JERSEY No. 6 (Completed)

Chapter 2. "Basketball Team"

"Cecelia bumili ka na ng shampoo ng makaligo ka na! Ano bang pinag da-drama mo dyan ha?" inagaw ni mama yung unan ko kaya napabangon ako. Diba nga nag-eemo pa kasi ako dahil wala ka sa liga sa kabilang barangay. Almost 2 weeks kong pinaglamayan yun, akala ko nga mababaliw na ako pero nakayanan ko naman kahit papano. Ang tigas rin kasi ng ulo ko eh, sinabihan mo na ngang isang taon pa, assuming pa ring bumalik ka na. Grrr... iisipin kong isang taon pa. Lang'ya! kaya ko ba yun? 365 days? Pero Don't worry napag isipan ko na rin yan kagabi na hihintayin kita whatever it takes.

Nga pala, may liga na naman akong pupuntahan bukas. Alam mo na, umaasa pa rin akong makikita kita. Ilang barangay na nga bang pinuntahan ko? Naku hindi ko na ata mabilang eh. Minsan pa nga sa covered court ako tumatambay pero madalas nakikipanood ako kasama si kuya sa channel 2 NBA. Favorite ko na si Stephen Curry kasi ang cool niya. Idol ko rin si Lebron James kasi ang astig niya, Yung crossover ni Cris Paul, yung mabilis na foot work ni Kyrie Irving, pati kay Deron Williams gusto ko yung mga moves niya. Pero sa kanilang lahat ikaw pa rin ang pinaka favorite ko.

First day of the class na nga pala ngayon, 2nd sem na. Malapit na talaga tayong magkita. Wala naman kasing nangyaring maganda sa 1st sem ko kaya wala akong kwento sayo. Sana lang talaga ngayong 2nd sem may exciting na mangyayari sa buhay ko (cross finger)

"CECELIA!"

"Opo ma." nagmadali akong tumakbo kina aling Tonia.

"Isang sunsilk po saka creamsilk conditioner na pink."

"Ano pa Cecelia?"

"Wala na po! ito po bayad." wala sa sariling naglakad na ako.

"Cecelia sukli mo. Sobra ang binigay mo." napahinto ako sabay simangot.

"Dapat talaga pag sobra ang binigay, binabalik ang halaga. Masakit kayang umasang ibabalik niya ang halagang binigay mo kahit pa willing kang magbigay ng sobra!"

"Eh tweet ko na ba yan bunso? Anong hashtag? hashtag keep the change or give love a chance? hahaha. Emo-emo mukha ka namang engot!" napanguso akong humarap kay kuya na humihithit ng sigarilyo niyang malboro lights. Lang'ya mas naalala kita sa sigarilyo na'yan. Kainis!

"Bakit? may tweeter ka ba?" inirapan ko siya saka hinablot kay aling Tonia ang sukli ko. Ngali-ngali kong sabunutan ang sarili ko habang naliligo ako. Naiinis ako sayo! Oo na, gwapo ka pero masyado ka ng paasa. Ako naman si tanga go with the flow pa. The TANGA AWARD goes to. . . Cecelia Cristina Calumpit a.k.a C3.

Bog. .bog. .bog dribble ng bola. Mabilis pa sa alas kwatro ang pagtapis ko ng tuwalya at tumalilis palabas.