Ngayon ang araw ng acquiantance party namin, magsisimula 'yon mamayang 6:00pm. Mamaya pa 'yon pero mga aligaga na ang lahat, maging sila Alliana ay aligaga na rin, mga sobrang aga natulog kagabi, 'beauty rest' nga raw. Samantalang ako? Heto at tambay lang sa bahay, meron na kasi akong isusuot dahil may ibinigay na sa 'kin yung pinsan ko kahapon. 'Yung mga kasama ko , hindi pa sila nakapili kahapon kaya paniguradong nasa mall yung mga 'yon ngayon, 'di na ako sumama dahil meron naman na akong isusuot para mamaya, mapapagod lang ako kakaikot-ikot kasama sila. Royal blue kasi yung theme mamayang gabi para sa Acquiantance Party. Ang saya saya ko nga e, paboritong kulay ko kasi iyon.
"Oh, hindi ka man lang ba lalabas diyan para mag pa-ganda?" Tanong ni ate Lyka, pinsan ko siya. Galing siya sa Baguio, doon kasi siya nag-aaral. Umuwi siya dito para mag bakasyon. Buti nga ay naka timing iyon, may tutulong sa akin, wala naman kasi akong masyadong alam sa mga ganong bagay.
"Maganda naman na ako, 'te," pagbibiro ko naman. Nagtawanan na lang kaming dalawa. Umupo siya sa silyang katapat ko lang saka ako tinignan ng maayos.
"Maganda ka naman talaga. Pero seryoso, wala ka bang balak mag prepare diyan para mamayang gabi? Tulad ng mag pa-spa, mag pa-salon, o kung anu-ano pa? Hindi naman masama dahil minsan lang, at saka papayag lang 'yon si tita," tanong niya habang pinaglalaruan ang kanyang buhok.
Parang interesado ako doon sa sinabi niya, tutal wala naman akong ginagawa ngayon. Minsan lang pati 'yon sa isang taon 'no. Oras na rin para mag relax, sa mga susunod na araw ay busy na naman sa acads. At least pag ma-s-stress ka, maganda ka, 'diba?
"Sasamahan mo ba ako?"
"Sure!"
Agad akong nagbihis para sa lakad namin ni Ate Lyka. Kaso lang ay baka magtampo yung tatlong bruha, baka sabihin nung mga 'yon 'di ko sila sinabihan at isinama sa lakad namin ni Ate Lyka. Inilabas ko na lang ang cellphone ko mula sa sling bag ko saka nagtipa doon para ayain si Eumy. Nakaugalian ko na na maski alam kong hindi sasama o makakasama ang isang tao, aayain ko pa rin.
To: Eumy
Pupunta kami sa Salon, sama kayo?
"Caliyah, let's go?" Aya ni Ate Lyka habang hawak-hawak ang susi ng kotse niya.
Ang tagal naman kasing mag reply nung babaeng 'yon, hindi ko tuloy alam kung dadaanan at susundui namin siya sa kanila.
"Okay, ate, " sagot ko at sumakay na rin sa kotse niya. Siguro ay busy na iyong si Eumy, baka kagagaling lang din nila sa mall, o kaya ay nagpapahinga na.
Si ate lyka lang ang nag d-drive kapag umuuwi siya dito at siya lang rin mag isa, buti nga pinapayagan na siya ni tita, e. Pero sabagay, 19 years old na rin siya at nasa tamang edad na rin. Samantalang ako, 16 years old pa lang kaya medyo strikto sa 'kin si mama. Ni ayaw niya akong sumasakay kung kani-kanino, lalo na sa motor.
Mayamaya biglang nag vibrate yung cellphone ko, dalawang message iyon. Si Eumy at si Redden?
From: Eumy
Sige lang bess! Push mo lang 'yan! Kasama ko rin kasi si mama, ganon rin sila Alliana. May kanya kanya pala tayong lakad hahahaaha.
Nag 'Okay.' na lang ako sa kanya. Pangalawa kong nabuksan ay yung kay Red.
From: Redden
Kasi maganda ka na para sa 'kin, lagi't lagi. Good Morning, Cali. See u
Napangiti ako doon, kung hindi ko lang kasama si ate Lyka ay baka mukha na akong kiti-kiti dito dahil sa kilig.
To: Redden
I know right :P Good Morning din! See you!
"Hoy, Caliyah! Aba'y wala ka bang balak bumaba diyan?" Halos malaglag ko 'tong cellphone ka nang bigla akong sigawan ni ate Lyka na hinihintay na pala akong bumaba. Nakapamaywang pa siya at siya na rin pala mismo ang nagbukas ng pinto pa rin sa'kin.
"Ay, sorry," wala sa sarili kong sambit saka bumaba. Nag peace sign lang ako sa kanya dahil mukhang kanina pa ata ako hinihintay.
"Para kang tanga kanina, sa totoo lang. Ngumingiti mag isa, naka ilang tawag rin kaya ako sayo kanina!" Bulyaw niya sa 'kin, napapikit ako doon.
"Sorry naman! Malay ko ba kasi.." sabi ko sabay kamot sa batok ko, nahihibang na naman pala ako kanina.
"May boyfriend ka na ano?"
"Wala 'no!" Mabilis kong tugon. Nag mu-mukha akong defensive ye. Pero totoo naman, wala talaga.
"Okay, Sabi mo e," Nakangisi niyang sabi gamit ang nang-aasar na tono at inunahan na akong pumasok sa loob.
Tsk! Kalmahan mo lang kasi, Caliyah!
"Napaka ganda naman talaga, mana ka talaga sa akin," proud na sabi ni Ate Lyka at pumapalakpak-palakpak pa, natawa na lang ako doon, naalala ko tuloy si Eumy.
Tapos na kaming mag pa-spa, nail polish, massage, facial, at ngayon naman ay katatapos lang naming mag pa-salon. Nakakapagod din pala mag relax. Ha?
Hindi ako nagpagupit kahit na mahaba na ang buhok ko, nag pa-hot oil lang ako at nag pa-kulay ng buhok. Kulot ako pero sa layer lang. Copper brown ang pinili ko, pero sa layer lang din ako nagpakulay. 'Yon din kasi ang sabi ni Ate Lyka kanina, para raw bagay sa hairstyle ko mamaya. Siya kasi ang mag a-ayos sa akin, kaysa gastos na naman. Marunong naman siya at tiwala ako sa kanya.
"Mag shower ka na. Pagkatapos, aayusan na kita," utos niya nang makauwi at makapasok na kami sa bahay. Wala pa rin si mama, nasa trabaho pa rin siguro, minsan kasi ay 5pm na ang dating niya.
Umakyat na sa kwarto ko para mag shower. Pagkatapos ng ilang mga minuto ay natapos na rin ako. Ilang minuto na lang rin ay mag a-alas singko na. Bumaba na ako ng naka bathrobe lang para mabilis ko lang maisuot ang dress ko mamaya. Nadatnan ko naman si Ate Lyka na inihahanda yung mga gamit para sa pag-aayos niya sa akin. May ring light pa doon, napag-handaan niya ito dahil noong sinabi niya na uuwi siya dito ay sinabi ko na agad na sa kanya ako magpapaayos.
"Ako ngayon ang fairy godmother mo, Caliyah! Handa ka na bang maging kasing ganda ng Prinsesa?" Masayang wika ni Ate Lyka habang hawak hawak pa yung brush na akala mo 'wand' niya. 'Diba, parang kasing taon ko lang. Jusko, ate.
"Umupo ka na sa mahiwagang upuan mahal na Prinsesa," aniya at nag bow pa. Nagtawanan na lang kami at umupo na rin ako sa 'mahiwagang upuan' daw sabi ng magaling kong pinsan.
Inuna niya ang buhok ko, kung anu-ano ang ginawa niya roon. Akala ko nga ay mag mu-mukha pa akong bruha dahil hindi ko malaman ang ginawa niya, hindi ko maintindihan, hindi ko rin ito masundan. Hinayaan ko na lang siya doon at nag browse na lang sa instagram, nag like ng mga piture ng mga kakilala ko roon. Hindi naman ako kinakabahan dahil magaling rin si Ate Lyka sa mga cosmetics. Sus. Iyan pa, eh mahilig rin siyang mag ayos. Siguro ay wala lang talaga akong alam sa mga ganon kaya hindi ko masundan.
"Maaari mo nang imulat ang iyong mga mata, mahal na Prinsesa," wika niya nang matapos niya na rin akong make-up-an.
Pagkamulat ko ng mata ko..
"Galing ko 'no?"
Dahil nakaharap ako sa salamin nakita ko siya sa likuran ko na nakangiti, wala akong masabi dahil pakiramdam ko ay gandang-ganda ako sa sarili ko ngayon. Damn, ako ba ito? Napaka ganda mo, Caliyah!
