تجوزتُ متشوه الخلوقي😭

بارتـ3

🩵الكاتبه اسو المسلاتي🩵
تاريخ كتابة الروايه 13/10/2024🩵
بارتـ3 🩵

ف المستشفى  الخاص الي تخدم فيه أسوه
خش ارزاق و السواق متاعه او المساعد
أرزاق : ارزاق مرزق القاضي .
الريسبشن : اوكي حاجز عند الدكتوره أسوه .
ارزاق : اها وين المكتب متاعها ؟
الريسبشن : ف الممر الاول غرفه رقم 10.
ارزاق : شكرا .
الريسبشن : ولو هذا شغلي .
وصل ارزاق قدام مكتب أسوه دق ع الباب
أسوه : تفضل .
خش ارزاق : السلام عليكم .
أسوه تبي ترد عليه رفعت رأسها و شافت ارزاق اتفاجاة
أسوه : وعليكم السلام .
ارزاق عرفها ع طول و تذكر الموقف الي صار ف حوشهم ضحك😂
أسوه تحكي مع روحها ب صوت واطي : اكيد تذكرني عليك عار .
أرزاق : كيف حالك .
أسوه : الحمدالله وانتَ .
أرزاق: الحمدالله .
أسوه : تفضل احكيلي فيش تحس بضبط .
ارزاق : أنا متشوه خلقي من اول ما انولدت جيت بلا كراع و توا درت كراع صناعيه ولما نركبها راسي يقعد صداع بشكل رهيب و نمشي عليها عادي لاكن مش ميه ف الميه مشيتي الركبه مازال مانتحكمش فيها اني نصفطها .
أسوه : تمام بنسبه للصداع من الكراع  أكيده مش معدله بكرا جيبها ليا يعدلوها لكِّي و بنسبه للمشي لازم تجي نديرلك علاج و تتمرن عليها .
أرزاق : ان شاء الله .
أسوه : بكرا الساعه 5 العصر نكون هنا لعند 9 .
أرزاق : خلاص ان شاءالله نكون 6 هنا بارك الله فيك و سلام عليكم .
اسوه : وفيك باركة الله و عليكم السلام ورحمة الله وبركاته .
طلع ارزاق من المكتب قابله المساعد متاعه الي لسمه (مروان) .
مروان : شن صار ؟
ارزاق : قالتلي الكراع تبيلها تعديل .
مروان : اها باهي ساهله .
ارزاق : اي قالتلي تعال بكرا يعدلوها لكي و نبدأ ف عيلاج و نتمشى عليها .
مروان : باهي كويس بكرا امتى تجي ؟
ارزاق : 6 ان شاء الله .
مروان : تمام .

عند أسوه تحكي ف النقال
أسوه : ايوا كملت بيش تجيني .
آسر: قاعد قدام باب المستشفى .
أسوه : هي شويه ونطلع .
آسر : تمام .
طلعت أسوه من المستشفى و شافت آسر واقف يحكي مع رجاله قربت و شافت أرزاق و معاه واحد ثاني .
آسر : خلاص اتفقنا يوم الجمعه عشاكم عندنا .
أرزاق : ان شاءالله سلملي ع الحاج مختار و عمي أحمد و مختار الصغير .
آسر : يوصل سلامك هي السلام عليكم توا .
مروان و أرزاق : و عليكم السلام ورحمة الله وبركاته.

ف حوش الحاج مختار وصلوا آسر و أسوه
آسر و أسوه : السلام عليكم .
كلهم : وعليكم السلام ورحمة الله وبركاته .
أسوه سلمت على مرت عمها محمد .
ابتسام : كيف حالك حبيبتي شن دايره ف العمل ؟
أسوه : الحمدالله عميمه كيف حالكم انتم .
ابتسام : والله الحمدالله .
أسوه : يستاهل الحمد نعدي نغير دبشي و نصلي ونجيكم .
ابتسام : خوذي راحتك حبيبتي .
عدت أسوه ل دارها .
ابتسام : يا حنه جاياتك بطلب وان شاء الله ما ترديني فيه .
امال : ان شاء الله خير .
ابتسام : نبي بنتك أسوه ل خالد وحانحطوها ف عيونا .
امال : والله يا خيتي ما نلقوا خير منكم لاكن ف الأخير  رأي رأي البنت .
ابتسام : قوليلها و تفكر ع راحتها و ان شاء الله نسمع الي يفرحني .
امال : ان شاء الله .
تعشت ابتسام معاهم و روحت .
امال حكت ل آسر و احمد الي قالاته ابتسام لها .
احمد : ما نلقوا خير من خالد لاكن شوفي البنت قبل .
امال : ان شاء الله خير .

خشت امال ل دار أسوه
امال : كيف حال العمل .
أسوه : كويس .
امال : اححم بنتي مرت عمك جت امبدري ع خاطر تبي تخطبك ل خالد .
أسوه : كيف كيف تخطبني ل خالد و أنا معتبرته كيف خويا آسر .
امال : هذا الي صار .
أسوه : انتِ شن قلتيلها و بابا شن قال ؟
امال : قلتلها ما نلقوا خير منكم و الرأي رأي البنت و باتك نفس الشي .
أسوه : ما نيش موافقه و أصلا مستحيل ناخذ ولد عمي .
امال : ع راحتك بس زيدي فكري و صلي صلاة الإستخارة و شوفي روحك .
أسوه : مش موافقه يا ماما خلاص .
امال : تمام خلاص ع راحتك .
طلعت امال و قالت ل احمد راي بنتها ووقف مع بنته

اليوم الثاني يوم الخميس ▫️▫️▫️▫️▫️▫️

ف حوش القاضي

جميله : ديري بطاطا مبطنه و محشي و طاجين مجبنه و شاورما و أنا توا ندير رز ابيض وتوا أنادي راما تساعدك.
الشغاله (أميره ): تمام .
عدت جميله ل دار راما : نوضي و انتِ متمرقده الساعه 12 را عيت عمك أكيده قريب يوصلوا .
راما : يا ماما الساعه 9 كيف رقدت را خليني نرقد.
جميله : ما حد ضربك ع يدك و قالك ارقدي الصبح و عارفه عيت عمك جايين .
راما : يا ماما خلاص وعيت هااه خلاص .
جميله : غيري دبشك و ديري امورك وانزلي ساعدي اميره ف المطبخ .
راما : تمام تمام شويه وننزل .
جميله : تفوت النص ساعه و مازال ما نزلتي نجي نزلك أنا را .
راما : تماممممم .
طلعت جميله و اول ما طلعت ردت رقدت راما .
راما : ايييه عليا خربت نومي .
نزلت راما ع جيت عيت عمها
سلمت عليهم وخشت للمطبخ ساعدة أميره ف الطبخ  بعد نص ساعه كانت كل حاجه وآتيه حطوا الرجاله بروحهم ف المربوعه و الصبايا ع طاولة الاكل.
حميده : شنو ما فيش عرس قريب .
مروه : فيه لاكن مش توا .
حميده : منو معقوله تصير حاجه  و ماتقولولش .
مروه : أرزاق نبو نخطبوله.
رؤى بحتت ف مروه و ف داخلها تقول ان شاء الله أنا .
حميده : ف وحده ف بالكم ؟
مروه : لا والله مازال ندور .
حميده تبيهم يخطبوا بنتها بالغصب : اي نحنا جونا كم واحد يخطب ف رؤى بوها يرفض يقول عيال عمها اولاً بيها .
مروه : لا يا حنه مش مجبورين عليها عيال عمها ارزاق ما يبيش وحده من العيله و أرمان يبي وحده برانيه .
حميده وجها قعد ألوان من الاحراج الي حطت روحها فيه : اي حتى أنا قلتها ل مؤمن .
مروه : آمم سلم لسانك .
راما شاده ضحكتها من شكل حميده بعد ما حكت عمتها و عجبها الجو 😂 .

عند الرجاله ارزاق يحكي ل جده : الحاج مختار عزمنا ع العشاء يوم الجمعه .
القاضي : أنا بكرا فاضي ما عندي شي لاكن شوف هلك .
أرزاق: تمام توا نشوفهم .

ف حوش الحاج مختار .
آسر : اي امي عزمت عيت القاضي بكرا ع العشاء .
امال : وهذا وين خطرلك تقولها ؟
آسر : والله شن ندير نيست .
امال : تمام بعدين شيلني للمحلات ناخذ حاجات الناقصه .
آسر : تمام ع 7  خليك وآتيه .
امال : تمام .
عدت امال ل أسوه
امال : نوضي يا بنتي شوفيلي شن ناقص ف المطبخ .
أسوه : ف حد يبي يجي .
امال : اها عيت القاضي عزمهم خوك ع العشاء بكرا .
أسوه : تمام شويه و نجيبلك القائمه.
عدت أسوه شافت الي ناقص و كتباته ف ورقه .
أسوه : هذينا هنا .
امال : تمام .
عدت امال و آسر للسوق  وروحوا 9
مال : رتبي كل حاجه ف مكانها و ارقدي بيش نوعو بدري .
أسوه : تمام .

ان شاء الله تعجبكم

🩵الكاتبه اسو المسلاتي 🩵
🩵كل بداية تنتهي بنهاية وكل نهاية لها بدايه🩵