الحلقه الثامنه
معشوقتى المجنونه
للكاتبه بوسي
نايا بصدمه / انت عرفت
كرم / اه ممكن بقى تتكلمى
نايا / كرم في ناس جنبى اهدى بس و هفهمك بعدين
كرم / اوك يا نايا انا هستنى لحد بكره لما اشوف اخرتها معاكى ايه
نايا / اخرتى طريق مليان فل و ياسمين و نرجس استنى كده ايه ضااااه و ياقوت كمان
كرم / لا وحياتك مليان كفوف نفسها تنزل ع قفيان
نايا / احم احم شكلك عنيف دلوقتى اسيبك تستجم و ترتاح
&&&&&&&&&&&&
الصبح في القوات الخاصه
الفرقه كلها صحيت
وفادي كان لسه متضايق
نايا / عامل ايه دلوقتى
فادي / هو يخصك حالى بجد
نايا / فادي ليه بتقول كده
فادي بصلها و لبس البياده و طلع
نايا طلعت وراه وقفته / فادي انا اسفه ان كنت ضايقتك
فادي / انتى كنتى صح كل واحد يخليه في حاله
نايا / طيب ممكن تكلم دانيه دي هتتجنن عليك
فادي بصلها / غريبه اووى انتى امبارح تقوليلى خليك في حالك و انهارده داخله انتى في حالى سبحان الله
نايا / خلاص بقى مايبقاش قلبك اسود
فادي / انا ؟ انا قلبي اسود عشان كنت همووت من الخوف و القلق عليكى . انا اول ما اتمسكت ما فكرتش في نفسى فكرت فيكى حصل معاكى ايه و كنت بموت اكتر انهم يعرفو انك بنت و الله اعلم كان حصل ايه
نايا / و جت سليمه اهي اهدى بقى Black
فادي مسكها من رقبتها و ميلها بهزار / ماشى يا رزله كنت هتجنن عليكى
نايا / احم كده هشك فيك انك بتحبنى انا
فادي زقها / اتنيلى بشكلك ده انتى اخرك تتباسى و تتحطى جنب الحيطه ههه
نايا / اتباس و اتحط كمان جنب الحيط و الله ما انا سيباك و طلعت تجرى وراه
مهيمن / الكل يجمع ... صباح الخير يا وحووووش
الكل بضيق / صباح الخير
مهيمن / طبعا اللى حصل امبارح انا ماليش دخل فيه اللوا يحي هو اللى صمم يختبركم و نوع من انواع التمرين يشوف هتتصرفو ازاي و هو اللى هيفهمكم اكتر
اللوا / لما مهيمن قالكم وحووش فعلا انتم كنتم زي الوحوش و اكتر كمان بجد انتو شباب يفرح . اقولكم بقى امبارح ده كان اختبار زي اختبار المدرسه بعد كل وحده كنت لازم اعرف مين ذاكر مين فهم مين حفظ مين مكنش معانا اصلا و لازم يطلع بره
زي مثلا نضال عجبنى جدا ذكائه لما عرف ان الزوديك مخروم و الدنيا تلج هيموته من السقعه لو نزل البحر كده فا قطع الزديك ولفه ع زميله اللى هو اصلا مش بيطيقه بس استغربت هو ليه ملفش نفسه و بعد كده عجبنى عمرو لما واجه المافيا و فضل يضرب ميئسش مع ان نضال ساعتها كان بيرقص في العربيه و سابه واستغربت اكتر
عمرو / اه صحيح يا ابن الوارمه كنت سايبنى اضرب و بترقص كيكي
نايا / يا نهار اسوح احنا كنا متراقبين .. ايه ياباشا حضرتك بتهدى النفوس و حضرتك عرفت ازاي كل ده
اللوا / عشان كنا بنصوركم
الكل تنح
اللوا / ايه ممكن اكمل كلامى
الكل / اتفضل
نايا بتكلم نفسها / صح ربنا مابيعملش حاجه وحشه ما انا لو كنت رحت مع فادي كانو عرفو ان انا بنت و ان فادي عارف احمدك يا رب
اللوا / لما استغربت ان نضال بيرقص لاقيته مره واحده نزل و ضرب واحد و ضربه المسدس بس مع انشغاله مااخدش باله انه ماتصبش فعلا و مافيش دم و جري و لما اتقالهم استسلمو و كان هيضرب عليهم نار نضال بص وراه و شاف الراجل اللى ضربه واقف و بيهزر فهم كل حاجه بسرعه بحييك يا نضال انت و عمرو مع ان عمرو اتشاهد و استسلم
اما تامر اللى صدمنى جدا اول ما اتمسك قال كل حاجه و كمان مش بس كده طلبو منه يبقى جاسوس و فعلا وافق و امر بقتل صاحبه اللى معاه عشان مايفتنش عليه و بالفعل عملو نفسهم قتلوه و هو بكل برود راجع و عامل نفسه مايعرفش صاحبه حصله ايه و قال ان صاحبه اتقبض عليه و هو هرب
الكل تنح و بص ل تامر
تامر كان نفسه الارض تنشق و تبلعه
اللوا / انت متحول محاكمه عسكريه يا تامر اتفضل قوم من هنا
واتنين اخدو تامر و مشيو
اللوا / و اكتر واحد اتعذب و فضل ثابت هو فادي عشان كده كنا مقدرين اللى كان فيه امبارح و فضل يحكى ع كل واحد شويه ربنا معاكم يا اولاد
فادي / سيادة اللوا انا بعتذر لحضرتك بس بعد اللى سمعته من حضرتك و ان حد طلع خاين و جبان كان عند حضرتك حق تعمل كده احنا نموت من العدو افضل من واحد صاحبى يسلمنى تسليم اهالى
الكل صقف و فضلو يهزرو
اللوا / و مكافأتى ليكم اجازه يومين
نايا / بس
اللوا / بلاش خالص
نايا / قلبك ابيض
الكل صفر و شالو اللوا و كانو فرحانين
(كلهم ركبو الطياره و بعد ما نزلو الشارع )
عمرو بص ل نايا / مع سلامه يا اجدع صاحب مش عايزك تزعل منى
نايا / و انت كمان ما تزعلش منى بس و الله كنت تستاهل اللى كنت بعمله فيك
عمرو ماسك هدوم نايا / يلا هضربك
نايا زقته برجلها / يالا روح العب بعيد يا عسول
فادي وقف في النص ما بنهم / بااااس فيه ايه ما كنتو حلوين يالا يا عمرو مع السلامه يالا يا نضال غور انت كمان
نايا / ههههه سلام يا موكا
عمرو / سلام يا ميدو
فادي / لا انتو متخلفين فعلا شويه تتخانقو و شويه موكا و ميدو ، هغور من وشكم انا احسن
نايا جريت وراه / استنى هنا ماشى معاك
و فجأه فادي لقى حد دخل جوه حضنه
نايا / انتى يا بلوه هتفضحينى راعى شعورى الناس هتاكل وشى عشان انا اخوكى
فادي لسه مش مصدق نفسه بس حضنها جامد
دانيه بدموع / كده متطمنيش عليك
فادي بحب / معلش بس والله كنت تعبان و مش قادر حتى اتكلم
نايا / انا غلطانه اي قولتلك ان احنا نزلين احازه ، لا كفايه اووى كده وبعدتهم عن بعض
فادي مسك ايد دانيه / تعالو نروح نفطر
نايا / لا روحو انتو انا هخلع
فادي بصوت واطى / حد عزمك اصلا
نايا / اها هي بقت كده اووك يا فودي مش فياقلك
فادي / هششش امشى يالا
دانيه بكسوف / هتروحى فين
نايا بتبص ل فادي بغيظ / هروح ل كرم ده مستحلفلى اصلا
فادي / يالا مع السلامه و ياريت ماشفش وشك تانى
نايا ضربته ع وشه / الله يسلمك يا لذيذ و طلعت تجرى
فادي / اقسم بالله هولع فيكى بس اشوف وشك و بص ل دانيه انتى ازاي معاشره البت دي. دي هزارها كله هزار بوابين
دانيه / دي نايا لذيذه خالص بس هي اللى بتحبه بتكون اوفر معاه بزياده زي ما مامتى بتقول عليها مصيبه هيهيهي
اول ما ضحكت برق ليها
بعد الضحكه اتكسفت و بصت في الارض و فضلت تفرك في ايدها و مكسوفه جدا من نفسها ومش عارفه هي ازاى ضحكت كده و لا ازاي حضنته
فادي مرضيش يعلق ع الضحكه و اكتفي ب البصه / ايه يا قلبي هنتكسف كتير كده
دانيه وشها احمر اكتر /
فادي / هو احنا فينا من حمران الخدود كمان و وقف تاكسى فتح ليها الباب و ركبت و ركب جنبها
&&&&&&&&&&&&&&&&
كرم اتصل ب مهيمن / كابتن مهيمن بعد اذنك انا كنت اتفقت مع مريم انى اقابلها انهارده
مهيمن بخبث / اه مش عشان العلاج
كرم بكسوف / لا مش بالظبط اووى بس اكيد هيكون من ضمن العلاج
مهيمن / ههههه طيب ع العموم موافق بس تخلى بالك منها
عند كرم بيلم حاجته قام وقف باب العياده اتفت
كرم / دي في عينى هعدي عليها
نايا / رايح فين يا دوك و ايه الشياكه دي كلها يا واد
مهيمن قلبه دق جامد / دي نايا
كرم شاور ل نايا تسكت / اه
مهيمن / سلملى عليها
كرم / الله يسلمك
نايا / انت يلا مش بكلمك .. تبقى تكلمنى و تبصلى كده زي ما بكلمك
مهيمن باستغراب و يكلم نفسه طريقة كلامها زي اخوها نضال
كرم / هششش اسكتى شويه بتكلم في الفون
مهيمن / خلاص اسيبك و هستناك في البيت سلام
كرم باستغراب مش ده لسه ماشى و قال مافيش وقت ينزل اجازه / سلام
نايا / كنت بتكلم مين بقى بقى بقى
كرم / انتى مالك و ايه اللى عاملاه في نفسك ده انتى بتستهبلى يا نايا تروحى قوات خاصه
نايا باستفزاز و تغير الموضوع / متغيريش الموضوع (و تقلب الموضوع ضحك و هزار و تهز راسها ) شكلك كده و انت مز رايح تقابل مزه
كرم بسرحان / اجمد موزه شوفتها في حياتى
نايا / اوووبااااا الدوك وقع و محدش سمى عليه ايوه بقى اسمها فصلها كل حاجه قر بسرعه
كرم / اخت مهيمن
نايا بصدمه / ايه مين ليه
كرم / انتى اكيد هبله انا ماشى وسعى من طريقى و مشى
نايا / نهارك اسوح ملقتش غير اخت مهيمن شكلى كده هتمووووتى يا نونه
&&&&&&&&&&&&&&
مهيمن اول ما فتح باب الشقه لقى مريم واقفه في الشباك ..ضحك مهيمن و فرح و اتعمد يقفل الباب جامد ومريم و لا اتخضت
مريم تبص وراها / ابيه انت جيت و جريت عليه حضنته و بصتله ابيه انت المفروض اجازتك لسه بدرى
مهيمن ضمها و فرح لما شاف ضحكتها و انها مش خايفه و كمان واقفه في الشباك اللى بتموت منه / اه انا جيت جاتلى اجازه من عند ربنا عشان اشوف اجمل ضحكه من اجمل بنوته بس قوليلى القمر متشيك ورايح فين
مريم بجرأه/ صاحبك قالى امبارح انه هيعزمنى ع الفطار و لسه مجاش
مهيمن / هههههه ايه الصراحه دي و قدامى كده عادي
مريم اتكسفت
مهيمن / ع العموم هو كلمنى و جي في الطريق بس انا وافقت تنزلى معاه عشان هو طلبك منى
مريم فرحت اووى / بجد يا ابيه مهيمن
مهيمن ضمها / بجد يا قلبي
حنان / حبيبي حمدلله ع السلامه .. ايه مش ناوى تفرحنى بيك انت كمان
مهيمن ساب اخته وراح ناحية الشباك و افتكر نايا / صعب والله صعب عليا اووى يا امى صعب اتجوز تانى (و بصوت واطى ) مع انى حبيتها بس ما ينفعش اظلم واحده تانى معايا و المره دي لو حصل اي حاجه هتبقى اصعب عليه
حنان / حبيبي انت لازم تعرف اللى بيحصل ل اي حد ده نصيبه و لازم يصيبه
مهيمن / والله بتعب اووى كل ما افتكر اللى حصل ل اختى او ل سومه كان بسببي
حنان بحزن و تطبطب ع كتفه / ربنا يريح قلبك يابنى و تنسي بقى
الباب خبط
مهيمن يمسح وشه / ده اكيد دكتور كرم
مريم فرحت اووى و جريت ع المرايه بتظبط نفسها
مهيمن فتح / اهلا يا دكتور اتفضل
كرم / معلش هي مريم جاهزه
مهيمن بص ل مريم
مريم بفرحه / اه انا جاهزه
حنان / ايه مش هتسلم عليه
كرم دخل / ازيك يا ست الكل
حنان / الحمد لله شكلك بكاش
كرم ب إبتسامه / والله ابدا عامله ايه
حنان / انا الحمدلله و ميلت عليه تبقى تعالج مهيمن كمان معاك
مهيمن يمسح شعره / ماشى يا امى هعديها
حنان / نفسى اعرف بتسمع ازاي الصوت الواطى
مهيمن / ههههه نعمه من عند ربنا
كرم بص ل مريم لقى وشها منور و فستانها بيطير / يالا يا فراشتى
مريم هزت راسها بالموافقه و الفرحه في وشها سبقاها
كرم / عن اذنكم
مهيمن / اتفضل
نزل كرم و مريم و فتح ليها باب العربيه / اتفضلى
مريم كانت مكسوفه و فرحانه في نفس الوقت / ميرسي
&&&&&&&&&&&&&&
عند ويزو
نضال اول ما شافها جايه / ايه المواعيد البايظه دي ينفع كده تأخريني ع اشغالي
ويزو / اشغال ايه يا ابو اشغال
نضال / يعني فيما بعد هيبقى عندى
ويزو / فيما بعد و خايف تتأخر عليها من دلوقتي ، شكلك كده هتجنني
نضال / امال عايزاهم ياخدو فكره عني اني مش بتاع شغل ، امشي بس انتي ايش فهمك في الشغل
ويزو / لا ده انا هتجنن فعلا، المهم عايز تشتغل ايه
نضال / بصى انا مش هتنك ، اي شغلانة اكل منها عيش بس اهم حاجه يكون عندي مكتب و تكييف و سكرتيره (ويزو بتبصله) و اول ما ازهق اكلم مدير اعمالي اقوله الغي كل المواعيد و احجزلي اول طياره ع باريس
ويزو / لا والله ما تقعد في بيتكم احسن و اجبلك الفلبينية تعملك مساج و اليبانيه تعملك سونا و واحده تأكلك و واحده تشربك
نضال / لا و مين يصرف عليه لازم اكل من عرق جبيني
ويزو / طيب اسكت ل اضربك اخلص هنروح فين و هتشتغل ايه
نضال / ايه يا حاجه براحه عليه بتهبي شبه البابور ليه
ويزو / انا بابور
نضال / زعلك البابور اوووي ، ده انتي شبه طشت الملوخيه
ويزو / طيب انزل ل اخرطك
نضال / هنروح فين
ويزو / تعالي نشوف الشركه دي
المهم كل ما يدخلو شركه طبعا يترفض عشان مش معاه اي اوراق تثبت شخصيته
و كان متضايق
ويزو / انت زعلان؟
نضال بضيق / لا فرحان و فرحان اووى تحبي اقوم ارقصلك كمان
ويزو بصوت عالي / ايه فيه ايه
نضال / هو ده سؤال اكيد متنيل ع عيني ، اكلم مدير اعمالي ازاي دلوقتي عشان يلغى كل المواعيد و اروح باريس
ويزو / هههه خضتني عليك ، قوم نشوف شركة تاني
