Prof ko, Ex ko (Aldub)

13

"H-Hindi naman. Bakit?"sagot ko kay Charles sa tanong niya na kung lagi ba daw dumadalaw si Carl.

Matagal bago siya sumagot.

"Charles?"

"W-wala naman. Natanong ko lang din."sabi niya at ngumiti. Ako naman tong si shunga umasa na iba ang isasagot niya.

"Ahm kamusta na pala sila tita at tito?"pag-iiba ko ng usapan.

"Okey lang naman sila. Si Mommy busy sa business niya si Daddy ganun din. Actually nung hindi ka na nga nagpupunta sa bahay noon lagi ka nilang hinahanap lalo na ni mommy"napangiti naman ako sa sinabi niya. Noong kami pa kasi lagi niya akong dinadala sa bahay nila. Kaya naging malapit talaga ako sa pamilya nila lalo na kay Tita Carla.

"Lagi pa rin bang nag eexpirement si Tita ng mga bagong lutuin?"natanong ko. Yun kasi ang hilig ni tita kaya noon lagi ako ang taga tikim niya tuwing pumupunta ako doon.

"Oo. Gusto mo bang makita sila? Panigurado matutuwa sila lalo na si mommy."biglang sabi ni Charles. Gusto kong mag Oo pero parang nag-aalangan ako.

"Jane?" Tawag ni Charles ng di na ako sumagot.

"Hindi ba nakakahiya na magpunta ulit ako doon? Iba na ang sitwasyon natin ngayon."paliwanag ko

"Ano ka ba Jane. Alam ko na matutuwa si mommy. Sakto next saturday birthday ni Dad. May celebration sa bahay. Sumama ka sa akin."sabi niya at ngumiti.

"O-okey."pagpayag ko nalang din. Hindi rin naman nagtagal si Charles at nagpaalam na. Saktong pag-alis niya ang dating naman nila mommy at Lance.

---------

"Mom, dad kinakabahan ako."mamaya kasi susunduin na ako ni Charles. Ngayong araw kasi ang birthday ni Tito. At sa nakalipas na isang linggo na pag-iisip. Nakapagdesisyon na rin ako na sabihin kay Charles ang tungkol kay Lance.

"Anak wag ka ng kabahan. Basta kung ano man ang maging reaksyon ni Charles tandaan mo, andito lang kami ng daddy mo mo para sa inyo ng apo ko."nakangiting sabi ni Mommy.

"Tama ang mommy mo anak."sigunda ni daddy. Ngayon naman naiiyak ako dahil nakikita ko kung paano nila ako suportahan kahit pa ba na disappoint ko sila noon.

"Thank you mom and dad."sabi ko at niyakap sila.

"Paano anak aakyat na ako baka kasi magising si Lance."paalam ni mommy.

"Ikaw dad hindi ka pa ba aakyat?"tanong ko kay daddy.

"Mamaya na. Gusto kong makilala ang tatay ni Lance."sabi ni dad sa seryosong tinig. Kaya naman medyo nakaramdam ako ng kaba.

"Hon wag mong tatakutin si Charles. Kundi lagot ka sa akin "bilin ni mommy kay daddy bago umakyat. Kaya naman medyos nabawasan ang kaba ko kasi alam ko na takot si dad kay mommy.

Hindi naman nagtagal narinig na namin ang doorbell. Kaya namn hinatid na ako ni daddy sa labas.

"Good Evening Sir."bati ni Charles kay Dad. Ngayon lang sila nagkakilala kaya naman kinakabahan talaga ako.

"Ikaw ng bahala sa anak. Iuwi no siya bago maghating gabi."lihim naman akong napangiti sa bilin ni Daddy kay Charles.

"Yes Sir. Mauuna na po kami."paaalam ni Charles kay daddy.

"Bye dad."paalam ko rin.

"Nakaka intimidate yung daddy mo. Kaya naman pala ayaw mo pa akong ipakilala noon sa kanya."biglang sabi ni Charles ng nasa loob na kami ng sasakyan niya at papunta na ng bahay nila.
"Ganun talaga si Dad. Lalo na sa mga kaibigang lalaki na pinapakilala ko.
."sabi ko. Kaya nga noon takot ako ipakilala si Charles sa mga magulang ko dahil na rin kay daddy. Ang hilig kasi mang intimidate.