بارت 7 😻
كرار
جنت جاي علمود العشه وسمعت مروه تسولف عن حلمها شكد كبرت بعيني طموحها اكبر منها وطريقة كلامها عبالك وحده عمرها 30سنه مو 17 من طبيت اجت روان حظنتني وجان تكول مو بس انتي شاطرة ترة اخوي هم صيدلاني
جاوبت بخجل وابتسامه موعت گلبي
صدگ... اويلي على الصدگ يااا هاي شبيك شيخ كرار إثگل شوية
اي صدگ واذا تردين مساعده اني حاظر
ابتسمت وهزت راسها بمعنى اي
مروه
كملنه عشه صعدت للغرفه وكعدت اباوع بالنت على اكلات حتى ابلش من باجر اشتغل واسويلهم حتى اكسبهم اكثر باوعت للساعه شفتها ب2 غمضت عيوني ونمت فزيت على صوت المنبه الساعه ب5 صليت ورتبت غرفتي بدلت لبست تراك التيشرت مالته ردن طويله وهو هم طويل اسود ورفعت شعري كعكايه بنص راسي تسريحتي المفضله وشوية كحله خفيفه ومرطب شفايف وعطر هادئوطلعت تقريبا الساعه 7
نزلت للمطبخ فتشت اول شي بكل مكان حتى احفظ وين مخلين الاغراض
انوب بلشت اسوي الجاي نصيت على الطباخ بين مايكمل الريوك هو متخدر سويت صمون وسويت مخلمه وگليت 4 بيضات خليت بيهن بصل ومعجون شويه ونصيت على النار كلش وعفتهن يستون على كيف طبعا همه عدهم يمكن 4 طباخات كبار ومطبخهم جبير وحلو مرتب بي مجمدات 2 وثلاجات 3 واوڤن جبير ومايكروويڤ وعدهم غسالة صحون كبيرة هم يمكن توسع لخمسين ماعون
كملت الريوگ رتبته على السفرة بطريقه حلوة واني جاي احظر نزل الشيخ كرار يشمشم اني خجلت شوية بعدين كلت لازم اتعود عليه
كرار
نزلت واشم ذيج الريحه الي ترد الروح صمون وجاي مهيل وبعد مدري شمسوين وطبيت للمطبخ مانتبهت منو اكو جان اطب واني اشمشم اوووووووف شهالريحه العجيبه هاي فتحت عيوني شفت وحده گبالي لابسه تراك اسود ورافعه شعرها يابه شعرها شلون حلو لا والعيون المكحله لو الجسم شلون مرتب وناعم اخرب اني تالي انتبهت على نفسي انو اني صافن بوجهه احم احم
گلتلها هاي انتي مسويه الريوگ
هزت راسها
فتحت عيوني.. معقوله
گالت والله شبيك يلا تعال اكعد علما تجي عمه والبنات اخ يمه كالت عمه وشلون صوت يموع حسيت اريد احظنها بس ضربت نفسي راشدي گلت شبيك تخبلت ياشيخ اعقل شنو هاي رجعت مراهق وانت عمرك 35 سنه
اجت امي وكعدن البنات على الريحه
كالت روان : يمه يمه شهالريحه الحلوة اووووف اويلي
نهى : ريحه عجيبه
ام كرار : بنيتي مروه هاي انتي مسويته
مروه : اي عمه اني ان شاء الله يعجبكم
يلا كعدو اكلو
كعدنه ناكل اشو هذا كلساع يباوع عليه اني خجلت حتى ضليت مااعرف اكل شربت الجاي حار احتركت وصحت اخ
طفر كرار : ها خير شبيج
مروه : هاا لا ماكو شي الجاي حار هسه اكوم اشرب ماي بارد
وشردت للمطبخ بقيت بي علما حسيتهم خلصو وطلعت شفته يبوس راس امه وكلها محتاجه شي يمه
كلتله لايمه سلامتك بس مو تتأخر العصر تعال وكت علمود الشيخ يعقدلكم
كال حاضر يمه هابنات تردن شي
جان تكول روان اي اني اريد
كللها خير ان شاء الله طلباتج تخوف
عوجت وجهه كلتله اريد تنقل مروه وياي بالمدرسه ونروح نشتري قرطاسيه وكم شغله هم
گللها تمام ان شاء الله اسبوع وتداوم يمج
اني حيل فرحت بداخلي راح اكمل دراستي
وجان يباوع عليه گلي محتاجه شي گلتله سلامتك
وطلع يلا مع السلامه
الكل مع السلامه
حسيت بشعور غريب تجاهه ماعرف شنو
المهم صعدت لغرفتي باوعت للساعه ب9 وماعندي شي اسوي عدهم خدم يسوون غده ويغسلون وينظفون تمددت ع الجربايه افكر شلون راح تصير حياتي وغفيت....
&
&
&
#عشكت_فصيلتي ❤
