..
ما تلكه مثلي يهدلك الحيل
نعسان بس اسهرلك الليل
ألعيبي وكاظم شو هنانه وحدكم
-لاااا موش وحدنه كاظم خبر الزلم وراح يجون عبن الموضوع صار بيه أخبار يديده
صفنت أعليهم
-أحچو شنهي صاير ماعندي خبر عنه تراه الأعرفن ديرتنه مابيها شينه ولا أحد بيه يشتغل للحكومه لو الحزب تناوعولي بلايه حيره
رد ألعيبي
‐ولد عيدان ردو السالفتهم الغبره زلمتنه ألجاعد عندهم يگول آلیوم یدخلون آسلحه،ومرخصه موش تهریب والدوله تعلم ماتعلم العلم عند الله
-شنهی ماتعلم
-یعني مالها بس الفواكه ألمخضر اليدخل بيه أسلحه عبن هسالفه طرت بكل المحافظات موش بس ديرتنا
-لاحول ولاقوة الا باالله العلي العظيم شووووفوووو دام السالفه بيها أسلحه أكيد يعبرونها غاد خلونا نروح
أشكد أحاول أهدأ الوضع هنا مربك ومستفز لان هل وادم مامكيفيها خيرها اله تشتغل بلحرام..وكفنا يم منطقه بين نهر ألعز تشوف منظر مريح للنفس ساكيه هي بقايه نهر العز وبط'وبشوش يسبحن جعدنه توضينا صلينا الظهر ةالعصر
سوو الزلم گشته علی اساس ننظر لين يجي ألليل تمددت وياهم ماااجاني نوم لان يسولفون ويشاقون دخلت السياره خلصت كم اتصال
رن أعكاب وراه جبل يطمنون عليه عيوني للبر ماكو أحد بس الي يسرحون بلغنم 'عشر دقايق مرو نزلت من السياره رجليه اخذتني للساكييه وهي بقايه النهر العز عيوني اتابع الماي بيه ماطور يسحب ماي قوي بس خابط.. تذكرت ماي العين الي بطيب شكد صافي فعلا الماي مثل الانسان مره تلكاه نيته صافيه مره نيته خابط
گال کاظم
-وين راشد وحسيون
-ماادري تاخرو وموش عوايدهم بس هاااا يارفيجي عليش مستعجل يمنا فوك الربع ساعه شعندك مستعجل
-ما مستعجل بس حرمتي دكت عليه
-العشك خلاكم ماتحبو الطلاييب
-هي وينها الطلايب نشتريها شرايه بس تاخرنه
جاوبته
-لاهنت
ضحك ورد اعليه
-تعال هنانه الراك منا رطب يطيحك بلمي
-هاااا تخاف أعليه اغركن موش
-محشووم سباح أمعط
عفتى أروح على كاع بيها حشيش صفنت عليها أذا يعدون من العماره معناها يدشون القرية بس لاااا همه مناك يجون من الربعه لخفت ثوبي بيدي التفكه بيدي اعرفن أهنا يجمعون ضحكت بسري جماعة عيدان دائما خططهم مكشوفه جدامي'بس أذا مو أسلحه هل مره شنهي راح يدششون ألنه
واكف اتناوع للامكان وارسم مخطط ابالي اكيد
منا يدخلون تهريب"ركزت واريد اعرف ليش منا يجون مو من غير مكان مثل ماكال رفيجي
وتاكدت اختارو ألمنطقة مابيها مخطط صعب بس هيمه منكطعه كلشي يكدرون يسوون بيهه لارقيب ولاحسيب،ولامركز،ولا نقطه يمها حدوديه والربعه مالتها جبيره
.هيج مكان يصير فارغ وماعليه عين حتى لو يصير كمين شرطه على المهربين رح يكدرون يخفون الأسلحه بوحده من هاي الحفر الموجودة ..
أعرف ألشرطه كاضه الحدود بس ماتلحك عليهم ينتشرون مثل النمل يحفر الكاع ويطلع من غير مكان...
اني وزلامي نبقى هنانه ننطرهم وين يروحن من ايدينة..
تناوعت لازك سياراتنا تبقى بعيد عن عيونهم حتى يحسون بلامان تالي نصيدهم أجو كل الزلم اجمعنه والمهربچیه مامش طلع راشد ترمز الگهوه شربنه حتی نبقی مصحصحین صار وقت صلاة المغرب توضينا أممت بيهم وصلينا
