ရှန်ချီက နှာမှုတ်ကာ သရော်လိုက်ပြီးနောက် တိုက်ရိုက်ထုတ်လွှင့်မှု၏ ကံစမ်းမဲကဏ္ဍကို ဖွင့်လိုက်သည်။
သူက ကံစမ်းမဲကဏ္ဍကို ဖွင့်နေရင်း ပြောလိုက်သည်။ "မင်းတို့တွေ နတ်ဘုရား A ကို အဲဒီလောက်တောင် ကြိုက်နေတာဆိုတော့ ငါ ကယ်ရီပေးဖို့ ဆုံးဖြတ်လိုက်တယ်။ အခု ငါနဲ့အတူ ချိုမြိန်တဲ့ duo ဆော့လို့ရအောင် ကံကောင်းတဲ့ cutie လေးတစ်ယောက် ရွေးချယ်တော့မယ်နော်။"
ထိုသို့ပြောလိုက်သည်နှင့် barrage တစ်ခုလုံး ခေတ္တမျှ ငြိမ်သက်သွားပြီးနောက် ချက်ချင်း ကောမန့်များ အလျင်အမြန် တက်လာတော့သည်။
--[ညီအစ်မတို့ ပြီးခဲ့တဲ့ တိုက်ရိုက်ထုတ်လွှင့်မှုမှာ ဆွိတီနဲ့ duo ဆော့ခဲ့ပြီး တံခါးပိတ်သွားခဲ့တဲ့ follower တစ်ယောက်ကို မှတ်မိကြသေးလား။]
--[ငါက အဲဒီ follower လေးပါပဲ။ ငါ သူ့ကို ဘယ်မှာလဲလို့ မေးတဲ့အခါ သူက ငါ့ကို အဲဒီမျက်လုံးကို အသစ်ပြောင်းသင့်နေပြီလို့ ပြန်ပြောတာ ဘယ်တော့မှ မေ့မှာ မဟုတ်ဘူး။]
--[ဒီနေ့အတွက် သတ္တိရှိရှိ ရင်ဆိုင်မယ့် လူက ဘယ်သူများ ဖြစ်မလဲ။]
သူတို့ ပြောနေသည့်အချိန်မှာပဲ ကံစမ်းမဲတွင် ပါဝင်လိုသည့် လူအရေအတွက်က တဖြေးဖြေး မြင့်တက်လာသည်။
ရှန်ချီက လက်ဆောင်ပေးသည့်သူများသာမက ကြည့်ရှုသူအားလုံးအတွက် ကံစမ်းမဲကို ဖွင့်ပေးထားတာ ဖြစ်သည်။
ပုံမှန်အားဖြင့် သူက ကြည့်ရှုသူများ သူ့ကို လက်ဆောင်ပေးသည်အား မကြိုက်ပေ။ သူ့တွင် ထိုကဲ့သို့ ပိုက်ဆံပမာဏနည်းနည်းလေးကို လိုအပ်မနေပေ။
ရှန်ချီက ဤသည်ကို အသားကျနေပြီး ဖြစ်သည်။ သူက ကံစမ်းမဲဖွင့်ထားသည့် အချိန်ကို နာရီဝက် သတ်မှတ်ထားပြီး လေ့ကျင့်ရေးကွင်းထဲသို့ တိုက်ရိုက် ဝင်ရောက်သွားသည်။
ယနေ့တွင် PUBG အာရှချန်ပီယံရှစ် ပြိုင်ပွဲများ၏ အဆုံးသတ်ဖြစ်ပြီး သူက 'ဆိုက်ဘာဆွိတီ' ဟူသော နာမည်ပြောင်ဖြင့် နေထိုင်နေသော်လည်း M1G ၏ လက်ရှိ စွမ်းဆောင်ရည်ကို မြင်ရသည်မှာ သူ့ကို အနည်းငယ် အသက်ရှူကြပ်စေပေမယ့် အနည်းငယ်လည်း လန်းဆန်းသွားစေသည်။
YOU ARE READING
ခြေအိတ်ရုပ်အကောင့်လေး ပေါ်သွားပြီ
Randomရုပ်ရှင်ဧကရာဇ် Gong နဲ့ ပရော်ဖက်ရှင်နယ် ဂိမ်းကစားသမား Shou
