بعد مرور يومان
لندن 11:00
دار حكيم :
حكيم واقف حدى بالكون وكيهضر فتلفون مع تقوى :
حكيم :لباس عليك ؟
تقوى:لباس ونتا ؟
حكيم :حمد لله مزال ناعسة
تقوى:لا فقت قبيلة اصلا هد اوتيل صراحة مفيهش صداع
حكيم :ايو راه من اختياري انا
تقوى:مزيان مزيان ثقة فنفس حكيم كنحس براسي قنط وكان غير جيتي ونتغدو فشي بلاصة اصلا هد اوتيل فين كاينة مبعيدش بزاف على دار ديالك
حكيم :وانا زعما توحلني طريق مشكل عندي تدريبات ممساليش
تقوى:معليش تسالي وجي معاش تسالي ؟!
حكيم: تقريبا بادين مع 12ونساليهم مع 3
تقوى:صافي سالي واجي ناكلو فشي بلاصة
حكيم:محال واش نقدر حيث عندي ميدار منورا تداريب
تقوى:وعفاك حكيم دابا راني قنط وكنبغي نخرج ولكن مزال مزعزعة شوية حيث تشفرت ديك مرة
حكيم :(ساط): تقوى قلت ليك ممساليش عندي ميدار وديك نهار نتي لي مشيتي لداك زنقة مشبوهة
تقوى:صافي صافي لي بان ليك بسلامة
قطع اتصال
تقوى،:مزيان انا بغيت نتونسو ونتا تتهز عليا صافي ماشي سوقي يخرج لا مايخرج نخرج بوحدي ونهني وقت
14::00
المغرب : مراكش
دار تقوى ؛
وهيبة جايبة طاجين وحطاتو فوق طبلة
وهيبة:بلاتي دنيا واحد شوية نجلس
دنيا:(وقفات):دوزي خالتي حبيبة دوزي (جلسات)
رشاد:(كيغمس فطجين): مي مدواتش معاك ديك مسخوطة
وهيبة: (ياله بغات تاكل ورجعات دغمة):ياربي ياربي خلينا ناكلو فراحتنا هالعار تقوى قلبي حارقني عليها معرفت اش طاري ليها ونتا كل مرة تجبدها وتسبها
رشاد: نسبها وسمعي سمعي دنيا بغاتني نغني شعر على بنتها مي خليني محترمك بنت راه هربات من دار واش فهمتي راه هدشي لي دارت كيطحو على قبلو رواح اه رواح
دنيا: لاحول ولاقوة الا بالله العلي العظيم هد زواج خالعها حتى هربات لي شافها دارت هكا يقول مخبية شي حاجة
وهيبة :(خنزرات فيها،): دنيا جمعي فمك اويلي هبلتي ولا مالك
رشاد:كدبات زعما هاديك بنت لحرام شيطانة كحلة دايراة شي موصيبة لقاها وتشوف حتى قربت نوصل ليها ولكن ملقيتهاش كولي كولي مي وكان كولي
وهيبة:(وقفات):مبقات عندي شهية ماكلة كول غير نتا ومرتك صافي
(تقوى فاش عرض عليها حكيم تمشي حيث خايف عليها مشات معاه حيث مكان حتى حل عندها ايلا رجعات دار غادي تعقد امور وايلا بقات فمراكش معندها فين تجلس وحتى حل مناسب ملقاتو وبان ليها تمشي مع حكيم بينما تهدن امور وتعرف اش دير لي ترجع بحالها)
من جهة خرى امين رجع دارهم فأسفي حاول مابين ليهم والو
زينب ؛(تتكب اتاي):ولدي امين كيف غادة امورك مزيان
امين:لباس ماما حمد لله
كوثر:امين قولي ليا دابا اش غديرو فديك خطبة منحوسة
زينب:(شافت فيها):حشومة
كوثر:وكدبت ماما داكشي باين منهارو
امين:خليها مي كوثر ختي بنت كنبغيها وتتبغيني ولكن باها تزاد عليه مكان عندها مندير كان خصها تمشي
زينب:ايو مهم ولدي امهات كيحسو ونجيك صراحة ديك بنت من عنيها مبانش ليا شي حب فيهم من جيهتك
كوثر:بصح بان لينا فيك غير نتا
امين:(تعصب ومرضاش ضحك بسخرية): شكون تقوى تتموت عليا انا عارف اش كنقول سنين وهي تتسنى داك
نهار يجي غير وقع داك مشكيل وصافي نعوضها مرة خرى (ناض دخل بيتو)
كوثر:ماما اش بان ليك
زينب:ولدي مسحور واقيلة من طرف ديك جنية محملتهاش وكان غير خطب بنت خالتو مريم على زينتها
ايو الله يدير لي فيها خير
15:30
اوتيل لندن :
تقوى جالسة فكرسي حدى لابسين ديال اوتيل تصلات بوفاء
تقوى : سلام انا تقوى هادي نمرة بابا
وفاء :واخيرا فين غبرتي كلشي كيقلب عليك
تقوى:سلام عليكم بعد
وفاء:فينك دابا نتي
تقوى:(مبغاتش تقول ليها حيث وصاها حكيم ):انا مهم راني بخير نتي كيف غادة مع جو لندن
وفاء: لباس لقيت خدمة كديباني بيها قولي ليا مرجعتيش داركم
تقوى :لالا وفاء ماشي دابا
وفاء:مدوياش مع حكيم مفراسو والو زعما ؟!
تقوى:لا مهضرتش معاه معارف والو نساي هدشي عيط باش نسول فيك
وفاء:تقوى انا نمرتي مكيناش عند باباك ونا عارفاك محفضاش نمرتي منين جبتها ؟
تقوى:الا حافضاها منيتك وفاء واحد شوية ونعيط ليك بسلامة سلمي على خالتي صافي
قطعات
تنهدر فخاطرها: عيط ليك تونسيني جالسة تسولي فيا
ناري كنت غنحصل نمرتها هزيتها ديك نهار من تلفون حكيم
دخلات انستا لقات لفان حاطين صورت حكيم كيضحك مع صحابو فتداريب كلها واش كاتب عليه جميع انواع الغزل بطريقة مغربية لقات فصفحة ديال تشيلسي رسمية
دايرين ليه tag وردو ليهم. منورا 10دقايق
تقوى: ياك سي عندك وقت تهز تلفون وانا قلت ليك نخرجو جالس تتسوط عليا شوف ليك هادو كلها واش كاتب عليه هادي حتى هي كاتبة حب حياتي اشمن حب حياتك اويلي على ضحكة ديالك هي الحياة ناري هد مراهقات حماقو حماقو فين تتعرفوه اصلا وجلس نتا فرنس وخلي ناس يكتبوا عليك شعر
21:00
تقوى دوزات نهار غير فلأوتيل وجردة ديالو مخرجاتش
ومهدرتش معا حكيم من دك اتصال اخير بيناتهم
جالسة فناموسية ديال بيت مغمضة عنيها وتتصنط عظامها حتى غادي يقفزها صونيت تلفون من عند حكيم
تقوى:(تهزات حتى ضربات تلفون وطاح ): ويلي ويلي ديما مقفزني نتا من نعاسي اوف
جاوبات:
حكيم: الو لباس
تقوى:الو
حكيم:سولتك واش لباس واقيلة
تقوى: عندي مشكلة فسمع هادشي باش
حكيم:سيري عند طبيب شوفي ليك شي دواء مزيان
تقوى: مشيت ولكن قال ليا ودنيك معندهمش دوا
حكيم:دوا ديالهم ساهل عضة وحدة فودنيك يرجعو مزيان
تقوى: حكيم مال ضحكك باسل معنديش مع هد ضحك خاوي
حكيم: لبسي عليك ياله كنتنسناك حدى اوتيل
تقوى:كيفاش كيفاش ياك حتى رشقات ليك نتا غير خرج بوحدك مني بغيت انا مبغيتش
حكيم:(بصوت معصب): وديت معاك زعما راني ممساليش متبقايش تعقدي امور
تقوى،:انا لي كنعقدهم ياك ماشي نتا
حكيم:(بصوت بارد)دابا باغي تخرجي ولا نمشي فحالي تقوى
تقوى:سير مابغاش نخرج
حكيم:اوكي بسلامة (قطع اتصال)
تقوى واقفة شادة فتلفون وتتمشى فلغرفة متوترة عاودات صونات حكيم
تقوى: حكيم فينك
حكيم: بعدت علاش
تقوى:,كنت بغيت نقول ليك زعما ايلا
حكيم:اش لي ايلا ؟
تقوى؛ معرفتش على قبيلة ايلا بغيتي
حكيم:مالك تترعدي وضحي هضرة لبسي وهبطي مزال حدى اوتيل عرفتك غتعيطي هرمونات عندك طالعين
تقوى: بصح صافي شوية ونكون عندك (قطع اتصال )
22:30
بحر لندن :
حكيم جالس هو تقوى فكرسي قدام بحر من بعد متعشاو فمطعم حدى بحر
حكيم: دخلتي فطبسيل طول وعرض (كيضحك)
تقوى: وباز ونتا دخلتي فكلشي
حكيم:بقيتي ليا غير نتي هاد ساعة ندخل فيك (ضحك بجهد)
تقوى:(وقفات)؛حكيم نوض ديني فحالي مالك مريض
حكيم:جرها جلسات: مالك كنضحك (شاف فيديها): فيك برد مالك تتحكي فديك ؟
تقوى: شوية غير مع بحر كيجيب برد
حكيم:(خدى ليها يديها بجوج وجمعهم فيديه : هكا مزيان
تقوى:( تخربقات): نوضو نمشيو حسن
حكيم:فين بلاتي حتى 11 (زير على يديها)
(تقوى تتفكر كيفاش حكيم قدر يخليها تقبل منو اي حاجة اول واحد تخليه يشد فيديها وتقبلها بلاما تعصب تنفعل اول واحد تزعم تخرج معاه بلاما نخاف او تجلس معاه فدار وحدة بلاما تشك فيه اول واحد تزعم تعنقو بلاما تخاف اول واحد تحس بيها رومانسي معاها ومتحرمها فنفس لوقت )
حكيم:فين سرحتي نتي ؟
تقوى:(طلقات من يديه ): حكيم نسولك ؟
حكيم:(كيشوف فلبحر): بدرجة المغربية:اممم اشنو
تقوى:ياه ضحكتني عرفتي كيفاش نطقتي كلمة ديال اشنو (كضحك)
حكيم: (رفع حاجبو): سولي سولي باركة من ضحك
تقوى: وخى ايمتا عرفتي راسك تتبغني ؟
حكيم: (نقل راسو كيشوف فنجوم): مغاديش نقول ليك ديك هضرة ديال حب من اول نظرة داكشي مكنعرفش ليه بصح فلول عادي مني عرفتك مزيان عجباتني شخصيتك (قطعاتو)
تقوى:,ايمتا وليتي تعرفني مزيان!؟
حكيم: نهار لول
تقوى:كيفاش
حكيم: نهار لول فاش مشيت دافعت عليك من داك مصري حقير ومشيتي دار وخطتي جرح ديالك ودويت معاك قدرت نعبرك مزيان وعرفتك اش كتسواي اكثر حاجة عجبتني شخصيتك شفت فيك بنت قوية وشجاعة وعنيدة فنفس لوقت وقناعة عرفتها فيك غير من تصرف ديالك
تقوى تتشوف فيه مبتسمة
حكيم : عرفتي ايمتا عرفت راسي كنبغيك
تقوى:لا هد سؤال ديالي اصلا
حكيم:(عاود رجع كيشوف فنجوم):نهار لي رجعو تلقاو ليك دوك ناس حدى سبيطار وضاربت معاهم وكنت راجع وعنقتني من لور نتي بوحدك لي قدرتي توقفني فديك لحظة بوحدك فاش عنقتني حسيت براحة لي كنحسها غير مع ام ديالي فقط غضب ديالي طفى ونصارحك اول مرة قلب حكيم زياش غادي يتحرك هو داك نهار حسيت بيه ضرب بدون شعور داك نهار تأكدت بلي طحت فلحب ديالك معمري تخايلت غادي نبغي شي نهار وممكن يكون اعجاب ولكن حب لا معمري امنت بلحب حتى عرفت واحد بنت سميتها تقوى(دار عندها مبستم وعنيه كيلمعو)عصبية بنت عنيده. ما تتسمع كلام حد حنينة بعد مرات تتكون بادرة حيث عيانة معندهاش خاطر تتبغي لي كيبغيها متترميش راسها على ناس لي بغاها هو هداك لي مبغهاش صافي مني تتقلق تتخبيها فقلبها ومني تطلع ليها بكية تتحبسها بزز .
بحال بنت صغيرة وجه ديالها بحال شي كرة
تقوى جمدات حسات بدموع ديال بصح طلعو ليها حسا بحكيم كيدوي بحالا كيعرفها شحال هادي
تقوى: عرفتي معمري غنشك الحب ديالك ليا
حكيم :(مسح ليها واحد دمعة ): نقدر نقول ليك انا عصبي قاصح وعندي غير نيشان مع بنادم ولي غلط معايا متنعقلش عليه وحقي مكنسمحش فيه ولكن ناس لي كنبغيهم كنحطهم فقلبي ونسد عليهم من غير ايلا دارو شي غلط ديك ساعة هدرة خرى نتي تقوى دابا تتباني ليا بحال ديك نجمة لي تتلمع وسط نجوم شفتيها (كيشير بصبعو) كنحيك قدرتي دخلي لهاد قلب (هز يديها وحطها على قلبو حط راسو على جبهتها )
تقوى: i love you Hakim
نهاية جزء
