لـا تـگُـن كالشَمعة تضـيء للآخرينُ وتحَـرق نفُسها
نبلش صلوا على محمد وآل محمد
..
ــــــــــــــــــــــــــــــــــــــــــــــــــــــــــــــــــــــــــــــــ
كعدت الفرح بيه واني اتخيل بعد العرسي بس اقل الشهر انسان يحب يعيش حياة وي الي يحبه
كمت توضيت وصليت نزلت لامي ومينا حجي عدهن بس مايحجن
ـ شبيجن؟
كبل كالت امي
ـ ام حيدر تريد العرس الأسبوع الجاي
فتحت عيني بصدمة شلحك
ـ شبيج يمه شنو شلحك
مينا: اني وياج نطلع بهذا الأسبوع كل يوم ونشتريلج كلشي
اباوع بعد ساعه يله كدرت اوافق بس هم ما قابله كلش
شسوي لعد سكتت اتريكت ومينا كالت ماكو تنظيف رآح تجي مره تنظف البشره وتخليلج ماسكات
هزيت راسي موافقه اباوع للفراغ صعدت ركض للغرفه لزمت الموبايل راسلت سيف اتصل عليه
ـ ها سيف
ـ هلا عروستي
ـ سيييف ما الحك
ـ تلحكين
ـ ما شنيههه
ـ وجعااا عمي انجبي عرس ونسوي عرس يله لا تعاندين
ـ مالحككك
ـ تلحكين هيه بدله وملابس ومكياج
ـ يله اليوم نطلع اني واخواتي ومينا نشتري اغراض
ـ احم مگياج ماكو!
ـ يي ادري اصلًا اني مكيجه من ربي!
ـ ديله يله لبسي بوشيه
ـ يله سيوف حبيبي باي
سديت الخط بوجه اضحك تغيرت نفسيتي شو البنات اجن من وكت طبن يركصن البنات
ـ اخذنا اجازه.
ضحكت حضنتهن سويه لكلبي اشمهن يمه راح اعـوفهن يكلبي
رفعن راسهن يباوعلي ضحكت اخواني هم اجوا جايبين اكل وياهم يضحكون فرحانين دخلوا كعدوا رحت يمهم كعدت بنصهم سحبوا اديه باسو بطنها
علي الاكبر: اسمعي بويه راح تتزوجين وتصير عندج عائله اذا سيف نزل دمعه من عينج كليلي اجي اسحله
تحسر كمل كلامه بس ابو الحسن
ـ اني اضل وياج بكل موضوع كليلي اخوج اني خواتج يمج لا تضمين
دمعت عينهم كاموا طلعوا برا مسحت عيوني مدمعه إختنكت راسلت حُره حجيت الها مختصر الكلام تواسيني ونطتني نصائح هواي وستفاديت صبوا غده كعدت صافنه العب بالخاشوكه وافكر
بعدين نطلع كلنه نشتري اشياء! هواااي لان معتازه
مينا فرحانه واخواتي واخواني وامي مدمعين الخنكه صعدت ببلعومي اصلاً دمعت عفت الآكل وكمت مالي خلك صعدت فوك حضنت المخده ابجي مختنكه حيل! دخلن خواتي كعدن يم راسي يمسحن عليَ بحنيه الشهكه متروح من بلعومي اشهك مثل الطفل اجت مينا جايبه حليب وكيكه
ـ يحلو لا تبجي أكل حلويات
خذتهن امسح بدموعي مبتسمه كرصن خدي شويه واجت هاي الي تنظف البشره جايبه هواي إشياء وياها قشرتلي بشرتي وماسكات رتبت شعري وكذلتي
هواي اشياء سوتلي
البنات هم سون خواتي ومينا انطيناها افلوسها خذتهن وراحت بدون متحجي اي كلمه ضحكنا شكلنا يخبل طلع!
بالخمسه ونص صارت بدلنا ملابسنا خابرنا سيف انطينا علم واخواني كذالك طلعنا
المهم تسريع الحداث وكفنا بنص المحل اخذت شامبوات بلسم هواي عطوره 9 يخبلن ومسك التوت ومسك الفراوله ومسك التوفي يخبلن قمصان نوم هواي ملابس طلعه كلشي كلشي اشتريت اشكال
جُبب اثنين اشتريت. جنط احذيه
تسريع الاحداث
كملت كلشي من المشترى باجر نكمل باقي الأشياء گعدنا بالكافتريا اني نزلت كوفي وكيك والبنات هم نفس طلبي اجاني مسج من سيف فتحت الموبايل كاتب
ـ ها شني كملتي؟
رديت
ـ يي وهسه احنا بالكافتريا!
رد
ـ اكلج جا الكافتريا كلها ولد؟
رديت
ـ يي حبيبي معليه بيهم
تفاعل وي رسالتي وطلع عرفته ضاج بس ما يريد يحجي سكتت اني هم شويه ومينا كالت
ـ يله كومن
كملنا دفعنا فلوس وطلعنا قلقة لا يروح يعيد غلط ذاك اليوم اخاف عليه بعد مرتين اكلاثه يعيدها يضر علىٰ المعده ابداً ما أتحمل خسره بعد اجرنا تگسي الغراض كومه ما كفت الجنطه خلهن يمنا شلون ما كان كعدنا وصلنا للبيت طبب الغراض الرجال من اباوع الهن افرح لكيت علي الاكبر جابلي جنط مال عرايس كبار كلش طببتهن كلهن جوا أكمل الهوسة وصفيها
طلعت بعد ما نزعت ملابسي مال الطلعه وسوالفنا لامي شنو صرفنا وشكد ضل باجر اطلع نحجز القاعه والبدله وصالون يعني شكو شيء بي حجز باجر
عزلت آغراضي على الجنط ملابسي الي بالكنتور طلعتهن هم بالجنط صورتهن ونزلته ستوري شافه اكرم صدك هما صار الهم شكم يوم ما يجون عدنا
سيف رد الي على الستوري
ـ ابيع كلياتي واشتريلج اغراض عرس
ابتسمت فرحانه صورت كلامه ونزلتا ستوري حطيت صورة عروس والفرح الي بيه ما يوصف
تسريع الاحداث
بعد الترتيبات كعدت بفراشي افكر بغيرة سيف الي تخنك والي تخوف دزيتله مسج
ـ موجود؟ فارغ؟
رد بساع
ـ يي، افرغ الج.
رديت
ـ اكلك نصعد اتصال
رد
ـ لا عيني اخجل
ضحكت دك كبل شلتا كتله
ـ هلو اخي؟
ـ اجي آطكج؟ شلونج!
حجيت بجديه
ـ زينه الحمدلله اكلك
ـ كولي
ـ شلون وي غيرتك؟
ـ يا غيره؟
ـ باع انتَ من كلشي تغار وتصيح واني اريد اطلع واطب وسوالف واضحك
ـ يي طلعي وياي وسوالفي وياي واضحكي وياي
سكتت رجع كال بهدوء
ـ باعي تبارك ماكو رجال بهالدنيا ما يغار على مرته بس انه من النوع الي اغار اذا كلتي آسم ولد على لسانج، اغار عليج من كل النواحي احس نار وتخترق بصدري من اسمعج تحجين وي ولد عمج وعماتج!
سكت يكح ويرجع يحجي
ـ احس جهنم بارده على النار الي تصير بيه، تغارين عليه هجي؟
ـ اني هم اغار عليك من كلشي مرات افكر هم ديفكر بهند هيج افكر بس مو نفسك انتَ غيرتك مرض
