ازاي الإنسان يقدر يحب حد لدرجة الجنون ويكرهه برده لدرجة الجنون
ازاي تكون بتحب واحد ومش شايف حد غيره قدامك وشايف أن الكل واقف قدام سعادتك لو مكملتش الحب دة
ايه اللي جوانا بيخلينا نحس احاسيس مختلفة عن الناس اللي حوالينا
ايه اللي احنا شايفينه في الشخص اللي بنحبه غيرنا مش شايفه
طب ليه معايير الحب بتتغير مع الوقت
ليه اللب كنا شايفينه الدنيا وما فيها بقا إحساسنا اتجاهه بيقل مع الوقت
يمكن سوء المعاملة بيقلل الحب ولا ظروف الحياة ولا العقول والاهتمامات المختلفة
هل اصلا للحب وجود وهل لو ليه وجود ليه بينتهي بالجواز كأن الجواز هو نهاية قصة الحب ،حتى لو نهاية قصة الحب ليه بعد الجواز بنحاول نقضي على اي ذكرى حلوة حصلت لينا مع اننا ممكن نعيش والذكريات دي وتتبقى العشرة الطيبة والود والرحمة.
لكن للأسف اللي بيحصل بعد كدة بيحول الحياة لجحيم بالذات إذا كان اختيار الشخص الغلط هو السبب فى تدمير الحب دة
ودة بالنسبة ليا هو السبب المقنع اللي يدمر اي علاقة هو عدم اختيار الشخص المناسب لان في بداية اي علاقة بتكون العلاقة بتلمع ومع الجواز والعشرة بتبان الصفات اللي لا يمكن احيانا للفرد أنه يتحملها
ومع الوقت الحب بيقل تدريجيا ومبيكونش موجود والفاجعة أن الشخص اللي المفروض اختيارنا بيبدأ يصدمنا بكلام وتصرفات قد تكون أقرب إلى الخيال ولا يستوعبه العقل وبالتالي الكره بيبدأ يزيد لدرجة أنك متكونش طايق نفسك لانك السبب في اللي انت فيه وانت اللي وقعت نفسك فى حفرة مستحيل تخرج منها إلا بالموت لانها بتكون علاقة سامة مبتنتهيش إلا بالموت والهلاك لصاحبها حتى لو عايش بيعيش ميت مش قادر حتى يتنفس والموت الحقيقى ساعتها بيكون رحمة من ربنا ليه قبل ما يوصل الجنون الحتمي
