Sky Paradox: Battle of Gangsters

Chapter 32: Intramurals

A/N: Dedicated sa kanya dahil siya ang nagreply sa tanong ko about boy band songs. I like 5SOS na. Hehe.

Anyway enjoy reading guys. :)

_______

"BLUE NANDITO ka ba?!" sigaw ni Grey pagkapasok niya sa den. Kanina niya pa ito hinananap at malapit na niyang malibot ang buong campus. Hindi rin nito sinasagot ang tawag o text niya. "Mukhang wala rin siya rito," bulong niya sa sarili matapos makita ang assembly area nila. Sinilip na rin niya ang loft kahit na si Red lang naman ang palaging naglalagi roon pero wala rin. Huling tinignan niya ang maliit na kusina ngunit iba ang naratnan niya roon.

Napatingin sa kanya si Red na nakasandal sa counter habang umiinom ng root beer. Napaiwas ng tingin si Grey dahil sa totoo lang ay hindi pa sila nagkakausap ng matino simula nang marinig niya ang usapan ng dalawang matalik na kaibigan patungkol kay Sky. Kaya pakiramdam niya ay may gap silang dalawa. Na parang siya lang din yata ang nakakaalam dahil mukhang hindi naman napapansin ng kaibigan ang pagkailang niya. What do I expect? mapait na sabi ng isip niya.

"May- ah- si Blue hinahanap ko. Wala pala rito. Sige," hindi makatinging sabi niya saka tumalikod para umalis.

"Grey." Natigilan siya sa tangkang pag-alis pero nanatili siyang nakatalikod. "Let's talk."

Dito na lumingon si Grey at tinignan si Red nang nakakunot-noo. "Gusto mo akong kausapin?" tanong niya sa tonong hindi makapaniwala. Tumango si Red at inabutan siya ng can ng root beer. Wala sa sariling inabot niya iyon saka sumandal sa pader salungat ni Red. Lumagok siya ng sunod-sunod bago tumingin ulit kay Red na hindi pa yata inaalis ang tingin sa kanya. Nang hindi nagsalita si Red ay hindi na nakatiis si Grey. "Ano 'yun?"

Bumuntong-hininga si Red saka uminom ulit bago nagsalita. "About Hime."

Nabitin sa hangin ang akmang pag-inom ni Grey dahil sa sinabi nito. Napalunok siya at napatingin sa baba. "A-Anong- bakit mo ako-?"

"I know that you knew about her already."

Matagal na hindi nagbigay ng reaksiyon si Grey hanggang sa unti-unting sumilay ang isang mapait na ngisi. "Malay ko bang alam mo. As far as I'm concern, hindi mo pa iyon sinabi sa akin."

"I may not show it but I assure you I'm very much aware on what's happening around me," ani Red habang matamang nakatingin kay Grey. "Atleast when it comes to my friends."

"Friends huh? Really? Kasama ba ako ro'n?" Hindi mapigilan ni Grey ang maging sarkastiko sa pagsagot na first time niyang gawin kay Red. Napa-english din tuloy siya ng diretso. "Do you or did you even consider me even once as one?"

"Why would you even think otherwise?" mabagal na tanong ni Red na parang binabasa ang nararamdaman niya dahil sa paraan nito ng pagtingin.

"Dahil iyon ang pinararamdam mo. Ninyo," pagdidiin ni Grey. "Pakiramdam ko saling-pusa lang ako sa inyong dalawa eh."

"What are you talking about?" nagtatakang tanong ni Red pero umiling ng nakangisi si Grey at hindi sumagot. "Where is this coming from?"

Matagal bago sumagot si Grey na para bang nagbabalik sa ala-ala niya ang ilang eksena. "Masyado nang marami para isa-isahin ko pa ang mga dahilan kung bakit ko nasasabi ito. Pero sige, huwag na tayong lumayo. Ito na lang. Ang hindi mo pagsasabi sa akin ng tungkol kay Sky, na siya si Hime. Na kung hindi ko pa kayo narinig noon na nag-usap ni Blue ay hindi ko pa malalaman."