part 5

12 2 0
                                    

عند البنات رتبوا الجلسه و بدو يحطون الأغراض والكل صار يصور
منال : مانقول لغيد و منى يجون ؟
بيان : والله عسولات بنقولهم وش رايكم ؟
مرام : عشان تجي جمان وتخرب الجو لا فكووني
بيسان : اي والله لا نبي نروق ليش نجيب النكد بنفسنا ؟
مرام لفت جوالها : كيف الصوره ؟
بيان : رهيبه ابغااها
مرام : كم تدفعين
بيان : بلا سماجه ابييها
مرام : محد يمزح معك طيب برسلها
منال : وانا ابغاها بنزلها ستوري ابغا جمان تشوفها
بيسان : لا لا ذي ماتستحي بداهمنا ترا
مرام : اي لا ماالي خلق ماراح ارسلها لك

بدت السوالف والضحك وهم يتذكرون المواقف اللي صارت وهم صغار
مرام : اللي ما انساه يوم محمد يطيح بالوادي
بيان : اي يمه خفت بذاك اليوم الله لا يعيده والله اني مانسيته بتفاصيله إلى الحين
بيسان : وش السالفه ما اذكر
مرام : اي انتي كنتي صغيره كان عمرتس ٤ سنوات
بيسان : طيب وش صار قوليلي
بيان : انا اقولتس محمد بعمر ٨ سنوات كان حركي مره مااايجلس وبذاك اليوم كان فيه مطر والوادي امتلى ولمى وقف المطر قررنا نطلع للوادي نشوفه والكل راح ومن شقاوت محمد تسلق السور وطاح فيه ومن حضه انه كان الماء  مايمشي بسرعه و ابوي نط وانقذه من بعدها صار يكره يروح للوادي ولا انه يسبح إلى يومك ذا
بيسان: وانا اقول ليه لما نطلع شاليهات مايسبح طلع كذا السالفه
منال : اي محمد وهو صغير ماايهجد بس لما كبر تغير كثير
دق جوال مرام شافت اللي يتصل
مرام: فهد ؟وش يبي
منال : ردي يمكن ماجد يبيك واذا كان فهد حطي سبيكر ابي اعرف وش بيقول
مرام ردت : هلا
فهد : تدرين وش اشتهيت ؟
مرام  حطت سبيكر : ايش ؟
فهد : الباستا حقتك افففففف والله بحق لو ماسويتيلي
مرام : ههههههههههه الحين ؟ الساعه وحده
فهد : هذا المطلوب وبعدين جوع اخر الليل مايرحم
مرام : انت متحلم ارجع نم بس والله ماني فاضيه
فهد : مرام يلا عاد ترا واضح انك مروقه صوت ضحكك واصلنا ومحمد شوي ويموت علينا وناظر محمد وكان يأشرله انه يسكت ولا يفضحه فهد فقع ضحك
مرام : وهو وش دخله ؟
فهد : ياليل اللي مافهمت الحين بتسويلي الباستا ولا لا
مرام : على حسب من اللي بياكل
فهد : اصبري
فهد: عيال باستا من يبي ياكل ؟
مروان : معها وش خضار ما اكل
فهد رجع لمرام : بتسوين بالخضار؟
مرام : ماشاء الله صدقت اني بسوي هههههههه ولا تسأل بكل ذمه وضمير
البنات صارو يضحكون عليه
فهد : هيي انتي وياها وحده تكسب أجرنا وتزين لنا شيء ناكله واذا باستا لا تسويها الا مرام
مرام : خلاص حزنت عليكم ابي اكسب أجر بسويلك
فهد : انا مشتهي باستا خضار بس فيه واحد هنا مايحب الخضار تسوين نوعين عادي ؟
مرام : وش لون اسويها اذا مو بالخضار بتصير مو حلوه قله بتطلع لذيذه و بحط دجاج وبكثر الكريمه ماراح يبين الطعم
فهد ناضر لمروان: جرب ترا والله حلوه مرام تضبطها مرره
محمد بصوت غيره وجهوري: هيي لاتقول اسماء محارمنا عندهم
بعدها استوعب ومسك لسانه البنات سمعوه وضحكوو ومرام وجهها قلب احمر و فهد و ماجد مصدومين ومن الصدمه ماعرفو يعبرون
فهد :  هههههههههههههههه من متى مرام محرمك؟
محمد سكت وعدل جلسته ومسك جواله وكأنه راح عالم آخر وتمنى ان الارض تنشق وتبلعه ولا انه يبقى هنا
مرام تبغى تخفف التوترر اللي صار : طيب يلا يا ابو خضار انت يبي ولا
فهد : هههههههههه اي اي ماعليك
وقفل وهو لسه يضحك
مرام منزله راسها من الفشيله
منال : الله عندنا عرس هههههههههههههههههه
مرام زاد توترها : وش عرسه يالخبله ترا ماقصده شيء بس يحبكم لتشبيك
بيان : اي واضحه ههههههههههههههه والله اخوي مب سهل من قدك يامرام
مرام : هييييييييييه انتي وهي تكذبون الكذبه و تصدقونها انا اقوم احسن
قامت بسرعه متوجهه للمطبخ
البنات مستانساات ويضحكن
بيان : ابي اكلمه يجي بطقطق عليه ههههههههههههه
منال : اي تكفين وفهد بعد
بيسان : كذا ماجد بيجلس لحاله ؟ وهو مايحب يجلس مع بدر واللي معه
منال : اجل كنسلي
بيان : لا والله بروح له اجل
دقت بيان على محمد عشان يطلع لها
بيان : ههههههههههه الوووو
محمد فيه نبره الحرج ونبره ضحك : هلا
بيان : ابغاك اطلع للحوش
محمد : وش بغيتي قولي هنا
بيان : مو قلت لك بقولك شيء يلا اطلع انا بجيك
محمد بحماس : اييي صح يلا يلا وقفل وبسرعه قام وطلع من المجلس
بيان : انا بروح لمحمد واجي لاتفوتني سالفه
منال : بنجي معك
بيان : لا لا مو لازم
بيان قامت وهي مستاانسه وتضحك وراحت ركض ولقت محمد
محمد يخفف توتره  : يااهلا
بيان : يا هلا اجل هههههههههههه انفضحت تراك حرمك اجل ههههههههه
محمد : زل لساني هههههههههههه
بيان : اي مره ثانيه اربطه الحين وش يفكك من فهد ههههههههههه
محمد : اقوول بس وش بغيتي ؟
بيان : كم تعطيني
محمد : اااا على حسب الخبر
بيان: اجل اسمع بس لا تحكم من اول شيء اسمع كل شيء بالأول زين ؟
محمد : طيب بس قولي اللي عندك
بيان : اااااا انا قلت شيء اليوم قلت لبيسان انك معجب بجمان ومرام كانت فيه هههههههههههههههههههه
محمد عصب : هااا وش سويتي؟ بيان لا تجلطيني من جدك ولا تستهبلين
بيان : مو قلت لك اصبر ؟
محمد : قووليي وش بعد سويتي
بيان : انت لو تشوف رده فعل مرام تمووت ضحك البنت غاارت صح ماقالت شيء بس صفقتها بالباب تكفي ههههههههههههههههه
محمد ابتسم: امااانه
بيان : والله البنت غارت مرره
محمد : طيحتي قلبي الله يقلع ابليسك
بيان : اقوول بس كم تعطيني
محمد : اللي تبين على الخبر الحلو ذا اطلبي وش بغيتي
بيان : ههههههههههههه ما ابي شيء والله بس وش قصدك يوم قلت محارمنا ؟
محمد : والله يا بيان شوفي انا قررت خلاص البنت ابيها بكلم ابوي بالموضوع بس بعد ما يرجع ماجد يشوف أبغاه يعيش معي فرحتي
بيان : صدق خلاص ؟
محمد : اي والله
بيان : اا طيب على طاري ماجد كيفه هو
محمد : الحمد لله بيروح لدبي بس مدري متى عنده موعد هناك وكنت بروح معه بس قال ان مرام هي اللي بتروح
بيان : اهااا الله يشفيه يارب
محمد : امين يلا انا بروح الحين تبين شيء دقي علي تمام ؟
بيان: زين يلا
كل واحد رجع مكانه بس بمشاعر مختلفه محمد رجعت ابتسامته وحماسه و شوي ويطير وصار يسويلهم جوو حلو اما بيان بين الفرح عشان اخوها وتدري وش صار لها يوم محمد تكلم عن ماجد حست بالحزن عليه وبنفس الوقت توترت
عند مرام بالمطبخ خلصت الباستا وزينتها باليمون و الكزبره وحطتلهم مشروبات ودقت على فهد ورد على طول
مرام : اي عييشه ولا كان مارديت
فهد : هههههههههههههههه الجوووع  خلصتي ؟
مرام : اي بس كم انتم
فهد : ٦
مرام : عادي اي مشروب صح ؟
فهد : اي شيء
مرام : طيب يلا تعال خذه
فهد من الحماس قفل وبسرعه انطلق للمطبخ 
عند باب المطبخ الخلفي فهد واقف
فهد : اويلي ياريييحه تجوع الشبعان
مرام : ههههههه بالعافيه بس يكفيكم ولا ازيد ؟
فهد : لا يكفي
مرام : طيب بس اذا ما كفا ترا فيه زياده
فهد بحماس : وييينه ؟
مرام : ههههههههههههه هنا بالقدر
فهد: مو لحد صح ؟
مرام : اي
فهد : طيب انتظري
راح وودا الاكل عند العيال ورجع
فهد : هذا انا ابيه لحالي
مرام : ياا المشفووح ههههههههههه كثير ترا
فهد : و احد يقدر يقاوم الباستا حقتك ؟
مرام : يجعله بالعااافيه اهم شيء مجوود ياكل منها ترا يحبها ومن زمان عنها
فهد : اي ماعليك تلقينه بيخلص الصحن الحين
رجع فهد ومعه قدره ومرام حاطه للبنات من الباستا
منال : ياهلا بالحامل و المحمول
بيسان : الحامل مانبيه نبي المحمول بس
مرام : يالخاايسه انقلعي مراح تاكلين
بيسان : لا خلاص اسفه
مرام جلست وبدو ياكلون

عند العيال دخل عليهم فهد بالقدر وكانو هم ينتضرونه
محمد : ننتضرك واثرك ضامن حقك
فهد : هههههههههههههه حرمك ماترفضلي طلب وش اسوي هههههههههههه
محمد : هههههههههه اقول كل وانت ساكت
بدا الكل ياكل وهو مستمتع من كثر ما انها لذيذه
مروان : ياعيال والله انها حلوه انا ماكل خضار بس بالطبخه ذي غيير
فهد وهو يضرب الأرض: تسلم يدينتس ياامرام وناظر محمد وضحك
محمد : مااعمرك تصفقت صح ؟
فهد : ههههههههههههههههههههه جرب ماتقدر عمك انا
ماجد : اف اف الله عليتس يختي والله حلووه
فهد : اي والله تسلم يدينها ماشاءالله
خلصو اكلهم و البنات شالو جلستهم و راحو ينامون  العيال نفس الشيء الكل نايم بالمجلس الا ماجد كانت له غرفته الخاصه ينام فيها لي انه بعد الحادث صار مايحب ينام الا لحاله لما يتجمعون
اذن الفجر والكل قام يصلي ورجع ينام الا منال سوت القهوه وحطتها بالصالة بعدها نامت
الساعه ١٠ الصبح عند العيال جتهم مداهمه كانو خايفين منها صارت
بصوت جهوري وحاد : قم قم انت وياه نايمين إلى ذا الحزه لا صلاه ولا عباده

انتهى ......

ظل اسير في قلبه ونهر يسير في عينيهاWhere stories live. Discover now