أختفت تلك الشمس وظهر الغاسـق
وخرجت السّباع مِن آجامها ,والهوام
من مكانها وأنصاب الظلام علىٰ الأرض
وحاوط الظلام الدامس تلكَ الليلة
تعلن عَن ظهور الغاسـق!.
****
ليلة باردة تُثلج القلب
ظلام دامـس ,حاوطت تلك الغيوم المصحوبة
برعد التي تعلن عن سقوط أمطار قريب !
يُداعب قدمي الحافية الأشواك
والحجـار المُنتشر على الأرض .
نفسي يصعد وينزل أحاول اسيطر على الخوف
المحاوطني اتلفت يمين وشمال أخاف احد يعرفني
شايلة بإيدي فستاني الأبيض الكان دال على
اليوم زواجي من شخص ...؟
امشي بخفوت ومركزة بالطريق أخاف أحد يتعرضلي
توقفت بمكاني أحاول اركز بالصوت الجاي من خلفي
صوت خطوات شخص !
اكو شخص گاعد يمشي وراية؟.
سرعت خطواتي متناسية الألم والجرح الموجود برجلي , بدت أمطار خفيفة باردة تلامس خدي
الساعة 8:30 باليل ولحد هسة اني امشي بين
الجبال والأراضي الخالية من الناس.
گعدت على الأرض منزلة راسي وحاضنة رجلي لصدري وكأن أحتمي بيها .
غمضت عيني أريد ارتاح لبضعِ ثواني لـٰكن !
اكو أقدام رجل واقفة أمامي.
دَب الرعب بقلبي خايفة أرفع عيني
وأشوف هذا الشخص .
أحاول اسيطر على رجفتي الفضحتني بس لازم
اواجه مخاوفي , رفعت عيني ببطأ أحاول
اركز بهذا الشخص .
هيئتـه ضخمة لابس اسود ونص وجهة مغطي
ابتسم نص أبتسامة ،ورفع عيونة موجهة علية
أحاول أستوعب ،أي أي هذا !
ماخلاني استوعب مُباشرةً گال :
"ياهلا برِسلان الغاســـق"
****
ـ فتحت عيني على صوت امي تصرخ بقوة
وتبچي گمت من فراشي مفزوعة خايفة
- يمةة شبييچ شصاييير
-لچ ماااات ماات
رأساً عرفـت منو المقصود الخبر نزل على راسيي مثل صاعقة غواش حاوط عيوني مامستوعبة الگالتة امي.
لزمت الحايط احاول اوازن نفسي .
-لا لا مستحيل يعوفني لا هو گال بس باچر
راح اكون ماموجود ووعدني يرجع من وقت .
طلعت أركض للشارع ادور بعيوني عليه
بين زوايا الشارع حيلي كُلة يرجف
وقلبي يريد يطلع من صدري ممصدگة الگالتة أمي .
عيوني مغورگة بالدموع , عيوني گمت ماأحس بيها
هلگد ما تحرگني , وگعت على الأرض مهدود حيلي
احس جبال الأرض كُلها فوگ ظهري
صرخت صرخة طلعت من اعماق روحي صداها
رنت بين جدران الشارع .
****
طفرت من الحايط فرحانة راح اخلص من
هذا البيت المشؤم المايجي من عندة بس المشاكل .
إيدي جرحت بس ماهتميت اهم شي اخلص .
اتبختر بمشيتي متغاضية عن القُنبلة الراح تصير وراية.
ساعة 3:00الفجر واني امشي فرحانة اطافر وارگص
بنص الشارع متناسية عن وجود كامرات بشارع ،
أردفت بخفوت احاول اركز بمصيري .
- كافي كافي لا تتخبلين مو وكت خبالچ، هسة لازم
تطلعين حل للمصيبة لسويتيها بطلعتچ هاية
اباوع على خطوات رجلي وملتهية اسب بيهم
رفعت نظري موجهتة على زاوية من زوايا المكان
لمحت شخص واگف وموجه نظرة علية ومركز
بكُل حواسة علية خفق قلبي وعيوني جاحضتها
بكُل قوة أحاول اصدگ عيوني معقولة!
ـ لا هو هو راح من زمان ممعقولة رجع بعد هذهِ
السنين .
خطواتة شوية شوية گاعد تتقرب , ركضت بكُل
ماعندي من قوة احاول اضيعة طبيت بفرع
كان نهايتة جدران تدل على نهاية الفرع .
ـ لا يا الله شهل حظ الزفت
بس ماكو مكان اختل بي غير حقل كان موجود
مركون على صفحة .
ركضت متوجها لهذا الحقل متغاضية عن أي
شي موجود بالمكان ، رن بأذني صوت جاي
من وراية محذر !..
- ماانصحچ تدخلين لهذا المكان لأن اكيد
ماراح يكون أرحم من الراح يصير بيچ هسة .
* * * *
﴿وَاذْكُر رَّبَّكَ كَثِيرًا وَسَبِّحْ بِالْعَشِيِّ وَالْإِبْكَارِ﴾
- سُبْحَانَ اللهِ
- الحَمْدُ للهِ
- لَا إلَهَ إلَّا اللهُ
- اللهُ أكْبَرُ
- سُبْحَانَ اللهِ وَبِحَمْدِهِ
- سُبْحَانَ اللهِ العَظِيمِ .
Oops! This image does not follow our content guidelines. To continue publishing, please remove it or upload a different image.
رأيكم ..؟
لاتنسون التصويت .
YOU ARE READING
الغاسِـق
Horrorأختفت تلكَ الشمسّ وظهر الغاسـق وخرجت السّباع مِن آجامها ,والهوام من مكانها وأنصاب الظلام علىٰ الأرض وحاوط الظلام الدامس تلكَ الليلة تعلن عَن ظهور الغاسـق !.
