#ضحيه_ام_جلاد
ام احمد
الجزء الثاني
البارت الحادي عشر
الحقد والكره يخلي انسان اكبر وحش ويفترس الي گدامه بكل سهوله ولايفكر بالعواقب مهم يحصل عل انتقامه ويرضي نفسه المريضه…… .
ظالم من يظلم يجر عل صاحبه ويلات عظيمه ويتجرع صاحبها كوؤس من جنس عمله
كعدت وجان الكل عل راسي ملتم الا هو ماكو جنت اتنمى اشوفه هو مهتم ضلت عيوني تدور عليه
- الحمدلله عل سلامتج ابنيتي
-لاتخافي يمه مابيه شي من جثر ضغط عليه اتوترت وطحت
-اشربي شويه مي بللي ريكج
-يمه صار شكد من فاتتج العادة
- ماادري
- اخ يمه معقوله حامل واشوف بزر ابني يوم عيد وج زينب دزي عل حكيمه تجي تشوفها
-يمه مابيه شي كمت عل حيلي لادزين عل حكيمة
-لاتتحركين ليروح موزين عل طفل
-يمه من يكول اني حامل
-گلبي يكلي انت حامل
-فدوه يمه لاتكولين ال غزوان خاف يضربني
-يضربج ليش مرته وحامل
- لايمه مايقبل خلي تكبر بطني وهو يعرف هسه اذا عرف راح يخليني اذبه
-شنو يخليج ذبيه انت مرته وحبلتي
-فدوه يمه لاتگليله
- الله يهديج يا بنتي فكري بالي جاي تكوليه
ظليت خايفه اعرف بيه مراح يقبل وراح يسيئ معاملتي بالزايد واكيد يتعمد يضربني حتى يوكع الطفل احسن خليه سر عنه الى ان تكبر بطني واگله وصيت الكل محد تجيب اله طاري للشيخ وان هو راح يحس من بطني تبين
***********************************
(بيت شيخ عطوان)
بعد حادثه غرق امير ومساعدة عزوان اله ضليت بحيره هو لو يريد ياذيهم مجان نقذه لاامير وعافه يغرگ ليش نقذه معقوله غزوان تغير وصار غير انسان لو هاي فلم من افلامه تفكير قتلني
واني افكر بالي صار وشنو تحليله ملكيت اي تفسير اله بس احس ان غزوان اله غايه من هل شي بس شنو هيه مااعرف شنو هيه &علاقتي جانت بتوتر دائم ويه اخوي خالد من يوم الي ضربني بيه واحنه مانلتم بمكان واحد وهو ضل يدز عليه امي حته اقتنع بحجيه بس اني اعرف علمود مصالحها ويه غزوان وميريد تخرب العلاقه الي بينهم اعررف بنوع التجارة الي بينهم وشلون يكسبون منها كومه فلوس كلها عل حساب ناس بسطاء بس مااكدر احجي ولااكدر اعترض خليها للوكت هو يوكعهم بشر اعمالهم مهم عندي هو هسه مااخلي ولدي يصيرون مثلهم لاذمه ولاضمير
************************************
(بيت شيخ ابو فلاح )
-وشمالج تسودنتي ياحرمه
-هاي جزاتي هيج توگف كدام ناس وتگول اني راس مشاكل واني سبب بزواجه لا وان مايمل عيني الا تراب هيج بت اخوك تهيني كدام ناس وبنص العزا
-سدي حلكج سديه وكافي تولوين همج عل ذهب الي انطته امي الها
-ذهب من حقي ومن حق بناتي مو هاي بنت عجميه تجي عل حاضر وتلفلفه وتاخذه اله
-خايبه انلصمي دهر صابج اذا ما سديتي حلكج اطگج بالعگال
راح الشيخ وعاف مرته دمدم بكلماتها اني الج ناز اصطبري عليه والله لااخلي غزوان يذبحج وكولي مرت عمي مكالت
************************************
(غزوان) بعد يوم طويل من شغل تعبت حيل شغلنا يحتاج رجال ميتة گلوبها ناس ماعدهم رحمه وخطر لازم تصير قوي واله تنداس وغيرك هو يتولى امور استغلينا ظروف الي يمر بيها البلد وفلتان امني حدود مفتوحه وكلمن واله صارت اشرف وعباس صاروا اصاحب املاك وشيخ خالد دخلته وياي وخليته جوا ابطي حتى مايعارض ويحجي من اريد سماح جنت اخطط ان اركب براسه مصيبه واستغل غبائه بس هو خنوع الي وبصفي وشااكول اله يگلي شبيك لبيك لهذا ماحاجه ان اذيه واول تالي اخته تصير الي بس يحتاج الها وكت مو اكثر رجعت عل بيت تعبان هلكان سبحت ونمت بلا مااسوي مشكله لناز لان جانت ممحضره الي هدومي هاي اول مرا بس اني تعبان غلست حته عل خماره مارحت
الصبح كل كاعد ونشيط بس اني بعدني مكسر اسمع اصواتهم وضحكهم اكبر فرحه الي هيه امي واختي احس وياهم بدفء العائله طلعت علمود اكل لكمه اليوم ماعندي شغل ولامشغله يمكن اطلع للصيد دخلت للمطبخ كلهم موجودين اله ناز ماكو
-وينها الخانم ليهسه مطموره
-شجرالك وليدي يمه من صبح تدعي عل ابنيه
-يمه بارحه ممحضره الي هدومي واليوم وينها غير تسوي الي زقنبوت شنو جايبيها اكل ونوم هيه اهنا لخدمتي
-عل كيفك يمه هسه اصيحه الك بس لاتصيح واذا عل لكمتك اني موجوده وام عباس موجوده ليش تعب ابنيه
-لاتكفرين يمه لاتخليني من صبح انزلهم كلهم روحوا كعدوها من نوم
-يمه زوبا ركضي ابنيتي كعديها
-صار يمه
جنت كاعده واسمع صياحه وعياطه بس روحي سايحه ودايخه اجت زينب وهيه ترجف اعرفها تخاف من اخوها من يعصب وصراحه هو من يعصب الكل تتطافر محد يبقه گدامه لان يصير وحش مو انسان كمت عل حيلي دخت كعدت عل جربايه مرا لخ خفت لااطيح ابتسمت لزنوبا وگتلها لاتخافين هسه يهدأ كوه نزلت الدرج الى ان وصلت للمطبخ جان بس هو كاعد عل ميز يدخن جكاره (مطبخهم جبير وبااصل هو مطبخ بارد يعني طبخ ميصير بيه بس مال كعده وطبخ يصير بمطبخ ليجوه بعد هم اكبر من هذا وبيه عدت طباخات للعزايم وللاعراس وللفواتح) من حس بيه عاط بيه
بيت عمج شفيه يخلوج ليهسه نايمه مو
-صباح الخير اسفه جنت اتصور متكعد للظهر
صباحج اسود ومصخم مثل خلقتج بهل هوسه مرت ابوه طلعت هيه وبناتها اثنين وظلت فليحه تحاول تهدي بيه بس ميفيد عبالك كاتله ابوه وجاي ينتقم مني ظل يغلط ويفشر واني ساكته كامشه كرسي لااطيح دوخه ماخذتني ومن شميت ريحة جكاره معدتي گلبت حطيت اله اكل وسويت جاي
- اگلج شو انت ولا يمج بنت اكابر احجي وهيه ولا يمها يمكن نسيتي روحج
- لامنسيت روحي اعرف روحي خدامه الك بس قابل ارد عليك الفشار
- هيه هاي عايزه دطلعين لسانج عليه
-انت تريد اسكت لو احجي
-لج انت ثوله كملي اكل وجيبيه عاد
- تامر (اول مگليت البيض حسيت راح اذب من راسي عفت ورحت ركض للحمام
(غزوان ) من دخلت وناشفتها اذكرت بارحه جانت ممحضره هدومي وهسه ولايمها ونابمه صعد خبال الراسي وظليت اعيط واشتم بيها من دخلت للمطبخ جانت مو عل بعضها ومحاولت تهدييني ظلت ساكته انثاريت بالزايد وظليت اوجه الها اهانات وهيه متعرف تسكت لو تحجي وشويه جان تعوف اكل وراحت ركض عل حمام وامي راحت وراها اني ضليت متفاجاة هاي شبيها
-ها ناز عيني شبيج افتحي باب خلي ادخل
-يمه مابيه شويه ذبيت من راسي فدوه يمه كملي اكل لغزوان لان مااكدر اشم ريحة البيض واذا سالج عليه گولي الها مستبرده فدوه لاتكولين اله حامل خاف يصير عصبي بالزايد ويضربني
-اي يمه لاتخافين مااگول الها هسه اررح اكمل اله اكل
راحت فليحه واني ضليت كاعده بالحمام مالي خلگ اكوم عل حيلي
(غزوان) هاي شبيها يمه شو ركضت للحمام
- مستبرده يمه خطيه عل كيفك وياها ترا كله عمرها 16 سنه وانت نازل عليها مثل صاروخ وعل اكل اني اكمله الك
-هاي مشكلتها ومشكلة عمها ناقص الي علمود يسكتني گام انطاها هديه اذا تلوم احد تروح عل عمها مو تجي عليه مو زين مني سكتت الهم من عرفت هيه مو بت جبر والله لوما عمي خلف جان طربكت الدنيا عل راسهم ورجعتها الهم وركبهم العار
-يمه وليدي انت انظلمت وجربت الظلم شنو طعمه ليش هيجي تظلمها لبت ناس تر والله دره مال الله وفقيرة وتريد خاطرك
- يمه اسكتي ترا هسه اروح اسحلها سحل لا تكفريني
- خلص يمه سكتت مااحجي بعد
اكلت وطلعت ويه اشرف نتعلل ونصيد ونفه عن نفسنا من شغل شويه
***************************&&&********************
(بيت شيخ ابو فلاح)
وج وصال وينج
ها يمه شتريدين
لج تعالي سيري عل خالتج وكولي الها اريدج بشغله مهمه
صار يمه هساع اروحن
وخلال ربع ساعه اجت ام حوراء عل اختها ام فلاح
-هاخيه خيرج شكو مصربعه عليه طارت الدنيا خوما طارت
-اريدج بخدمه يابت ابويه وامي
-چا بس اشري واني انفذ
-ذني رسايل تحطيهن كدام غزوان اريده يقراها
-ليش وشنو ذني
-ماعليج انتِ مهم تخليهن بغرفته بالكنتور مالته(شهگة ام حوراء )
-تريدين مني ادخل لغرفته وافتح كنتوره لج خايبه هذا مو فهد لوشيخ لج خايبه هذا غزوان اذا كشفني الله بسماه مايخلصني منه
-لج خابيه دهر صابج شمالج كمتي تأأتين ورعصتي كتلج گتليه خايبه دزي بنتج تحشگهم ويه ملابسه وهاهيه
-شوفي انت اختي وفضالج عليه ماانساها انت وعمي الشيخ بس اني اخافن والحمزه اذا لگفني يسويني وصلتين ويذب بناتي للجلاب لج خايبه هذا فهد موته من تعذيب تريدين اني مرت ابوه يرحمني
- اوف منج شكد جبانه هاج خليهم بالزخمه مالج وثاني يوم من يفرغ البيت او ثالث يوم حطيهم ومحد يعرف جنس ادم ماتكولين اله
-ادري هاي نهايتي ونهاية بناتي عل ايديج بس شوفي بت امي وابويه اني مااوكع وحدي اجرج وياي
- انت اذا صرتي حويطه ماتوكعين فتحي عينج زين
-صار بس شنو بيهن مكاتيب ذني
- شلج دخل انت سوي الي كتلج عليه وباقيه راح غزوان يكمله
طلعت ام حوراء من بيت الشيخ ابو فلاح وباايدها مكاتيب
صبري عليه ناز خانم واشوفج اني منو وشلون راح طلعين نفسج من هاي ورطه والله ليگتلج غزوان هههههههه ومايرف اله طرف
***********************************
(غزوان) رجعت للبيت وهم شفت ناز ممحضر الي ملابس بديت استغرب من اهمالها الي وقت كله هيه مريضه وكلما اسال امي تكلي يوم استبراد ويوم افلاونزه وصار اسبوع انا ماشفتها حتى ليش هل اهمال الي صار الي من جانبها صح اني احب سماح بس اهتمام ناز بيه جان يعجبني من اصير عصبي تعرف شلون تحتويني وتخليني اهدء هدوئها عجيب وانا بقمه غضبي وعنجهيتي تخليني اهدء واصير مثل طفل رحت فتحت كنتور واطلع الي هدوم واني اسحب بهدومي وكعت مكاتيب اخذته بين ايديه كلها رسايل داخل ظروف وريحتها تخبل رحت كعدت عل جربايه وفتحت اول رساله
حبيبتي ناز اخبارج بالي يمج صدك راح تزوجين حبي الج مينوصف معقوله نفترق اني وياج…………
رساله ثانيه
ناز حبيبتي حتى لو ازوجتي راح اظل احبج واتمنه ماتنسيني وراح اظل مخلص الج العمر كله
رساله ثالثه
حبيبتي ناز ليش مااجيتي عل موعد ليوم والله اشتاقيت الج هوايه. احبج موووووت………
حسيت الدنيا كامت تفتر بيه ودم صعد ليراسي وبديت مااشوف بعيوني جانت ساعه 2 باليل مكدرت اسكت ولااجلها للصبح والله لااشرب من دمج يا بت كلب شمرت رسايل وصعدت درج
بخطوتين وكبل عل غرفتها شفتها نايمه بصف زينب اختي معقوله هل وجه البريئ يخدعني عطت بيها فزت هيه واختي جريتها من كفشتها وسحلتها سحل من راسها ليجوه واني افشر عليها بكل فشار الي اتعلمته ودخلتها الغرفه وهيه بين الخوف والصدمه وگعت بالگاع وترجف رحت عل كومدي وجبت السلاح ووووو
ام احمد
