سماره..خلص العرس وكل وحده تشوفني تريد تخطبني والحجيه دكول هاي مرت الشيخ واني ما حجيت شي وصلت بيها المرحله من الخوف غطتني بشالها علمود العالم ما تشوفني صراحه ضجت وماعرف احس نهبدت على راسي ودخت حيللل شويه وصاحو الشيخ يكول يله اني ما عولي اطلع بحيث ركضت قبل الكل لبست العبايه وغطيت روحي وطلعت ركض العمر صعدت بسياره يحجي وياي بس ماكدر اجاوبه عبالك واحد وكامشني من ركبتي ضليت ساكته صعدت الحجيه ويانه واميره ضلو يسولفون عل الصار بالعرس شويه وسئلني عمر
..عمر..زفوهم للعرسان وخلص العرس شويه لتهينه ويا الشباب وبعدين كلت هم يله نرجع صدك رحت كلت الكريم ابن اختي يكول للأهل يله صدك هوه هم راح صاحهم اني وكفت قريب على باب السياره شفت سماره صعدت تركض بسياره صعدت وراها وكتلها هاا تونستي بس مجاوبت كتلها سماره مو جاي احجي وياج هم مجاوب اشرتلها بيدي وكتلها وين بالج شبيج صاير شي شفت الحجيه صعدت وياها اميره سكتت محجيت وياها بس ضل بالي يمها ضلت الحجيه تحجي على العرس وعلى سماره شسوت ولكل متخبل عليها ولمن كالت خطبوها تخبلت حجيت ويا سماره كتلها ما تكدرين تربزين لازم تتمركصين شنو هاي الحركات هم مجاوب وبس تفر بعيونها والعيون حمرر نداريت على الحجيه كتلها احد حاجي وياها شبيها سماره
..ولله يمه الكل يمدح بيها وحبوها محد ما ضوجها وجانت كل الوقت يمي حتى ما كامت بس ماعرف شبيها
..سماره..اسمعهم يحجون بس ماعرف عبالك لساني معكود ماكدر احجي شي شفت وصلنه للبيت فتحت الباب ونزلت بسرعه
..عمر..تعصبت من تصرفها كلش خلتني اشك بيها ركعت باب سياره ونزلت وراها فتحت باب البيت وركضت جوه اني وراها ركضت شفتها صعدت للغرفه وسدت الباب تخبلت صعدت عليها فتحت الباب شفتها شمرت هدومها وتفرك بصدرها مثل الوحده مخنوكه رحت عليها كتلها سماره شصاير شبيج بس فهميني
..سماره..اريد اكله ماعرف بس ماكدر اشرتله مابيه رفعت البطانيه وغطيت نفسي اريد بس انام
..عمر..خليتها براحتها محجيت وياها بعد نزلت يم الحجيه واميره سئلوني كتلهم نامت لحد يصعد ردت اطلع لان ضجت بس اميره كالت اوديها البيتها صدك اخذت اميره ورحنه البيتها ذبيتها يم الباب ورجعت البيت شفت خلود واكفه بالمطبخ كالت نمر مصخن صعدت يم نمر وشفته صدك جان مصخن هيا حارت شسوت العلاجات والكمادات وكلشي سوتله هوه فتح عينه شافني ضل مكمش بيه اخذته بحضني وضليت اقرا على راسها ماحسيت ضليت اليل كله كاعد اني خلود نامت خفت عليه خاف ينشمر ضليت كاعد للصبح بس بالي يم سماره
..سماره..حاولت اليل كله انام بس ماكدرت احس صوت بم اذاني بحيث كمت ابجي على وضعي الحد الصبح حتى محد اجاني صارت ساعه ب ٥ الصبح حسيت باب الغرفه نفتحت ورجعت نسدت ستغربت ركضت ردت اشوف منو فتحت الباب ماكو احد خفت حيل صح طلعت الشمس بس خايفه حيل رجعت كعدت على الجربايه صحيت واحد خطف من يمي التفت ردت المح احد بس ماكو ضليت ابجي بسكته واهز برجلي شفت واحد خطف من يم باب الغرفه ونفتحت الباب فزيت خفت حيل ضليت اصيح منو منوووو
