درة

لاتفزع ولاتيأس

الجزء7

بقلمي السيدة العلوية

بيوم من الايام جنت سهرانه على التلفزيون وتلفوني بيدي ..اقلب منا واشوف منا..وفجأة رقم غريب ضل يتصل وارفض ..يتصل وارفض

الى ان دز مسج..

{ممكن نتعرف..اني قصدي شريف،،}ولااهتميت لان جنت اتمنى اترك هذا الطريق ..تركت التلفون وثاني يوم بالدوام..

شهد:شحضرتي على عرس مازن ؟

درة:ماحضرت ..مااكدر اطلب من اخوية فلوس..

شهد:معليج اني عندي ملابس كومة ونتبادل اني وياج ..بس اشوف الماتجي

درة:هههه اجي اجي ونلعب لعب وضلينا نغني ونهوس..واندك الجرس..

لمى:بنات اليوم درس العربي شاغر لان ماجاية ست نهاد..

درة:امشي لعد نطلع برة بالساحة..وفعلا وجان اشوف وحدة من بنات الثالث حاصرة وحدة من الاول وترزل بيها..

درة بعصبية:هييي انتي شبيج

الفتاة:شبشابة التشبج معليج انتي

درة :مسكتها بقوة من ايدها..احجي عدل لاهسة اخلي المعاونة تعرف شغلها وياج وبعدين لاتقتربين من اختي لااخليج عبرة كدام الطالبات..

خافت الفتاة وانسحبت والتفتت الى طالبة الاول..ضفائر شعرها وصدريتها كانما طفلة ودموع تارسة وجهها ومع هذا مستمرة تاكل نستلة..

درة:شعندج وية هاي البنية..

طالبة الاول:ماعندي بس اختها رادت اغششها وماقبلت وهسة اجت تتعارك وياية وشمروا علية الببسي هسة ماما تبسطني..

درة:لاتخافين وسولفي كلشي لماما ومن تحتاجين تعاليلي اني صف رابع

طالبة الاول:شسمج؟

درة:اسمي درة..

طالبة الاول:درة مال الله ومشت..

درة:متت ضحك من سمعتها وبراءتها..اه اتمنى مثلج ارجع بريئة وجان تجي شهد..

شهد:هااا عيني مختار المنطقة شعندج وية التتار..

درة:هههههه ياتتار يمعودة عدنا غزو

شهد:هذول الاول شايفتهن من يدك الجرس يهرجن الساحة تكول جيش وانهد..ماعلينا شخبار ابو السيارة..

درة: مختفي ومااعرف شي عنه..يطبه وجع..اصلا راسمة على فلوسة..

شهد:يعني تلفونج هود شوية وبطل يرن..

درة:من عينج..

شهد:علمناهن ع الجداوة سبقونا على الابواب..ولج اصلا كل اللي اعرفهم خمسة..

درة:خمسة لو خمسين..مو مشكلة تسلية كلنا بالهوى سوى..بس اكو واحد جاي يلح شكلي راح اجاوبه...

بغير مكان..

جلال:الو..نصر تنزلي شوية لو عندك شي..

نصر:بس اخلص شغل واجيك فد عشر دقايق..حضر الجاي..

(بعد دقائق)

نصر:شعندك ريوك مامتريك اليوم بالبيت

جلال:تعال تريك هاك..اكلك شو ماسألتني

نصر:على شنو؟

جلال:على سالفة هاي البنية الي كلتلي عليها..

نصر:(فز قلبي من انذكرت كدامي مااعرف ليش هاي البنية جاي استخطيها ..لكن سويت نفسي متماسك واستمريت بالاكل):اي شبيها

جلال:مبينة خوش بنية ..شكد لحيت بالاتصال ولاجاوبت ولاردت وحتى مسجات تعبانه دزيتلها وماكو رد..

نصر:خاف مامستلمة الرسائل

جلال:لااااا يطلع عندي مرئي..راح اعوفها ..

♡نصر♡

احلى يوم كان بعمري من سمعت بموقف درة اني وسخ واعترف وكل اعمالي مثليلكن اللي اعرفهن مو بنات عوائل وكلهن مو مثلها وتمنيت تبتعد عن هالطريق وعني..شفت بيها داليا لو احد ضحك عليها ومشاها بهيج درب

♧بيت نصر الدين♧

الخدامة: ماما تعال شوف داليا

ام نصر:ها شكووو..هاي شنو ماما ليش ملابسج هيج..

داليا:ماما...مووو..

الام:بلا كذب ..كولي ماازعل..

سولفت داليا كل اللي صار لامها..

داليا:ماما لو تشوفين شلون دافعت عني..

الام:الله يوفقها ويستر عليها ويكفيها من اهل السوء..

داليا:عفية ماما مو تكولين لنصوري اخاف يجي يتعارك بالمدرسة

الام:بس انتي لاتضمين عني وباجر انطيج شي تودينه لهاي البنية تكوليلها من ماما..

◆◇بيت درة◇◆

الاخ:درة صبيلي غدة..

درة(بداخلي ادردم'والهانم مرتك وين):تفضل ..

الاخ:يلة ولي من وجهي وانطيني مي..

ليلا عادت زوجة الاخ من بيت اهلها ..اهلي واهلي..هنيالج عندك اب وام

اني مواحسدها بس احسها انسانه تحب المضاهر ..وتبرز شي ماموجود ..ماعلينا خل احط الهيتفون بأذني واسمع اغاني ..مندمجة وسارحة بعالمي واذا بصوت الاهتزاز فززني..وفتحت خط بدون ماانتبه

درة:الووو..شرايد

جلال:نتعرف..معجب

درة:بيمن معجب

جلال:بيج وبديت اذب كلام الصياد المحترف ومااسهلها من صيدة..ووكعت بيدي بلحظة بقينا نسولف ونسولف وخلص الليل كلة سوالف وضحك وحسيت صدكت بية..

ثاني بيوم بالمدرسة

فرصة الدرس الثاني..واشوف لمى تصيح باسمي

لمى:دودو هاي وحدة خبصتني عليج ..تسأل عنج..

درة:منوو..وبينما اسأل واشوف الضفاير

داليا:اني...ههههه

درة:تعالي ..رايدة شي

داليا:اي ماما تسلم عليج

ومااحس الا شهد تجاوب وتقلد:ماما تسلم عليج وتريد راس بصل ههههه وضحكو كل شلة البنات

داليا نظرتلهن بغضب

درة:امشي نوكف هناك..هاحبيبتي شبيها ماما..

داليا:ماما دزتلج هاي الاية الفضة جابتها من مكة لانج دافعتي عني البارحة..

درة:تجردت من كل خصلة سوداء بداخلي ودموعي تجري وماكدرت اسيطر عليها..اخذت الهدية وشكرتها ولبستها واول مرة احس بطهر ونضافة

♥البصمة السادسة♥

ادع ...فانت لاتعلم بأي دعاء سينجيك ربك من الهم..ادع ولاتيأس..ادع لنفسك للاخرين..لمن تعرف ولمن لانعرف..ادع وليكن دعائك فقط بالخير..صدقني فربك يسمعك ويجيبك ..لاتقل لااعرف هذا الشخص فلماذا ادعو له..انك لاتدعو فقط له..بل لنفسك..لان الله كريم وسيعطيك مثل واكثر من الذي دعوت به للاخرين..افعل الخير فلاتدري اي عمل خير سينجيك من هلكة او بلاء

جلال:بقيت استدرج درة يوم ويوم والاخر الى ان طلبت منها نطلع بموعد غرامي..ووافقت بسهولة

درة:نسيت نصر وبديت وية جلال ..مدمنة صرت موبيدي..واتفقت وياه نطلع بيوم الحنه مال اخو شهد..لبست ملابس من شهد ..

جلال:الووو..نصر وينك

نصر:بالكوفي اني ومقداد تعال