The Best Damn Thing (Gonzaquis)

Chapter XXIV

Rachel's pov

"Ate Chel, thank you sa leadership niyo ni Ate Cha. Kung wala kayong dalawa, naku.. hindi ko alam kung magsusurvive tayo dito sa forest escapade natin.." wika ni Aby habang inaayos namin ang loob ng tent. Nakasurvive naman kami sa unang araw namin dito sa forest camp at ngayon ay naghahanda na kaming matulog... yun nga lang ay inunahan na kami sa pagtulog nila Kim, Jaja at Dindin. Mukhang napagod at nastress sila sa araw na ito kaya bagsak sila agad.

"Wala naman kaming ibang ginawa bukod sa naging big sister ninyo.." ngiti ko.

"True. Big sister talaga. Sa dami naman kasi ng mga isip bata sa team.." singit ni Myla at hindi na nito napigilan ang paghagikgik.

"Hoy.. sinong sinasabihan mo ng isip bata ha.." hampas sa kanya ni Aby, "bata pa naman tayo kaya okay lang.. tsaka si Ate Chel naman ang promotor ng mga kabaliwan.. hehehe.."

"Haha.. isa ka pa Tyang.. pero yung mga isip bata talaga eh nandoon sa kabilang tent."

"Oh siya," tayo ko sa pagkakasalampak ko, "magbebabysit lang ako sandali sa kabila.. magpakabait kayo ha kung hindi papaluin ko kayo sa pwet.." biro ko.

"Narinig mo yun Tyang? Patay na. Sa bola pa nga lang malakas na yung hampas ng kamay ni Ate Chel.. paano nalang sa..."

"Kaloka!! Ayokong isipin!" react ni Aby at nagtawanan sila ni Myla.

Natawa nalang din ako at lumabas na ako ng tent namin. Gusto ko muna kumustahin ang lagay ng bawat isa bago kami matulog. Alam kong stressed lahat at alam kong hindi gaanong komportable ang tutulugan namin ngayon kumpara sa malalambot na kama at airconditioned room namin sa kanya-kanyang bahay. Pero at least sa loob ng tent ay safe kami sa masasamang elemento ng kagubatang ito. At gusto ko lang din siguraduhin na maayos silang lahat.

Pagbukas ko sa tent ay kita kong naghaharutan sila.

"Aray! Tama na!" reklamo ni Aly, "Ang sakit ng pitik mo sa tenga ko!"

"Hehe.." tawa ni Tin, "sweet face lang yang si Mika pero halimaw din sa court.. lalong lalo na sa pitikan.. ikaw ba naman ang biyayaan ng mahahaba at malakas na kamay.."

"Namumula na agad sya.. gusto mo pantayin natin yung magkabilang tenga mo?" ngisi ni Mika.

"Tama na please! Sa inyo nalang yung almusal ko bukas!"

Lumapit pa si Mika kay Aly at nagsimula ng magpumiglas ni Aly sa pagkakahawak sa kanya.

"Jia, okay ka pa ba?" tanong ni Jheck habang hawak ang isang braso ni Aly.

"Okay pa. Kabisado ko yung lakas ng kanang braso ni Aly. Hehe."

"Mika naman! Ang sakit kaya ng pitik mo!" patuloy na reklamo ni Aly. Nakaporma na yung kamay ni Mika malapit sa tenga niya ng pumasok ako sa loob.

"Anong kaguluhan to??"

Napahinto sila at napatingin naman agad sa akin.

"Hi Ate Chel.. hehe.." ngisi ni Tin.

"Ate Chel! Tulong! Minamaltrato nila ako!!" sumbong ni Aly.

"OA ha! Eh wala pa ngang tatlo yung pitik ni Mika!" singhal ni Jheck. Nakahawak pa rin siya at si Jia sa mga braso ni Aly.

"Anong OA eh kayo nga itong OA! Parang simpleng tubig galing doon sa batis lang naman yung pinanghugas ko ng kamay kanina.."

"Simpleng tubig ka diyan! Iyon pa naman yung pinaghirapang gawin nila Ate Jovs kanina.." labi ni Jheck.