عشك الملا غربال
لاتنسون التصويت ومتابعة الحساب والتعليق على كل فقرة ✅❤️
ورده الشيخ محمد
قراءة ممتعه
ـــــــــــــــــــــــــــــــــــــــــــ
حلاوه//
- كانت بمثابة طعنة في القلب ، أدركت حينها كم أنني حقًا وحيد ، ذهبت أحمل همي وحزني ودموعي إلى أقرب الأقربين لي، لكنني خذلت.
ودعت كلشي بعيون كلها الم ومشاعر محطمه وقلب مُنكسر
تمسكت لحد آخر لحظة
لحد اخر نفس وشّمة عطر ..
حتى الامل الوحيد الي چنت اريد اتمسك بي
انتهى قبل لا الزمه..
ابد مانسيت ايده البارده والي ترجف من تلزم ايدي وتدفأ وكل جسمه يدفه بلمسة ايدي ..
بس اليوم كلشي تبخر ، كلشي تبخر بهلهولة ..
فاتحة صارت بكلبي ، ما چنتّ اتخيل فد يوم من الايام
اعيش فاتحتي واشوفهم من يشيعوني ببدلة العرس
ويدفنوني بهلاهل ..
فززتني لزمة ايده وهو يلزمني بقوة ، دفعت ايده ودرت وجهي
غطيت نفسي ولملمت ࢪوحــي بالبرنص
ولزكت ࢪوحــي بباب السياره
قلل صوت الاغاني
وحجه كلام هزلي بدني:- خرب عرضها امچ مال الزمج اخذجن انتِ وياها
ب استغراب رفعت راسي :- شنو جاي تحجي !!!! انتَ ماعندك اي شي حرام ؟؟؟ اليا مرحلة واصل من الوساخه ؟؟؟
لؤي:- لا حياتي ماكو حرام بالدنيا كُلشي حلال كُلشي مباح
حلاوه :- لعد بطنك شكد متروسه حرام !! شجاي تسوي بروحك ؟؟ متخاف من الله
لؤي:- خل اعترف بي اول مره وبعدين عود اخاف منه
حلاوه :- استغفرالله الله يخسف بيك الكاع انت وامثالك
لؤي:- عادي نهايتنه نموت بس المهم عايشين حياتنه بابا شنو حرام شنو حلال شنو ممنوع هاي سوالف العمايم متمشي عدنه
حلاوه :- هذا دينك مو سوالف ، اذا متعرف الحلال والحرام المن عايش وشلون عايش بيا مستنقع
ضحك بصوت عالي وغنه ب استفزاز مقرف وهو يستهزئ بيه :- شيصبر العاشگ ياخاله ...
نزلت راسي بيأس
وتركته ماحجيت وياه شي
شكد حاولت الزم دموعي ماكدرت
شكد حبست دمعتي ماكدرت
جرت دموعي غصب عني
وكفت السيارة ، وطبگت يم قاعة العرس
نزلت منها واني كل ذره بجسمي ترتجف ، لزم ايدي دفعتها رجع لزم ايدي والمزايق اصواتها عاليه الدرجه غلطت وسبيته وماسمع
بنص الهوسه والزلم داير مدارنه اني مجلبه بالبرنص واغطي نَفسي
تقدم جر البرنص يريد يشيله بالشارع بنص العالم والفرقه !!!
ابتعدت عنه متفاجئة رجع لزمني من معصم ايدي بقوته
حاولت افلت ايدي عاصرها قوي ، شهكت وبلعت ريكي
وهو رفع ايدي وايدي كلها طلعت وصار يهز ويعت بيه ويركص بالشارع كدام القاعه بدون ميستحي ويخجل وبدون غيره ..
