تبارك ألماء

آلبآرت«56»

.🎀🎀
____________________________________________________________________

____________________________________________________________________

*مؤيد*

طلعنه خمس سيارات ونص الطريق باوعنه ورانه بلسبع سيارات ويه سياراتنه 12سياره

وصلنه ونزلنا كلحنه مترئسينه منذر وحسين شافونه هما وگفو يباوعولنه واحنه نمشي باتجاهم عددهم هما بل15شخص واحنه 25شخص وگفو متوترين ترىسهم مسلم

مسلم: شرايدين(بعده يحچي وحچه منذر بنتر وصوت عالي هزهم هز)
منذر: كسر ايدد النمدت على اخوي
مسلم: اخوك وابن عمك البدو على اي اساس جايينه
منذر: لك كلب انته الرايح تتهاون عليهم ومو ولد الشيخ اليسكتولكم
حسين: نكسر روس وخشومه اكبر راس بعشيرتكم
عباس: ونرجف شارب اكبر راس
مسلم: هذا النه الحچي
أحمد: الك حبيبي الك
علي: يله اشو شوفونه عرض كتافكم

هجم مسلم وجماعته واحنه صديناهم منذر كمش مسلم رفعه وطگه بلگاع ونزل يطك بوكسيات بوجه. سوه دمايه حسين كضله واحد منومه عسياره وعلي وياك يطك بي بكل ما ئئوتيه من قوه نكسر خاطري على الولد مصطفى يركع هذا بوكس ويدور عثاني كله غدرو وكضو مصطفى من ضهره اواحد يطگ بي من گدام يرافس بيهم ماكو كامشينه طفر عباس دفعهم وگفو هوا ومصطفى واحد يحمي ضهر الثاني ونفس الحاله أحمد وعلي وانا واگف اباوع مابيه حيل اعارك طفرلي واحد يريد يطگني جراه منذر وكتله طبعاً انا ماتحركت لان اوامر من منذر ما اتحرك علمود ماتعورني رجلي وهوا واگف يمي ياهو يتقرب يمي يجره ويكتله

خلصت العركه بعد نص ساعه وطبعاً چان النصر النه منذر تفل على مسلم وتوجهه للسياره واحنه كلحنه وراه ركبنه ورجعنه للبيت وچان جدي واگف بره هوا وعمامي نزلنه وهوا صاح

الشيخ: هلهه باسودنه هله
حسن: بيض الله وجهكم مثل مابيضتو وجهنه
فيصل: عفيهه برفعه الراس
غيث: فحول فحول ماشاءلله

نص ساعه واگفين يمدحون بينه كسرها مصطفى من حچه

مصطفى: كافي ترا تعبانين مو مال تمحدونه
حسن: انته اسكت حتى بلمدح مخيس وجهنه
مصطفى: تاگعد واسكت صاحبي
حسن: ههه دور  ادخل

دخلنه بديوان وگعدنه نسولف الجدي شصار وجدي يضحك مفتخر

حسين: جدي كلشي مشه عدل بعد اذا اجو عشيرتهم الك
الشيخ: احنه نتصداهم العليكم سويتو

مرن يومين والروتين عادي خلال هايه اليومين اجو عشيرتهم وتصافينه مابيناتنه شي وبعد يوم خطبه حسين وگاعد نحضر بقاعه الخطبه

واگفين نحاچي بأم القاعه حتى نحجز حجزنه القاعه جانت كلش كبيره واختارينه ديكور حتى ينضمونها وطبعاً مصطفى وحسين الي ختارو الديكور عباس راح يحجز الكيك
ومنذر راح للدوام وعلي وأحمد راحو يحجزولنه قوط