يسالفتي كمت اكره حجي القاموس☹
واتهجاج بس انتي😍❤
(مساحه لذكر الله)
(حبايبي بس اطلب منكم طلب -اليوم عيد ميلاد اغلى شخص على قلبي واكثر شخص اثق بي عيد ميلاد اختي اتمنه ترحون تعايدونهه على حسابهه والي ميحب عادي بس اتمنه افرحهه❤وشكرا الكم
Nans1999. )
رفيف💜
اجه اليوم الي تصير بي الگعده ويجي حيدر وعمامه وعمامي ... لبست فستان مخصر من فوگ ومن جوة عريض لون زيتوني ورهمت ويا شال خليت مكياج خفيف لبست اكسسوارات وخواتي وياي وميتين فرح ... سمعنه صوت الباب راح يزن ودخلهم استقبلوهم عمامي دخلوهم للاستقبال وامه جايه كعدنه بالهول امه وامي وام يزن واني ورة شويه كالو راح يجي حيدر يريد يشوف رفيف لان المفروض هوة يجي يشوفني دخل هوة ويزن كعد شويه باوعلي واني اباوعله هاي اللحضه جنت اتمناهه من زمن طويل من جنت فصليه احلم بهاي اللحضه واتمنه ورب العالمين ماينسه احد جمعني بالاحبه ..بعدين رجعو للاستقبال وورة شويه طلعو ... اتفقو ع المهر والعرس يمته حيدر كال نريدة هسه بهاي الايام بس يزن ماقبل كال تاخذ فترة تجهز نفسهه وتشتري الي تريده ويريد عرسه يصير قبل عرسي وافقت ماجان عندي اشكال مدام هوة رجعلي ... اتفقنه الاسبوع الجاي حفله خطوبه بين الاهل وشي بسيط .. احسب ليوم الخطوبه ساعه ساعه شوكت يجي الوكت ميتحرك واگف اريده يمشي حته التقي بمحبوبي ... واخيرااااا اجه اليوم المطلوب البيت مخبوص والبنات متوترات اكثر مني عبالك خطوبتهن موخطوبتي رحنه للصالون الضهر سويت مكياج سموكي وبدله طويله بدون ردان ومن الضهر مفتوحه وتسريحه بسيطه واكسسوارات بسيطات وكعب اوف وايت بس على كلن ممبين لان الفستان طويل خلصنه ب5 اخذنه تكسي ورجعنه للبيت جبنه مصورة اخذتلي صور مرتبه ورة شويه اجو اهل حيدر سلمت عليهم وبت عمه المنحوسه جايه وتباوع بنص عين والبنات فرحانات بس ماكلبناهه رگص وديجي عالي احتراما انو مراد صارله سنه متوفي بس شي بسيط كالو راح يدخل حيدر كامو يهلهلون ويطشون جكليت ويهوسون هوساتنه القديمه وصل ليمي وگفتله صار مقابيلي كمشي ايدي بايدي الاثنين وباس راسي وگعدنه بس بقه كامش ايدي جابت امه الذهب حلقه وكلاده وتراجي الاشياء البسيطه لبسني الحلقه وباس ايدي واني لبسته الحلقه شلت ايده عضيتهه وابتسمتله هوة شاورني ارجعهه ماانساهه كتله اعله مابخيلك اركبه كمل الذهب لبسنيا كعد شويه وراح ويزن وابوي رادو يشوفوني هم دخلو يزن باس راسي وحضني وكلي شايفه الخير وابوي نفس الشي وبعدين طلعو وبقيت اليوم كله فرحانه والدنيه مسايعتني خلصت الحفله وراحت الناس اهلي عزمو حيدر واهله عله العشه يزن كال لحد يسوي عشه وصيت عله كباب شويه ويجيبونه انتو بس حضرو السفرة طبعا اني عفتهم ملتهين ورحت بدلت لبست فستان مريح مخصر وبي فتحه من جوة رتبت شعري ونزلت عفتهم يشتغلون عيني اني عروس مااخرب ايديه😂استحي اكعد يم حيدر وابو وابوي موجودين ويزن كاعد بس جان يحاجي ازل بس انتبه حيدر من نضراته يريد يشوفني
أنت تقرأ
جمعتنا كربلاء
Romanceجـ☆ـ؏ـتنا ڪـربـ୪ء ڪـلمتـان ވمـڪـان... ﴿يـمـڪـن بـهما ڪـتابـة روايـــه﴾ جمعهما اول لقاء في ڪـربـــلـاء...وأول كلمـﮧ فــي ڪــربلـاء...وأول طـفل فـي ڪـربلاء... الروايه باللهجه آلُعٌرآقٌيُہ💚 للكـاتبـ❃ــہ✿⇣ :::-fofo-1657 (( فاطمه راشد)) 🐰❀
