عِندمـا سَهـم العِشـق أصاب الهِيـام

Part number 8

راحت هِيـام تسند نفسها على صديقة عمرها لين وتحط نفسها على كتفها وتناضر سَهـم الي كان يكلم عبد العزيز والهموم على راسها ماتدري وش تسوي و مشاعرها الي كانت متضاررربه ، وفكل مره كان سَهـم يلف نظره عليها ويبتسم بخفيف بمحاولة أنه يطمنّها لأنه مايبي يكسر حاجز الصمت الي بينهم عقب القرب الي صار ويبادر هو بالكلام
وهِيـام الي كانت حاسّه بنضراته وابتسامته الخفيفه وبنفس الوقت هي حالفة ماتبادر لانها تكرهه، بعد ما هدى الجو اغلبهم راحو لغرفهم والاغلب نام والجيران رجعو لبيتهم إلا سهم وعبدالعزيز كانو قاعدين يتناقشون على اللي صار ويحاولون يربطون الاحداث وهم بالمطبخ يدورون لهم اكل
اما هيام ولين ودانا كانو قاعدين يسولفون ب المقلط
عند البنات بالمقلط نطقت هِيـام باستغراب : يابنات ماتحسون غريب اللي صار ليه يبه مب قاعد يعطيني اي معلومات عن اللي صاير اوكي انا عرفت انه عدو ل يبه بس عادي يعلمني السبب يعني مب بزر انا يسكتوني بهالطريقه بالعكس الحين مايقدرون يسكتوون فضولي ابداً
نطقت دانا
: مادري يختي احس ما دام جدي ماقال شي مب لازم نجبره يقول
نطقت لين
: بس مادام الموضوع مرتبط فينا لا غلط لازم يعلمنا وش بنسوي حنا يعني بنروح نعلم احد ولا بنروح نتفق مع عدوه ولو صرنا حنا جزء من خطة هذا عدوه غالب حنا اللي بناكل زق ف احسن له من البدايه يعلمنا
نطقت هِيـام
: الصدق اتفق وبقوه
نطقت هِيـام
: الزبده احس اني جوعانه مووت من قوة التوتر واللي صار كلنا نسينا نتعشى نطقت دانا وهي تضحك
: بموووت صدق من قوة اللي صار نسينا نتعششى وانا بموت من الجوع
قامو البنات يروحون للمطبخ
عند سهم وعبدالعزيز
نطق عبد العزيز
: ياخي مدري غريب اللي صار انا محتاج اخذ الملف من جدي فيه اشياء بشوفها
نطق سهم
: خلاص نشوفها سوا بعد ما ندور لنا اكل والله انا بموت من الجوع
نطق فيصل
: الله يقلع ابليسك الحين ماتشوفني جدِّي ومسوي اتناقش
ضحك سهم ناطق
: الجوووع يغلب على كل شي يبوي
داهمهم دخول البنات لين وهيام ودانا
نطقت هِيـام
: وش تسوون
نطق سَهـم
: بسم الله وش هالمداهمه وش متوقعه يابنت عمتي نسوي بالمطبخ
نطقت هِيـام
: يوه ياتصعيد الامور عندك بالهداوه ليه كل هالاوفر
نطق عبدالعزيز
: بنسوي اكل تبون ؟
نطقت دانا
: ايييه والله جوعانين
نطق سَهـم
: ها مين يسوي
كلهم سكتو يناضرون بعض
نطقت لين
: اكيد انتم تسوون
نطق سهم
: لا طبعاً انتم تسوون لنا
نطقت هِيـام
: انقلع بس تخسي اسوي لاشكالك
نطق سَهـم
: أشكالي تسواك وتسوى عشره منك
قربت هِيـام منه ناطقه
: احترم نفسك بس يالمريض ما انعطيت وجه قمت تقول كذا
نطق سَهـم
: بالهداوه على قولتك ، وكلمة مريض ما أبي اسمعها 
بعدت عنه هِيـام تفتح الثلاجة ناطقه
: اسكت بس
نطقت لين
طيب ها مين يسوي الاكل
نطق عبدالعزيز
: خلاص كلنا نقسم على بعض الاشياء اللي بنسويها
نطقت دانا تضحك
: وش هو اللي بنسويه اصلاً هههههه
نطقت هِيـام
: الصراحه مالي خلق اسوي شي قُوّه شرايكم اندومي ؟
وافقو كلهم ونطقت هيام
: خلاص انتضروني بروح اجيبه من غرفتي واجي
نطقت لين تهمس ل دانا
: اقسم بالله انه هِيـام وسَهـم وراهم شي واحساسي كبيرررر ومتاكده بيصير شي بعدين بينهم
دانا نطقت
: مدري احس هيام بعدين بتصير مع واحد مانعرفه بس هي وسهم لااا مستحيل هي هناااك وهو هنااااك
دخلت عليهم هِيـام ناطقة
: جبببته وعندي لكم خلطه واو عشانكم جوعانين تلحسون يدينكم بعدها بس اكيد تساعدوني فيها يعني
وافقوها كلهم وقامو يتساعدون فيه تجهيزه هيام كانت تقطع فلفل وجزر و عبدالعزيز ولين كانو يغلون الاندومي
ودانا كانت تضبط السفره هي وسهم وكانو وهم يجهزون يدور بينهم حديث
نطقت هِيـام
: احس للحين ترا افكر باللي صاير وللحين فيني فضول على الموضوع وابي اعرف القصه ومين ذا غالب و وش سالفته مع يبه !
نطق عبدالعزيز
: الصراحه ياهيام حنا مانقدر نقول شي مادام يبه ماقال بس الموضوع قوي بينه وبين غالب ب قضيه قديمه 
نطق سَهـم
: ياخي ملقوفات انتم وش بتسوون إذا عرفتم الحين
نطقت هِيـام
: ياكرهييي لك وانت وش يخصك لا يكون انت اللي بتنقذ يبه من هالقضيه
نطق سهم بثقة
: ماتدرين يمكن
نطقت هيام
: ايه هين بس
بنص كلامها كانت تقطع وجرحت اصبعها بطرف السكين تسارعت انفسها وأوهت من الوجع ونطقت
: ااوووتشش حسبي الله عليك ياسهم قريح
نطق سهم يقرب منها ويمسك معصم يدها : احترمي نفسك ها ، ماتتكلمين عني قدامهم كذا
ناضرته هيام بقوة وهي معصبه توخر يدها ناطقه
: شيل يدك ! شييل يدك لا اصفقك
شال يده وناضرها وهو معصب ونطق
: انا هناك انجرحت ساق رجلي عشانك ومانطقت بحرف بس انتي جرحتي نفسك بنفسك وجايه تهاوشين بذي الطريقة
سكتت هِيـام من كلامه ونطقت
: بروح اجيب لصق جروح واجي احد يقطع عني
نطق سهم بعصبيه
: خلاص اجلسي هنا بروح اجيبها انا
نغزت لـين دانا من كتفها عشان تنتبه للي صار لفت دانا نضرها تشوف لين وغمزت لها لين وضحكت ضحكه خفيفه جاء سَهـم وجاب اللصق يعطيها اياه اخذته منه نطق عبد العزيز
: على بال ماتخلصون حنا بنودي كل شي ونجي واذا خلصتو تعالو كولو كل شي بنجهزه
كان الجرح شوي كبير وكان بيدها اليمين ولا عرفت تلصقه بيدها اليسار
انتبه لها سَهـم و سحب منها اللصقة ونطق
: جيبيه انا ازينه
نطقت هِيـام بعصبيه وهي ترفع يدها اليسار عشان يعطيها اياه
: لا شكرا ما ابي عطني اللصق
جلس سهم على رُكبتيه ليمسك يدها ويجبرها يلصق الجرح ، وتلامس يد سَهـى يدها البـاردة الناعمة ونطق
: جراحتك يا بنت عمتي وقت المحاضرات والتطبيقات العمليه بس الحين خليني انا ازينه * هِيـام طالبة طب تخصص جراحة * وهيام الي كانت صاده لان ما تبي تعطيه وجه
كان سهم يناضرها وهي صاده اول ما نزل سَهـم انضاره رفعت هي انضارها تناضره نطق سَهـم لأول مره يبادر ويكسر حاجز الصمت الي كان بينهم ناطق
: وش فيك تناضريني ؟
نطقت هِيـام :
لا ولا شي
رجع نطق سَهـم
ماتحسين فيه شي بين رعد ولين
نطقت هِيـام
: ليه هالسؤال الحين
نطق سَهـم
: بلا اوفر قاعد اسألك سؤال طبيعي ولانك اقرب صديقه ل لين
نطقت هِيـام
: ما ادري مرات احس ايه ومرات لا بس لو فيه
كنت عرفت من لين
نطق سَهـم :
انتي قصدك محادثات او كلام بينهم ؟
نطقت هيام :
ايه اجل
نطق سهم
لا يياهيام انا اشوف بنفسي بينهم نضرات ورعد مهتم بتفاصيل كثيره فيها بس واضح خايف يبادر
نطقت هِيـام اجل خلاص خل الموضوع علي
رجعت تكلمت هيام وتبادر بالكلام ناطقه
: بسألك بس هالمره انا صادقه مب طقطقه طيب ؟
نطق سهم
: وش ؟
نطقت هِيـام بجدية
: صدق والله وش الموضوع هل له علاقة بعائلتنا ومين غالب و وش يبغى من يبه لهدرجة توصل مواضيع بهالطريقه وتهديد يعني وش السبب اللي يخلي غالب يهدد بهالطريقه
نطق سَهـم
: وانتي إلى الان مصِرّه تعرفين كل هذا ؟
قال لك فيصل انه حنا مايمدينا نقول شي مادام جدي ما قال لو تبين رحنا بعد شوي مع لين ودانا وفيصل وسألنا جدي ونخليه يجاوبكم على اسالتكم
سكتت هيام بعدها هاللحظة
راحو ياكلون ورجعت فتحت هِيـام الموضوع ناطقه
: بعد شوي ترا بنروح نشوف كلنا يبه اذا نام او لا واذا كان قايم ترا بنساله عن الموضوع ونخليه يجاوب غصب
نطقت لين
: الله يعين يبه على اصرارك ياشيخه
نطقت هِيـام
: طيب كيف خلطتي اعجبتكم ؟
نطق سَهـم
: والله لو انك مسويه كبسه
وترا خايسه ماعجبتني
تحسست شوي هيام بس ما بينت له ونطقت وهي تسحب منه الشوكه
: أجل جبها لا تاكل
نطق سَهـم
: يوه ماينمزح معها ذي
نطقت هِيـام
: انت تشوفه هاذا مزح ؟ هذي ثقالة دم يامريض
نضر لها سَهـم نضرة حـادّة ناطق لها
: هِيـام احترمي نفسك اكثر من مره قلت لك ذي الكلمه ما تقولينها معي
نطقت هِيـام تعانده
: مررريض يامررريض يلا اشوف وش بتسوي
قام سَهـم من مكانه وهو معصب وضاغط على نفسه ما يتكلم معها
نطقت دانا
: ياخي خلاص لازم تتهاوشون وتقلبون الموضوع على بعض
نطقت هِيـام
: انا مالي دخل والله هو مريض
بعد ما خلصوا اكل وودو المواعين للمطبخ
نطقت هِيـام
: يلا امشو نسأل جدي
نطق عبدالعزيز
: يووه يا هيام مانسيتي انتِ ؟
نطقت
: لا ولا راح انسى ههههههه
راحو للمجلس وكان الجد جالس على كرسيه وساكت مب ناطق شيئ وكان الواضح انه قاعد يفكر
دخلو عليه احفاده وجلسو قدامه
نطق عبد العزيز بهدوء
: يبه صح الوقت مب مناسب ، بس هيام وبعض البنات مصرّين يعرفون اللي صاير ونطقت هيام تضيف الكلام
: يبه فيه شي لازم نعرفه ، انت دايم كنت تقولي اني اقرب شخص لك وانت تعرف انك الشخص الوحيد الي بحياتي مدام انك تعزني واعزك ليه ما تقولي ؟ نطق الجد ( عبد الكريم )
: خلاص بقولكم وش تبغون تعرفون بالضبط ؟