بنت الجزار ............. الفصل التاسع والعشرين
أكثر من 48 ساعة وتهانى لم تخرج من غيبوبة السكر التى دخلتها ، رغم وصول معدل سكرها للمعدل الطبيعى منذ ساعات مع حيرة الأطباء من ذلك ،
خرجت دنيا وعادت لها أكثر من مرة ، منهم مرة ذهبت لفرع الشركة لتقدم استقالتها ولا تعلم إلى الآن هل رأاها حسام أم لا ،
تجنبت تماما الحديث معه أو حتى رؤيته إلا صدف فى الدخول والخروج من غرفة والدته أو حتى من باب المستشفى ،
وبالطبع لم تتركها دينار طوال اليومين ، وأيضا أجلت سفرها ، وقررت المكوث يومين اضافيين بسبب الأحداث الجديدة التى تحدث لدنيا ،
... miss donia , miss tahany wants to see you ...
كان هذا كلام الممرضة وهى تخبر دنيا بأن تهانى تريد رؤيتها ، وطلبت أن تكون دنيا وحدها ،
... تعالى يادنيا ...
اقتربت منها وعينيها مملوءة بالدموع ، فقد أصبحت لا تتحمل أجواء المرض والمستشفيات ، فليس لها معهم إلا الذكريات السيئة ،
كان واضح عليها الإعياء بشكل لا يصدق ، هذه المرأة اخذ منها المرض مأخذه فى اقل من شهرين فقط ، قالت وهى بالكاد تستجمع قواها لتتحدث
... متصدقيش حسام يابنتى فى أى حاجة قالها ...
..سيبك من حسام واللى قالوا دلوقتى ، قوميلنا بالسلامة بس وبعدين نتكلم ...
...ياعالم ، يمكن مقومش خالص ...
...متقوليش كدة ارجوكى ، مبقاش ليا حد غيرك ، بلاش انتى والنبى ...
... عايزاكى بس تسامحينى ، لو كنت أعرف أن الموضوع ده لسة فى دماغه مكنتش وافقت أن احنا تسافر معاه اصلا ...
..يعنى الموضوع ده حقيقى ...
...لأ يابنتى ، اوعى تشكى فى ابوكى ابدا ، ابوكى احسن الناس ...
...أنا عارفة ومتأكدة ، بس ليه قال كدة كأنه متأكد اوى من اللى حصل ، وفعلا امى كانت بتحب أبوه ...
... ابوكى وامك وأبو حسام كانوا ولاد خالة ...
...أنا عارفة أن أبويا وامى ولاد خالة ، بس أبو حسام معرفش عنه حاجة ...
... أمه ماتت وهو صغير وابوه رباه بعيد عن بقية العيلة ، وابوكى محبش يجيبلك سيرته ، مكانتش سيرة كويسة عشان تتحكى ، أبو حسام أتقدم لأمك قبل ابوكى ورفضوه ، كان بيلعب قمار وسارح ورا الراقصات ، وكل ليلة فى كباريه شكل ، وسيرته كانت على كل لسان ، بعد كدة ابوكى اتقدملها ووافقوا عليه واتجوزوا، طبعا التانى كره ابوكى كره العما ، بالذات لما فضل ابوكى وامك سنين من غير خلفة ، كان فاكر انهم هيطلقوا ، فضل يرمى مشاكل لابوكى فى طريقه لحد ما عرف ، ووقفلوا وعلموا الأدب قدام المدبح كله ، مبقاش قادر يرفع عينه فى أهل المدبح والسوق كله ، أبوه قرر انه يجوزه يمكن الجواز يعدله ...
