حياة اخرى..

بارت4

رتاج/علي امي ليش ذبتني اباب الامام الكاظم
علي/هاا ليش اسألين
رتاج/اريد اعرف
علي/رتوجه هي ماذبتج ضعتي منه ودورت عليج مالكتج
رتاج/هي وين هي ليش مااجت اشوفني
علي/وره الي صار اطلكو هي والوالد وبعد ماندري بأخبارهه
رتاج/انا فكر خربت علاقتهم مو
علي/لا رتوجه لاتحجين هيج انتي هم اتأذيتي بالي صار وهذا جان قرارهم لاتخلين ابالج انتي السبب عيشي حياتي كوني سعيده مهما صار ولاتنسين انا اخوي وياج مازال اخوج وياج لاتخافين ولااضوجين من شي
رتاج/ماادري ليش كلش تأذيت من عرفتي الي صار حظنت علاوي وضليت ابجي
علي/لا لا رتوجه ليش البجي انتي رتوجتي الحلوه مااريد اشوف دموعج يلا سكتي
رتاج/من حجه هيج مسحت دموعي
علي/اي هيج اريدج عفيه الحلوه ياله انا اروح للشركه عندي شغل ويه حسين وخطيه راح يسوي شغلي هو حته ابقه يمج
رتاج/انت مو دكتور شسوي بالشركه
علي/اي صح دكتور بس هاي شركة العائله وانا وحسين لازميهه اشتغل بيهه وراه دوام المستشفى واليوم اصلا عندي اوف فراح اروح هسه
رتاج/خلي اروح وياك
علي/وين ولج راح اشتغل
رتاج/لزمت ايده واحجي بدلع...حباب حباب والله ضوجه هنا وحته مروه هم راحت البيت خالتهه قبل شويه والكل ومااعرف احد غيرهه عفيه عفيه
علي/ولج شكد حجيتي يلا كومي بدلي حته نروح
رتاج/يييس ..ورحت ركض للغرفه ابدل
علي/هههه طفله الله خرب هاي الطفله خلت حسين يعتذر خرب يومهه معناهه تخوف ههه
رتاج/رحت بدلت بسرعه وخليت مكياج وردي خفيف وشلت شعري كعكه فوضويه ونزلت خصل على وجهي لبست

ونزلت اركض العلي خاف غير رأيه...
رتاج/يلا يلا بسرعه تأخرنه
علي/هه خرب ولج شورطني وياج انا اليوم حسين يحركني
رتاج/ليش
علي/ولج فد عكره بالشغل مطلع روحي
رتاج/وصلنه للشركه طبعا انا كلش احب هيج سوالف شركات واعمال ماادري يمكن من كد مااباوع مسلسلات 😁 دخلنه للشركه جبيره وكلش حلوه تصميمهه ومرتبه ونظيف انا فهيت نوب متروسه مكتبات وكتب انا ضليت صافنه وامشي مدري وين علي وكف يحجي ويه واحد مدري منو وانا ضليت امشي وعيوني فوك اباوع للشركه وامشي مااحس الا نظربت بأحد...اخخخ شبيك مشوف ...بطفوله(حجي رتاج واسلوبه بالكلام مثل الاطفال لان هي كلش طفوليه)
حسين/هاي شنو شجابج هنا ولج
رتاج/رفعت ايدي يم وجهي مثلي الي اخوفه...اووو انا جني اجيتك طايره اووو..احجي وقربت وجهي يم وجهه
حسين/خليت صبعي على كصتهه ودفعت وجهه ...احجي منو جابج هنا
رتاج/علاوي اخوي اجيت ويا
حسين/خرب ولايتوب من سوالفه راح يخبلني اخوج وانتي شكعندج هنا وينه هو
رتاج/هاا وينه ياا يمه وينه ضعت وديني الا ماا اريد اخوي
حسين/خرب ولج سكتي سكتي امشي كعدي ابمكتبي وانا اشوف وينه امشي ..رحت للمكتب امشي وهي تمشي وراي بس مدري شلون تمشي مدنكه ومركزه بالكاع وكفت فجأ ودرت عليهه هي من كد مامركزه بالكاع اضربت بيه بحيث انظرب راسهه بصدري نوب هي قزمه
رتاج/اووي هاي شبيك اكو واحد يوكف هيج غير تنطي اشاره بريك من وراك خسرت
حسين/هه ولج انتي مخبله شنو خسرتي جاي اتلعبين مثلا
رتاج/دست على الخط بالكاع هففف منك
حسين/ خبله والله امشي ولاتهفهفين...خرب شنو من ابنيه هاي طفله والله بيهه برائه مو طبيعيه نوب ماتخاف مني راح اتخبلني دخلنهه للمكتب
رتاج/واااووو هاي شنو كلش حلو
حسين/اول مادخلت كعدت اسوي اويي وحلو ومدري شنو نوب راحت تركض مثل الجهال وكعدت على مكتبي خرب هاي شلون بيهه اسوي كلشي مااخلي غيرهه يسوي نوب مدري شبيه مااكدر احاجيهه واكلهه لا بس فدوه شلون كاعده نوب نحرك برجليهه القزمه بس خرب مابقت شي مالزمته وشافته اروح اشوف علي وين لا تخبلني هاي رحت جبت علي للمكتب حته يخلصني..تفضل شلوف اختك
علي/هههه والله الظاهر اختي راح تأدبك
حسين/وانا شنو ولك مامؤدب
علي/ههه لا حشاك بس قصدي تكسر غرورك بس بشرفك شوف شلون كاعده ومتونسه جنهه طفله معقوله ينطيك كلبك تكومهه
حسين/اولا تره هي طفله مو جنهه طفله وثانيا هسه كومتهه يمعود نشتغل هنا وامرنه لله ..كعدنه نشتغل وهي كاعده على الميز مابقه شي مالزمته خبلتني نوب صدك كلبي ماينطيني اكومهه
رتاج/علاوي ...بدلع
علي/مبين عندج مصلحه كولي
رتاج/خلي اشتغل وياكم بالشركه
علي/هههه ولج شنو تشتغلين وين تعرفين انتي
رتاج/علمني انت يلاا
علي/هههه خرب انا معليه حسين هو المدير
رتاج/طفرت يمه ولفيت ايدي على زنده ...حسووون تقبل اشغلني موو...بدلع وطفوله
حسين/خرب شكد نزل ورطتني..وين اشغلج انتي ستوج اعداديه ماتعرفين
رتاج/لا لا اتعلم بسرعه ...خليت وجهي بوجهه ...حباااب يلا يلا
حسين/علي
علي/هاا
حسين/طاح حظك على هاي الورطه
علي/ههههه
رتاج/هاي شبيكم اتعلم بسرعه يلا عفيه
حسين/تنهد بملل...ماشي اشوف اذا اكو شاغر
رتاج/هييي يس يس ...وظلت اطفر بالمكتب....خلصو شغل ورجعه للبيت انا وعلي بس لكينه زلم بالصاله علي راح يمهم وانا صعدت بدلت ونزلت محد الكل نايم لان جانت ب١١ بالليل رحت يم الصاله اريد اصيح علي لا اريد انام
الجد كاظم/شوف جواد هاي بتك لازم تلكالهه حلو شنو انكل للعالم الي تسأل منو امهه هاا احجي
جواد/بويه شسوي اموتهه مثلا غير انت اصريت اجيبهه
العم/احنه مااريدهه جواد اذا ماتكتلهه لاانت اخونه ولاانعرفك هاي عار علينه
علي/عمي صلي على محمد تره رتاج مو بت حرام
العم/شلون بلا
علي/تره امه مرت ابوي حالهه حال اي مره ازوجو على سنة الله ورسوله
العم/بس بالسر تعرف يعني شنو بالسر وفوكاهه امهه مسيحيه خلاص انتهه البنيه تموت ماتبقه عايشه
رتاج/من سمعت هذا الحجي نصدمت صدمت حياتي جان بيدي كلاص مي وكع مني وسمعو انا كبل ركض بدون مااحس طلعت اركض بره البيت.....

شكرا الكل شخص صوت وتفاعل واتمنه يصير التفاعل اقوه وكل الي يقره يكتب رأيه بالقصه❤❤❤