البارت 37
#عشك_الملا غربال
لاتنسون التصوييييت ❤️
التفتت بسرعه وعيني تجدح نار : بداعت امك. ؟؟؟؟؟؟
هز راسه وانه النفس كام ينسمع من الشهك احتركت حرك فار دمي : تندل مكان ابوك
- اي اكيد ، بس اخر مره سمعت شال بمنطقه ثانيه مادري بس عندي رقمه يتواصل بين فتره وفتره يگطرها علينه تهيييييي بهييييي
- جا بويه شمالك ساكت كول خل اروح دام طالع البغداد
- هو ابوي بيته ب ***** منطقه **** هناك تسأل وتعرف بس شني شناويلك نيه
- كل خير يلا انه طالع محتاج شي
- بس ذبني ع الشارع العام مال ذيج المنطقه عندي شغل هناك
- خوش اصعد
مشه صحتله : محمد
التفت عَلي : ها غربال
- انه اسف امسحها بوجهي
اجه صوبي ودك على جتفي : لحدمن تبقى تكول امسح بوجهي تراها الناس ماتستاهل وعلي
- بس انت تستاهل وانه طكيتك وحگگ تفور
- خلصت ملا ..خلصت وراحت انه هم اعذرني
- خلصت
وانه اطحن بروحي طحن
من تكض راسك شكو فكره وحاجيه جنت تتلوع حتى تنساها وتجي تكعد براسك شكو سالفه ناسيهه
هوااااي حجي براسي كلبي انلچممممم الللف لچمه من وره كلمة (يمه) يوم وره يوم وانه انتظر اسمع حجايه عنها لو شي يدليني ليها مالوم احد ولا لوم نفسي الومها هي
ذبيته وخابرت الولد ع المطعم والمجمع ووصيت ولد صاحبي يشتغل بالمطعم ويرجع يعدله احسن من الاول طلعت البغداد كبل وانه اتحسب شحجي الف حساب
اعتب لو احرك الدنيا واكلها : ليششششش ؟؟؟؟
لو شحجي ماادري
كل الي ببالي اشوفها واسألها ليش
ليش خلفت وذبت شلون هان عليها ؟ ؟
طريق بغداد الاول مره احسه طويل ومايخلص ، ادوس بانزين والسياره طارت ماتشيلها الكاع
اريد بس اوصل انفجر بركان بصدري جاي احترك نار تسعر بكلبي
كل شوي اخابر الولد ع الشغل والولد ماقصرو كلهه ايد وحده ضلت تشتغل
وصلت البغداد
وانا كلي امل اشوفها
مرت سنين
وسنين
صرت اب
وماشايفها بس بالصوره ، وصوره قديمه ... حيل قديمه بس جنت اشتهي احضنها وانام ع رجلها واكلها (يمه)
