اشعة الشمس ضربات وجها وخلاتها تفيق من نعاسها حلات عينيها ناضت بشوي من السرير اليوم الالم كان اقل مشات ببطئ للنافدة عينها لمعو من المنظر الرائع حديقة كبيييييرة كلها ازهار من كل الاشكال والالوان واااااو قالتها من ورا الزجاج
رغم ان الحديقة عجباتها بزاف في لحضة تفكرات ان الحديقة هي غير جانب خارجي من الجحيم ديالها
ولكن بلاتي مشات بجهة الباب لقاتو محلول حلاتو بشوي طلات براسها بينما الجسد ديالها مزال داخل الغرفة طلات فلكولوار لي كان طويل بزاف مشات بحذر على صباع رجليها اخيرا وصلات للدروج هبطات بشوي بشوي ويدها على كرشها لي كانت كتضرها بزاف
وصلات لنصف الدرج من الخلعة فمها بقا محلول ملي شافت داك الشيطان جالس كيشرب قهوة وكيقرى فالجريدة
من الخوف كانت غتطيح في داك الدروج فاخر لحظة تحكمات في نفسها ورجعات بخطواتها للور وكما خرجات من الغرفة دخلاتها من جديد
دقات قلبها كانت مجهدة حتى خافت يخرج من صدرها
جلسات على السرير
تفو لوكان ماكانش لوكان خرجت من هذ الجحيم غير بلاتي عليك الحقير انا غنخرج من هذ الحبس ديالك وغنوريك شنو غندير فيك
بقات على حالتها والقهر بدا يتملكها كانت كتحس بالحزن من جيهة الاب ديالها عارفة هي لي عندو وعارفاه كيبغيها بزاف رغم انه في الاونة الاخيرة كانت تحت السيطرة ديال داك الشريرة مراتو
نزلات دموعها سخونة على خدها بكات ورتاحت
_______
الشيطان بالبدلة الانيقة ديالو كمل قهوتو وخرج وهو كيهدد فزهرة
الى خرجات غنحيد لك الصباع باللقاط وغنعطيهم لكلاب ياكلوهم قدامك مفهوم
زهرة : مفهوم سيدنا
خرج وخلاها ركب سيارته الفاخرة ولكن هد المرة مامشاش للشركة كانت الوجهة بلاصة اخرى
دق بكل ثقة فالنفس فالباب د الفيلا
خرجات الخادمة
نعم سيدي ؟
ماداهاش فيها ودخل حتى لوسط الفيلا وبقا كيتجول فيها بيعينه
وتكلم مع الخادمة كلمي ليا اسية
لالة ماكايناش كاين غا السي محمود فبيتو خلاها فبلاصتها وطلع للطابق الاول كيقلب فالغرف حتى وصل لغرفة محمود
والخادمة موراها عافاك اسيدي مايمكنش تدخل
كان محمود ناعس فالسرير وسارح بعينيه حتى فاجؤو الشيطان
اهلا السي محمود
محمود حالتو كانت زادت بزاف كان باين عليه
عرفتيني قال الشيطان
محمود: نزار العلمي
الشيطان : واو قالها وجلس على كرسي جنب محمود
واخا شرفتي مزال الذاكرة عندك قوية
محمود : شنو بغيتي مني
الشيطان : بغيت نطماءن على حالة القتال
محمود : من ديما كنقول لك عمري ما قتلت باك بالعكس كان صاحبي
الشيطان ناظ من الكرسي بغضب وقرب لوجه محمود لي كان ماقادرش اتحرك
سكت المجرم ولكن انا غنحاسبك غير تهنا
محمود : والدموع في عينيه قتلني وريحني من هد العذاب
الشيطان : لا غلط السي محمود انا غنعذبك اكثر غنخلي كبذتك تحرق كما حرقتي قلبي
محمود : شنو كتقصد
الشيطان : مريم
محمود تصدم وقال مريم بنتي فينها شنو درتي فيها
الشيطان : عاد غندير فيها مالك كتسبق الاحداث انا جيت غير نخبرك بلي الانسة راه ضيفة عندي لما تبقى لها من حياتها
محمود : عافاك دير فيا لي بغيتي غير كاتأذيش بنتي هي لي عندي
الشيطان : انت سبقتيني ا السي محمود ودابا كنرد لك غير الصاع صاعين
واتجه للباب وقبل مايخرج منو دار عند محمود من خلف كتفه وقاله بابتسامة شرانية
نشوفك من بعد السي محمود هذشي الى شفتك
خرج وخلا العافية فقلب محمود شاعلة والدموع بحال الجمر في عينيه
عند الباب كانت اسية داخلة تصادفات مع الشيطان خارج
بدهشة : اش كدير هنا ؟ شنو كنتي كدير عندو شنو قلتي ليه
خلاها ومشا بلا مايجاوبها ركب فالسيارة وخرج
هي: حيوان
أنت تقرأ
وقعت بين يدي شيطان
Romanceقصة بالدارجة المغربية الحب اقوى من الانتقام مريم الحب و نزار الانتقام مريم الملاك ونزار الشيطان فهل سيجتمع كل هذا
