوفج هسه تؤتؤ لو ادري مااذب البطل
ماريانا : وخر اريد امر
حيدر : لعد و اني
ماريانا : اهوو هاك تفضل ماريد بطلت
_ رجعت الصينيه و رجعت للغرفه شيقصد البارحه شمصخمه اني خرب حظي رجعت انام بطني تسوي اصوات من الجوع الحقير مرت ساعه اكيد خلص طلعت اكل
حته لو لفه فارغه اشوف بعد كاعد و الصينيه مثل ماهيه و بيده حبايه ملامحه بارده ينرفز
حيدر : تعاي شمه تعاي اخذي الحبايه مابيه حيل خبلات
ماريانا : ماريد
حيدر : مصختيها ترا دوه دوه بتل متمرد استغفرالله تعاي اخذيها لا ابلعج اياه اني
_ حرك دمي رجعت للغرفه معصب احس بحراره براسي اخذت الحبوب الي مجمعتهم ورجعت يمه ذبيتهن كلهن بالكاع
ماريانا : ماريد يعني ماريددد كافي تعبت ماجي اخذهن و مابيه شي كاافي عوفني رجعني يم اهلي يم خاله بس عوفني دمرتوني كااااافي حبايه و الحبايه تعبتتتت يا بشر
_قبل لا يحجي رجعت للغرفه و ركعت الباب ابجي محروك دمي منه حقير ارجع يكتلني ابوي ولا اتحمل بروده وياي صدك مخنوكه كعدت على جربايه ابجي تعبت
