.
.
اليوم الثاني ..
العصر الساعة 4 ..
كانوا جالسين يشربون قهوة مع حلى و كيك ويتفرجون في التلفزيون ..
سلمى الأم / آاااه يا ولدي فهد .. متى على عيني أشوفك معرس و أزفك على عروستك متى بس ؟؟ !
فهد بابتسامة / الله كريم يمه ، بعدين ليش مستعجلة عادي كل شيء بوقته حلو ..
أم فهد بعصبية / أنا مستعجلة !!
أنت تدري يا فهد كم عمرك ألحين 26 سنة !!
باقي لك 3 سنين وتدخل على الثلاثين حرام عليك يا ولدي جالسة أترجاك من أربع سنوات عشان تتزوج ، خلاص والله مليت و ماعاد فيني صبر يمه .. !
فهد / يمه يا حبيبتي صلي على النبي و قولي لاإله إلا الله وشفيك كذا تعصبين علي إذا جات سالفة الزواج !!
أم فهد / إيه بعصب و بصارخ بعد و ما أنلام أصلا ..
أنا مثلي مثل أي أم بالدنيا تحلم أنها تزوج أولادها و تشوف أحفادها قدامها يلعبون ..
أنا بس أبغى أفهم شيء واحد بس .. أنت ليش إذا جبت لك سيرة الزواج تتهرب هاه ؟؟ !!
فهد / والله يمه ما أتهرب ..
أم فهد / أجل وش تفسر تصرفاتك هاذي ؟؟
فهد / تفسيرها إني إلى الآن ما لقيت البنت المناسبة إللي يرتاح لها قلبي و ارتبط فيها كزوجة ..
أم فهد بحماس وهي تغمز بعينها لفهد و تبتسم /
أحم أحم .. الله أكبر .. ألحين البنات السنعات مالين الدنيا وتقول ماحصلت البنت المناسبة ..
وبعدين مايحتاج تدور و تتعب عمرك ، أمك لقت لك شيخة البنات ..
فهد وهو يضحك / مين يا ست الحبايب ؟؟
أم فهد بفرحة / مين بعد الهنوف بنت خالتك .. جمال و أخلاق و جامعية و متعلمة و سنع يالله من فضلك ..
فهد بصدمة / الهنوووووووووف !!!
أم فهد / إيه الهنوف ، وشفيك كذا مصدوم و انخطف لونك ؟
فهد / هههههههه لا يممه ،، بالذات الهنوف هاذي آخر إنسانة أفكر ارتبط فيها !!
صحيح بنت خالتي وبنت عمي بنفس الوقت .. لكن قلبي ما حبها ولا انجذب لها من الأساس !!
أم فهد بزعل / ليييش إن شاء الله وشفيها الهنوف مو ناقصها شيء بسم الله عليها .. ألف واحد يتمناها ..
و بعدين مو شرط أنك تحبها قبل الزواج ، الحب يجي مع العشرة بينكم بعدين إذا تزوجتوا .. ما عندك عذر أو مبرر أنك ما تخطبها ..
فهد / يمه المسألة أكبر من الحب و الانجذاب !
السبب الرئيسي إللي يخليني أرفض الزواج منها هو إني ما أبغى احتك في أبوها عمي أبو زياد !
و أنتي عارفة ليش .. عقب إللي سواه فيني و فيكم بعد وفاة أبوي الله يرحمه ، حاربنا وفضحنا من الناس عشان الطمع إللي ملا قلبه وعشان الفلوس ..
ما قال هذولا أولاد أخوي و بشيلهم في عيوني ..
و أساسا لولا الخوف من الله سبحانه وتعالى وثم تقديرا لك ماكان سامحته ولا كان رديت السلام عليه من يوم حركته هاذي فينا ،، لكن سامحته عشانك يوم ترجيتيني و قلتي لي أنك ما تبغين تخسرين أختك بسبب المشاكل إللي بيني و بينه !!
أنت تقرأ
أحببت السمراء | love bronze
General Fiction_ قصة واقعية نوعاً ما _ # فهد عندما خيرتني أمي بين فتيات عائلتنا بل مدينتنا لكي أتزوج لم يدق قلبي إلا لها ولم ترفرف مشاعري إلا لها! نعم : لتلك السمراء الفاتنة فقققط !! حاربت كل من حولي لأجلها و أخيراً فزت في هذه المعركة و ظفرت بأميرتي السمراء...
