روح تراني طايب النفس مابغاك حكم طغى ماعاد ينفع نظامه

بارت ٢٧

نزلو من السيارة يمسك كف يدها يدخلون وانظار الكل عليهم
وصل لمكاتبهم قرب ثغره من جبينها يعطيها قبله خفيفه يدخل مكتبه وهي راحت تجلس على مكتبها
جلست تناظرها ولاء بخبث
توليب : خير وشفيك تناظرين كذا ؟
ولاء : حركات وبوسات شسالفه
ابتسمت توليب تنزل راسها بخجل تنطق بصوت خافت : يمديك تقولين رجعنا زي اول واحسن
رغد : مبروك يا عيوني فرحت لكم الله يهنيكم ببعض
ابتسمت توليب تهمس بأمين تبدا تشتغل على الملفات

دخلو توق ورعد وكل واحد توجه لمكتبه
راحت تسلم عليهم تناظر هند المصدومه من دخلتهم واياديهم المتشابكه ناظرتها توق بأستفزاز تلوح لها توريها خاتمها
تروح للبنات
رغد : اليوم من بداية حلو اول شي توليب واسر وانتي ورعد شسالفه
جلست توق تبتسم
توق : يمديك تقولين القلوب تصافت
ولاء : كيف يعني قلتي له ؟
توق وهي تناظر الاسوارة الي عطاها رعد وهم اطفال : لا هو الحين متذكر كل شي من طريقة كلامه وشرحه بس ناقصه الاسم والشكل ، ودي اقوله بس خايفه
توليب : وش مخوفك بيكون شي حلو انه يعرف
توق : صح شي حلو بس على حسب كلام نوال ومنيرة ان الدكتور محذرهم يعطونه كل شي مرة وحدة لأن احتمالية غيبوبه او صدمة بتكون كبيرة كل شي بالتدريج
سكتت شوي تكمل : الواضح مو بس انا وضعي تحسن حتى انتي
ناظرتها توليب من حست الكلام عليها تبتسم بعباطه : يعني واضح علي
توق : وتسألين ، هاه مافيه شي بالطريق
ناظرتها توليب بصدمه من جرئتها تقرص فخذها بقوة : احححح توليب يعور
توليب : احسن تستاهلين قليلة ادب
صدت توق عنها تمثل الزعل بس ماقدرت وضحكت يضحكون معها البنات متجاهلين هند الي اذنها سمعت كل كلامهم
___
تمددت على السرير بتعب تناظر لوحتها الي اكتملت تبتسم بفخر على الانجاز الي سوته خلال اسبوع واحد بس
خذت جوالها تفتح الكاميرا تصور فيديو لها منسدحه على جنبها وماسكه الجوال
تغريد : انجاز كبير خلصتها اخيرا يازين الحياة بدون شغل ولا مشغله منجد
خلصت كلامها ترسل الفيديو على قروب الي فيها ( توق توليب ميس رنا هازان ملك يارا لمار رغد ولاء رنيم لميس ميرال حوريه نوال منيرة )
بدون ماتنتبه حددت مع القروب ماهر ترسل له الفيديو بدون ماتنتبه وحطت جوالها تغمض عيونها تغفى بتعب

كان بمكتبه يشتغل على اوراق بس جاه اشعار خلاه يوقف عن الشغل خذ جواله يشوف رسالة تغريد فتح الفيديو وانذهل من الي شافه بدون مايحس على نفسه حفظ الفيديو يرجع يعيده ، حط يده على ثغره يخفي ابتسامته الي طلعت من شكلها وطريقة كلامها
ماهر : استغفرالله ، يارب ثبتني
رجع الجوال مكانه يكمل شغله

~~~
دخلت هند على رعد ومعها ملفات
حطتها على مكتبه وابتسمت تتعمد ترفع كم عبايتها تطلع اسوارتها والي كانت مثل اسوارة توق بالضبط
رفع نظرة يلاحظها وقبل ماتروح مسك معصمها بسرعه يناظر الاسوارة
هند : حضرة الرائد شفيك ؟
رعد : من وين لك ذي الاسوارة تكلمي !
ترك رعد يدها يستناها تتكلم
تنهدت هند تمثل الضيقه : يعني ماتتذكرني ، رعد انا مليت سنه كامله معك بالفريق على امل تتذكرني بس خلاص مليت
عقد حواجبه من كلامها : وش تقصدين ؟
هند : رعد .. سكتت شوي تكمل : رعد انا وياك نعرف بعض من يومنا صغار ولما افترقنا صار لك الحادث واخيرا لما شفتك صبرت سنه كامله ويوم جيت اقولك كل شي اشوفك متزوج كيف كذا ؟؟
مافكرت بمشاعري ، لما كنت تتكلم عن حب طفولتك قدامي قلبي ينجرح ودي انك تتذكرني بس
سكتت تنزل راسها تستناه يرد بس
مارد رعد من الصدمه الي نزلت عليه
لفو لصوت وقوع الملفات على الارض والي كان مصدرة توق الواقفه بصدمه والواضح انها سمعت كل شي
ابتسمت هند من تحقق الي تبيه وطلعت من المكتب تسكر الباب
بلعت توق ريقها تستند على الباب وحطت يدها على جبهتها من الي سمعته
رعد : تو...
توق : هص لا تقول شي رعد مابي اسمع حسك اسكت رجاءً
زم ثغره وجلس على كرسيه يمسك راسه بألم لوهله شك ان توق تكون هي نفسها صديقته بس الحين جت هند وتكلمت
رفع نظرة لها من سألته السؤال الي يبي يهرب منه : وش بتسوي الحين ؟
ناظر عيونها الي خلت من الاحساس ولمعتها اختفت ترجع تكرر : رعد وش بتسوي ، حبك الاول رجع وش بتسوي
رعد بهدوء : توق ممكن نتكلم بعدين
ضحكت توق بسخريه تهز راسها
توق : ايه طبعا نتكلم بعدين استاذ رعد لأني متفرغه لك دايما ، تكلم الحين وش بتسوي لاتكون مشاعرك رجعت اممم طيب ايش رايك تجيبها زوجة ثانيه تصير عندي قصة عشق روميو وجولييت
رعد بصوت شبه عالي : توق قلتلك نتكلم بعدين
توق : رعد فكر قبل ماتتخذ اي قرار
مارد عليها نزلت تاخذ الملفات من على الارض تحطها بقوة على مكتبه تطلع
شافت بوجهها هند المستنده على الجدار وقربت منها
توق : وش هدفك من هذي الكذبه
هند : اي كذبه ، يمكن صدق انا هي
قلبت توق عيونها فيها تتكتف : سمعتي كلامنا وقلتي فرصه ، هند ابعدي عن زوجي احسن لك
هند : وان مابعدت ، الحين انا بنظرة حبه الي رجع ولو ايش ماسويتي مستحيل تثبتين العكس زعلانه عليك
حطت يدها على كتفها بس صدمتها توق من حطت يدها على عنقها تثبتها على الجدار
توق : اسمعيني زين انتي وامثالك مايعرفون عواقب اللعب مع حرم رعد عشان كذا انتبهي لكل خطوة تخطينها انتي الحين بملعبي وهو مليان اللغام يعني لاتدعسين على لغم وتطيرين بسبب حركة متهورة بدون تفكير
كانت هند تحاول تبعد يدها وتوق الي نبرتها احتدت لما خلصت كلامها بعدت عنها تتركها بقوة تحاول تلقط انفاسها
ناظرتها بسخريه تطلع برا المركز

شافت ولاء وهي جايه ناحيتها وبدون سابق انذار حضنتها تنزل دموعها
رمشت ولاء اكثر من مرة قبل ماترفع يدينها تحاوطها تكمل بكائها وتقول كلام مو مفهوم
ولاء : اهدي وقولي وش صار
بكت توق اكثر تبدا تقولها كل شي
توق : ولاء مقدر قلبي يحترق ، عارفه انها كذابه بس مدري ممكن صدقها كيف بثبت العكس
حاوطت ولاء وجهها بكفوفها تمسح دموعها : ياعيوني اصبري وبنكشف كذبتها ، جربي تقولين له انها تكذب واذا ماصدقك بنساعدك
__
رفع زياد راسه من وصله دق الباب يسمح للطارق بالدخول ، دخل خالد ووقف زياد يسلم عليه
جلس خالد يناظر زياد الي يستناه يتكلم
خالد : يا زياد انت عارف اني قد طلبت بنتكم ولاء لولدي معتصم وللحين ماعطيتونا رد
تنهد زياد يشابك يدينه ببعض : والله يا خالد البنت رافضه مو بس ولدك كل الي يجون ترفضهم ، لو علي زوجتها معتصم رجال ومافيه عيب بس وش نقدر نقول نصيب هذا
سكت خالد يفكر شوي وابتسم يرجع نظرة له : زياد تتذكر الصفقه الي قبل شهر ؟
زياد : ايه صح ليش ؟
خالد : وش صار عليها نجحت
زياد : لسا الامور تمشي بشكل بطيء
خالد : طيب اسمعني عندي لك عرض مايتفوت
عقد زياد حواجبه يكمل خالد : عندي معارف يقدرون يساعدونك ويسرعون الامور عشان تنجح صفقتك هذي بشرط
زياد : ايش هو ؟
خالد : زواج معتصم وولاء
ناظرة زياد بهدوء يحاول يمسك اعصابه
جا بباله طريقة زواجه هو ولين من قبل
اثنينهم انجبرو وحبو بعض رغم كذا بس مستحيل يخلي بنته تعيش نفس التجربه هو بس يبي راحتها
زياد : معليش يا خالد بس بنتي مو سلعه عشان استعملها لتحقيق اهدافي ، لو فشلت الصفقه هذي فيه مليون غيرها
خالد : زياد فكر هذي الصفقه بتخلي مشروعكم ينجح بشكل مبهر وهي اكثر صفقه مضمونه ، ماتدري يمكن هذا نصيبهم
سكت زياد بدون مايقول شي ووقف خالد وطلع يتركه يفكر

~~
انتهى
لا استبيح القرائه بدون نجمه
حبايبي هذا الي بس كتبته الافكار موقفه
توقعكم للجاي وايش بيصير
هل قصة لين وزياد بتتكرر ام لا