بيتنا مسكون بالأنس

البارت الثلاثون

في عالم الجان

في غرفه الاجتماعات كان الملك "ابادون" يترأس طاوله الاجتماعات وعلي يمينه "شمهورش" وعلي يساره رئيس الوزراء "طوميار" وقصادهم

الملك "برقان." ملك مملكة النار
الملك"طارش"ملك مملكة الرياح
الملك"الاسد الغضوب "ملك مملكة الموتي
الملك" ابو محرز الأحمر "ملك مملكة السحره 
ملك " خداع "ملك مملكة الاوهام

ابادون : طبعاً اكيد انتم عرفتم انا جمعتكم ليه النهاردا

الملوك  : حصل جلالتك

ابادون : ماهيا رجعت تاني ومش بس هي لاء دي معاها حارس "بير برهوت "الساحر "عاظم" وجايين ناويين علي حرب بينا وبينهم عايزين يحكموا المملكة بالسحر الاسود .. وساعتها مش هيكتفوا بالمملكة وبس لا دا كمان طمعانين يتحكموا  في عالم الإنس
عايزين يكسره كل القيود والقوانين ويِخلوا توازن الدنيا ويمشوها علي مزاجهم ودا انا استحاله اسمح بيه

الملك ابو محرز الاحمر : عاظم خرج عن سيطرتنا سموك وتوغل اكتر في السحر الاسود ومش بس كدا .. تقريباً كل الجان اللي اتنفي للبير  بقي تحت طوعه .. واللي كان بيرفض كان بيقتله و بيسخر روحه تاني لطوعه ويضمه لجيشه .. وبقي عنده جيش من اقوي جيوش السحر الاسود

شمهورش : كل مملكة وهيبقي ليها دورها اللي هتقوم بيه .. انا جمعتكم عشان انا واثق فيكم وعارف انتم تقدرو علي ايه

الملك خداع : وايه المطلوب مننا جلالتك

ابادون : اللقاء هيكون في "صحراء الجنوب "
شمهورش : ودلوقتي خلوني ابلغكم باللي ....

قطعته عسود: بعتذر جلالتك بس محتاجة شمهورش ضروري

قام شمهورش وراح لعسود : في اي وازاي تدخلي المجلس كدا

عسود : شمهورش في مصيبه حصلت وانت لازم تعرفها

شمهورش : في ايه حصل

عسود : مش هينفع هنا احنا لازم نروح لياسين حالاً انا سايبه معاه سرايا وجيت ابلغك عشان نروحله

شمهورش : في ايه يا عسود انطقي

عسود: شمهورش احنا لازم نتحرك حالاً يلا بسرعه

شمهورش: ازاي والمجلس

عسود : اعتذر عنه بقولك مصيبه

شمهورش : طيب استني هنا وانا راجعلك تاني
دخل شمهورش وراح عند الملك :بعتذر لجلالتك بس في امر مهم ووجب عليا الانصراف

ابادون : تمام .. الاجتماع  اتئجل يا سادة 
الملوك حييو الملك واختفوا وشمهورش وعسود راحوا عند ياسين

في عالم الإنس

ياسين قاعد علي الكنبه ماسك عصايه وجمبه سرايا عماله تضحك وقدامه سليم قاعد علي كرسي وياسين رابطه بالحبل