[ القسوه بانواعها ] 👇 👇

((قسوة الاهل ))

مرحبا شباب شلونكم انشاء الله بخير

الي ميعرفني أو الي نساني اذكر بنفسي علي من بغداد 17 سنه انتقلت الى فنلندا...

سويت قصه جديده بعنوان (القسوة) بس اول بارت واهم بارت ; وهوه يمثل الواقع الي يعيشه الناس العرب وبلاخص العراقيين وباخص الاخص( البنات)

الاهل العراقيين عدهم عقليه انو الابن والبنت لازم تنحبس بلبيت وتشتغل ومتلزم الفون ..وهذا شي غلط
بالعادة الاهل العراقيين عدهم البنيه لازم متطلع من الباب والاخ بدوره من يشوف هيج راح يستگوي على اخته

مثلا اذا شاف اخته بلحديقه او بالطرمه مال بيت يروح يضربها بعقله يگول هسه اهلي يفتخرون بيه ..عود هوه ابو غيره خطيه واخو خيتة ميدري اليمد ايده على بنيه مو رجال وبنظري مو بشر اصلا...

والاهل يدمرون نفسية ابناءهم بعدين يگولون شبي هذا ميدريون نفسيته زفت

بصراحه اني اشوف الناس الي مامثقفين المفروض مايخلفون بس هاي سنة الله بعد شنسوي ..

الي يقدر نفسية الابن او البنت ويعرف شلون يتعامل ويا
ويقدر ضرفه ويقدر نفسيتة يعتبر انسان مثقف وقريب عالدكتور... لان الي يفهم نفسية الاشخاص بس الي دارسين علم النفس وهمه يعتبرون دكاتره...

وبالنسبة للابناء الي يدرسون الاهل الهم حق بتوجيه الابن او البنت حتى يدرسون خصوصا بزمن الموبايلات والانترنيت بس من ياخذون منهم الفون يحسسوهم انو همه مو بشر هم ياخذوا بطريقه وحشيه ومو حظاريه... ويكطعون الثقه وبالتالي يأثرون على نفسية الابن او البنت... وطبعا راح يزرعون الحقد والخبث بگلوبهم ويحسسون الابناء انو الاهل يكرهوهم بس هوه لمصلحتهم بس التصرف خاطئ ومو حظاري..

ونشوف هاي التصرفات عند العراقيين بلاغلب وهذا شي مو زين للاسف..واذا رسبوا الابناء يحرموهم ويعقدوهم هاي حاله مو حلوه

وقد ذكر اينشتاين ذات يوم ;;((الطالب ليس وعاء عليك ملؤه بل شعلة عليك انت توقدها ))

انتهى هذا البارت حبايبي اتمنى يعجبكم ادعموني اذا عجبكم🍃❤

طبعا هذا كل بفضل اختي الغاليه( نورۿ ) هيه الي انطتني اقتراح لاسم القصه واني جنت تارك الكتابه

تحياتي الها... 🍃❤seviyoorum

شكرا الكم....