للمساء حكايه
تخبرنا ان الأماني مهما تأجلت ..
سيأتي فجرها للتشرق ..
فأستبشروا وتفألو ..
مساءكم تفأل وامل وسعادة
مساء الورد .
🍁🍃🍁🍃🍁🍃🍁🍃🍁🍃🍁🍃🍁🍃🍁
كاعدة بالغرفه وانضف الكنتور ، اندكت الباب
كلت تفضل ...
دخل ابويه وكعد ع الجربايه ؛ اجيت كعدت يمه
كتله هلا بويه محتاج شي
الأب : لا بابا مامحتاج شي ، بس عندي موضوع اريد اخذ رئيج بي ..
اني عرفت ابويه على شنو جاي وعرفت شيريد
تفضل بويه كول الموضوع ، وانطيك رئي
الأب : بابا تدرين ابن عمج ناصر اجى ايريد ايخطبج
وامج كالتج بالموضوع وانتي رفضتي
ممكن اعرب السبب
ميرا : بويه تدري بيه اني احب دراستي واريد اكمل
واني بعدني صغيرة ع الزواج
الأب : اي انتي عمرج ١٧ يعني هسه بس خطوبه
وسنه التجي الزواج ، وكتها يصير عمرج ١٨ يعني جبيرة
ميرا : لا بويه مو جبيرة واني مااريد اتزوج عفيه بويه اريد اكمل دراسه
الأب : بويه الدنيا حياة وموت واني مادايملج ، ع الأقل اضمن عيشتج
وابن عمج خوش ولد ومينرفض ومكمل دراسه
بعد شتريدين ...
ميرا : بويه مااريد اتزوج
الأب : كولي الولد معاجبج ! شكله مامقبول ، انطيني سبب مقنع حتى ارفضه ...
ميرا : لا بويه مو مسائلت شكله ؛ بس اني مااريد
الأب : راح انطيج مهله يومين فكري زين وانطيني الخبر ...
طلع ابويه من الغرفه ؛ جريت حسرة اوف شلون ورطه
هسه عاف الكل ركض عليه ؛ روح اخطب من بنات عمك او بنات عمتك
خلصت العطله وبدينا دوام وراح استلم النتيجه
المهم مرتاحه كلش ؛ لان ابويه سمع مني وافق على رفضي
وخبر بيت عمي ؛ كاللهم البنيه بعده صغيرة ماازوجها
الا تخلص العداديه ؛ اذا تريدون انتضروا من تخلص الأعداديه
وعمي ثقل ويه ابويه لان رفضنا ؛ ومرت عمي وين متكعد تحجي علينا ؛ واتصيح ابني الف وحدة تتمنا ومن هذا الحجي ؛ ارسي صدع ومليت نفس الحجي
دخلت للبيت فرحانه اليوم استلمت النتيجه ؛ ودرجاتي الحمد لله عاليه
احلام ناجحه ودرجاتها زفت خمسينات وبالدفعه يالله نجحت (اليوم اتحصل ارزاله ناشفه من ابويه وامي )
طلعت النتيجه وانطيتها لأمي اتشوفها فرحت وكامت اتصلي على النبي
وشافت نتيجه احلام ماقصرت بالرزاله وكالت انتضري ابوج يجي وشوفي شراح يسوي بيج
يمه اليوم البيت متكهرب ...
دخل احمد وجه ميبشر خير ؛ امي كلتله طلع النتيجه
كال راح ابدل واجي
صاحت امي بي ؛ طلع النتيجه وجه صار احمر من الخوف
الأفندي واكع بدرس ؛ ويكول اني اعرف بس المعلمه رسبتني ، شلون عذر عباله امي تسكتله ...
والبيت انقلب اصياح ورزايلي على احمد واحلام
واجى ابويه كمل السبحه ويه امي
صعدت بدلت ونمت ؛ حتى مااتغديت
كعدت العصر البيت هدوء نزلت للمطبخ اكلت وكملت
رحت يم احلام
احلام امي وين
احلام : نايمه ضغطها صاعد
ميرا : وابويه
احلام : بالشغل
ميرا : اها
احلام : اييي قابل اجذب عليج
ميرا : على كيفج شكلت ؛ اصعد الغرفتي احسن
صعدت حضرت الجدول وراجعت الدروس ؛ كملت مااعندي شي
كلبت بالتلفزيون ، لكيت فلم هندي حلو
كعدت اباوعها جان فلم مؤثر كلش ؛ حتى بجيت ويا
البطله تموت ويبقى ابنها عمرة اشهر يم ابوه
وابوه ايحب ايساعد الناس ويشتغل عامل
والأنقاض وكع عليه و مات
وبقى الأبن وحدة ؛ ودوا الدار الأيتام ...
خطيه كسر قلبي الطفل
كلت خلي اراسل البنات ؛ احنا امسوين اكروب بي بنات عمي وبنات عمتي ولد عمي
مو دائما ادخل بالدردشه ؛ بس بوقت فراغي
سلمت وضلينا نسولف وجانت نجمه سولف على تحضير خطوبتها مابقى شي للزواج ...
مرت الأيام واني ملتهيه بدراستي قليل نطلع
وابويه شدد على احلام واحمد
ومنع التلفزيون واللعب ...
بدت امتحانات نهايه الكورس الثاني ؛ تمرضت وقللت من الدراسه ؛ لان راسي يوجعني
ومالي خلك ...
رحت للمدرسه وكعدنا انسولف اني وسها
سها : شلونج حضرتي للأمتحان
ميرا : قريت بس مو كلش ؛ مريضه ومالي خلك
سها : اني ماقريت ؛ البارحه اجوا بيت خالتي
وخطبوني لابن خالتي
ميرا : وافقتي
سها : اي
ميرا : عزة بعينج ولج بعدج صغيرة يا زواج
سها : يمعودة اخلص من المدرسه ؛ من اخلص الأمتحانات ايخطبوني رسمي
ميرا : مخبله انتي
سها : لا مو مخبله احسن احسن منج رفضتي ابن عمج مخلص دراسه ودائما ايسافر
ميرا : اسكتي يمعودة لذكريني بالموضوع
سها : كومي اجت المدرسه راح نمتحن
ميرا : هسه على اساس امتحنتي ولا مااماحنتي هو نفس شي انتي مقاريه اكيد راسبه
ضحكت سها : دكومي لو اركعج بالبطل على راسج
ميرا : دفعتها ومشيت
هيه هم دفعتني ؛ وضلينا نضحك
اشوف المدرسه وجيها يخوزر عبالك بزونه يمه تخوف على سريع مشينا وطبينا للصف ....
......................................................................
دمتم بخير ..
في امان الله .
أنت تقرأ
خطفني فَأحبني
Fantasyقصة فتاة كانت حياتها سعيدة بين احضان اهلها فجأة تتغير حياتها الى ظلام بسبب شاب يهوى الانتقام لثأر والدة ، وتقع الفتاة هي الضحيه وتدفع الثمن ، وقد يشاء القدر ان يَحول قلب الشاب من كرة الى حب تجاه الفتاه ، لنرى هل يفوز الشاب بكسب قلبها ام يخسر ؟
