مستحيل اني أبيعك لو على السيوف

١٤

لانت ملامح همس تحط صحن التوست وتقدمت تمسك كف يده بين يدينها توتر عقاب من قربها ولمستها وحس روحه بتطلع من كثر ضربات قلبه المتسارعه رفعت نظرها من يده لوجهه :ادري ان انت تكرهني وتتمنى موتي وصح اني جاهله كل الي جالس يصير معاي مو فاهمه شي بس كله مايهمني يهمني انك تنقذ كيان ما احب أترجى احد او انذل قدام احد بس عرضها وشرفها امانه عندك لاتخليها أنقذها ي عقاب
سحب يده عقاب من شاف حتى بقمه ضعفها ماترجته ناظرته همس بدموع وقال:شغلي اعرفه زين مو بحاجه اذلالك وترجيك
صد يطلع من عندها ومنظر عقاب وهو ياكل التوست من يدها وحتى مسكت همس ليده كان تحت أنظار غدير الي معد تتحمل فكرة انهم قريبين لبعض تقدمت لهمس تلفها بعد ماكانت صاده سحبت يدها همس منها :لاتلمسين يدي
غدير:ابي اذكرك ان شغل البيت عليك
همس تتكتف:بأمر مين
غدير تتكتف مثلها:بأمر زوجك
ضحكت همس بمسخره:حبيبتي أنا مو خدامه لاحد وكل هالبيت مايهمني يهمني غرفتي تكون نظيفه وبس
غدير :لاتتفلسفين واجد قومي اشتغلي وعلى فكره البيت له اسبوع محتاج تعزيل وتنظيف عميق وعقاب لو شاف ذرة غبار راح يخليك ترجعين تعزلين من جديد
همس تقرب لها بتحدي:ماراح انظف وأعلى مابخيلك اركبيه
غدير:الحين اكلم عقاب
اتجهت غدير لعقاب الي ماشي ناحية الباب وقطعها سرعة همس تسبقها تنادي بصوت مليان غنج ودلع :عقاب
وقف عقاب بصدمه من صوت همس الي كان مليان انوثه وهو ماتعود عليها تناديه بهالصوت لف عليها يناظرها همس توقف قدامه تحط يدينها ورى ظهرها وتميل راسها بشكل بريئ:عادي اروح معك؟
انبهر عقاب بشكلها وصيغتها في طلبه قدرت تجيب راسه لدرجه مال بجسمه عليها من كثر مافهى فيها وقطع نظره غدير من قالت:لا طبعاً ماراح يوافق وشغل البيت من بينظف؟
تنحنح عقاب يستجمع نفسه وعرفت همس انه بيرفض وبسرعه قالت:اكيد تبون تحققون معي عن الي صار امس وتبون معلومات عن الأشخاص الخاطفين
ناظرها عقاب ورفع نظره لغدير
غدير تتقدم لهم:عقاب البيت كبير ما اقدر أنظفه وبعدين أنا الطبخ علي اليوم
رجع نزل نظره لهمس الي كانت لازم تنقذ نفسها وصارت تلين ملامح وجهها تضهر عليها علامات اسف وتبوز لكن توسع مبسمها من قال:خمس دقايق لو تاخرتي ياويلك
فزت همس بحماس تركض ناحيه الدرج وناظرت عقاب الي يناظرها وبدون شعور ترسله بوسه بكف يدها غدير من الصدمه حست ان قلبها بيتفجر غيره وعقاب مو اقل صدمه من حركة همس تنحنح من شاف غدير تناظره يحط نظارته الشمسيه على عيونه وطلع من البيت
غدير بقهر:هين والله لندمك وانت ي عقاب عاجبك لكن والله ماتتم فرحتكم ببعض
صدت تتجه للمطبخ تكلم امها تعلمها بكل الي صار وتاخذ منها حل للي تسويه معهم
أما همس بسرعه تحممت وتجهزت ونزلت ركض من الدرج راميه جاكيت طويل على كتوفها وحتى شعرها راميته على ظهرها وماسكه روجها بيدها ركبت بجانب عقاب وهي باين فيها التعب رفع راسه لمن كان يناظر جواله ولف لها يشوفها تسحب المرايه الاماميه تحط روج وتطلع عطرها تحط منه
عقاب:ترى رايحه تحقيق مو عرض أزياء
همس :احب اطلع بشكلي حلو
عقاب:وش وضع لبسك ؟
همس:وش فيه مو حلو
عقاب:الظاهر بعاني معك
همس بغرور قاصده تحره:متاكده انها احلى معاناة عندك
هز راسه بيأس يشغل السياره متجه للمركز تفاجأ من سحبت نظارة الشمسية من عيونه تحطها على عيونها:احتاجها عشان احمي عيوني
ناظرها عقاب ورجع نظره للشارع وبداخله متناقض كيف هالبنت تجمع هالشخصيه الحلوه وبنفس الوقت قاتله وليه حركاتها تجذبه ولاناظرها مو قادر يصد وليه مارفض طلبها لمن طلبت تروح معه المركز مية سوال براسه كفيله تبعثر عقاب الجامد الي عمره ماتوقع ان ممكن يتلخبط أمام انثى بهذي الطريقه بس الي تاكد منه ان في سر في همس يميزها عن غيرها...
وصلو المركز ينزل عقاب يسابقها بخطواته ولف من سمع صوت كعب ناظرها يشوفها تمشي بوسط المركز بكعب وكل خطوه تخطيها ملفته لانتباه الماره وخطواتها واثقه جداً ومتناغمه وكانّها على مسرح عرض رجع عقاب يوقف بجنبها يميل براسه يشوف الكل يناظرها با انبهار وهمس:كان لازم تجين بالكعب
همس:ليه وش فيه؟
عقاب:تشوفين المكان مناسب
همس:معليش معك وحده هوس كعوب
مسك بكف يدها يدخلها مكتبه في ضل نظرات همس ليده الي شاده يدها ومصدومه من حركته توسط بها مكتبه يناظرها يشوف عيونها تناظر مكان مسكة يده سحب يده يبعد شوي وتشتت نظر همس تنحنح
عقاب يتجه يجلس على كرسي المكتب:دقايق ويوصل مراد ونتجه لغرفة التحقيق
همس بدت توتر وعمرها مادخلت مركز كله عسكر وكيف بيكون معها تحقيق وقالت:بنحقق هنا
عقاب وهو يفرز ملف ماهر ويفتح محضر تحقيق لهمس بسبب الجريمه الشنيعه الي صارت البارح وقال:بنروح الغرفه الخاصه با التحقيق
جلست همس على الكرسي تناظر في المكتب وتسرق نظرها لعقاب الي يشتغل على الجهاز وخلف مكتبه كان له هيبه فضيعه واللبس العسكري زاد شموخه وجلسته الي فيها تعالي وارتفاع نزلت نظرها بسرعه من رفض نظره عقاب لها
رجع يناظر با الجهاز وهو من داخله مو مركز ابد يحس نظاراتها له قطع جوهم مراد يضرب تحيه:صباح الخير
عقاب:صباح النور ...وقف عقاب:يالله مشينا
ناظر مراد بهمس الي ستايلها كان نوعاً ما غريب لانها متعوده على لندن وقفت همس تحاول انها ماتبين انها متوتره ترفع الجاكيت على كتوفها ومشت معهم بس وصلو غرفة التحقيق توقعت همس بيدخل عقاب معها بس انصدمت من دخل غرفه ثانيه ومسكت كتفها العسكريه:تفضلي
توترت همس وهمست لها:عقاب ما بيدخل معاي
ماتعرف همس ليه حست انه أمان لها بهاللحظه ومحتاجته بس ردت عليها:لا لان هالقضيه حساسه
مافهمت همس دخلت للغرفه الفارغه والباهته يتوسطها طاوله وكرسيين وقدامها عسكري كان منجد مفجع شكله ويناظرها تقدمت همس بخطوات ثقيله ترفع يدها تشد جاكيتها وتقدمت تجلس ناظر فيها العسكري يشوف التوتر برجلها الي تهزها ويدها الي على الطاوله تفركها ببعض ورفعة راسها الي تحاول تكابر على نفسها كان هالمنظر قدام عيون عقاب الي يشوفها من انعكاس الزجاجه بس هي ماتشوفه جالس يشوف الخوف فيها والقلق وحتى كبريائها هذي الأشياء يستمتع عقاب بشوفها فيها لانه يعرف همس قويه بس إلا ماتخالطها لحظات ضعف وهالشي قوى عقاب الي جالس يجمع نقاط ضعفها اما همس ندمت جد انها جات وتمنت انها نظفت البيت مرتين ولا تعلق هالعلقه لان هالاجواء كانت مره صعبه عليها ونوعاً ما مرعبه
قطع هاجسها العسكري:همس ال راجح
همس هزت راسها وفمها يرجف وقف العسكري يدور حوالينها وعينها على الطاوله مو قادره حتى تناظرها وقال:تعرفين الشخص الي بالسياره والي خطفك؟
همس هزت راسها بلا
مراد من خلف الزجاج :عقاب واضح انها قلقانه
سند ضهره عقاب على الكرسي مستمتع بشكلها الخايف
العسكري:انطقي وش صار حكي كل الي عندك والي تعرفينه
همس رفعت نظرها له وشافته يناظرها وارتعبت تنزل نظرها وزادت رجفه رجولها وشفايفها والغصه منعتها تتكلم وأنفاسها بدت تتصاعد من الخوف ومال العسكري يضرب الطاوله بقهر منها وقال :طرماء انتي
ارتجفت كتوفها من الضربه والصرخه ونزلت نظرها بكسره وهنا عقاب ماتحمل صح انه كان مستمتع بخوفها بس ماتحمل يشوفها مكسوره كذا طلع من الغرفة متجه لها وبس انفتح باب غرفة التحقيق وقفت همس تشوف عقاب تقدم لها يشوفها تناظر بالارض وهي تفرك يدينها ببعض مسك كفوف يدها بيده والثانيه يرفع ذقنها يناظر عيونها وهمس:اهدي ليه خايفه
كانت هالكلمه كفايه تعلن انفجار دموع همس الي كبحتها ومكابرها قرب عقاب زياده من وجهها يمسك خدودها بين يدينه وهمس بخفيف:لاتبكين تحقيق عادي لاتتوترين
همس بصوت متذبذب:اول مره ادخل تحقيق
ناظر عقاب بعيونها يشوفها تصرف نظرها بقلق وقال:ناظريني
ماناظرت تصرف نظرها توتر من قربه ومن هيبة الموقف لكن يد عقاب لها رأي آخر يهز فكها بخفيف:همس ناظريني
غصب ناظرته تلتقي عينها بعينه وقال:أنا هنا بس قولي الي تعرفينه
هزت راسها همس تستجمع نفسها وجلست تستكمل التحقيق وعين على العسكري وعين على عقاب الي متكتف وواقف باخر الغرفه يناظرها كانت تقول انها ماتعرف مين هم وركبت بضنها انها كيان جايه لها واستعجلت بسبب خوفها من عقاب وهنا استغربت انها ماسالت عقاب كيف عرف مكانها بس توقعت ان عقاب جاها صدفه وانتهت بقول انها ماشافت وجيههم لأنهم ملثمين وسكتت
هز راسه المحقق وتقدم عقاب لها يمسك بكتفها يطلعها برى غرفه التحقيق يكلم العسكريه تاخذها لمكتبه ورجع لغرفة التحقيق يتناقش مع مراد وسعود على أقوالها
الكل بدى يبدي رأيه وهل هو ماهر او غيره لكن لفو كلهم لعقاب الي قال:ماهر أنا متيقن انه هو
مراد:مستحيل يخاطر با اخته كذا وبعدين همس قالت ماتعرفهم ولاشافت وجيههم لو هو ماهر اكيد بيكلمها
عقاب ببرود:لانها جالسه تتستر على اخوها تتوقع انها ممكن تسلم راس اخوها للسيف
مراد بصدمه يناظره ودهشه كلام سعود الي قال:أنا مع رأي عقاب