Parting Ways

Kabanata 53

Kabanata 53

Acting

It felt surreal. Hindi ko maalis ang tingin sa aking singsing na suot. Hanggang ngayon ay sariwa pa rin ang mga salitang binitawan namin na parang ikinasal nga talaga kami sa harap ng diyos.

"Ano? Kasal ka?" hindi makapaniwalang reaksiyon ni Lola nang ipakita ko ang nakasuot sa aking daliri.

Nakaawang na rin ang bibig ni Lolo dahil sa gulat.

"Sa marriage booth po sa school," natatawa kong sagot.

"Anong bot-bot?" usisa ni Lolo tsaka lumapit upang tignan ang singsing ko.

"Hindi manlang kami inimbita? Aba'y mga bata kayo!" untag ni Lolo.

"Sa school nga lang po iyon, Lo. Hindi naman totoong pari ang nag-kasal. Ano...parang gawa-gawa lang. Katuwaan lang sa school, ganun."

"Sigurado ka ba? Baka mamaya n'yan ay magtanan na kayo, ano?"

"Ano ba, Edmundo!" saway ni Lola.

"Eh, baka lang naman," depensa naman ng isa.

Napailing nalang ako sa dalawang matanda.

"Patingin nga ng singsing."

Lumapit si Lola sa akin upang usisain ang singsing. Nangungunot na ang noo niya kakatitig doon. Kahit ako rin naman ay hindi maalis ang tingin sa aking daliri.

"Sigurado ka bang katuwaan lang ito sa eskwelahan? Mamahalin ang ganitong klaseng singsing, apo."

Kahit ako ay ganoon din ang tingin sa singsing. Hindi ganoon ang mga singsing na suot ng mga ikinasal sa booth na'yon.

"Kahit naman po gustong-gusto namin ni Dannsen 'to...mas gusto naming gawin ang mga bagay na may basbas ninyo," I said.

Lola's wrinkled face lit up with sympathy.

"Mabuti kung ganoon. Alam ninyo kung ano ang tama sa mali," sabi nito sabay tango.

"Tara na at kumain para maaga tayong makauwi pagkatapos dumalaw sa iyong ama."

Kumain kaming tatlo sa hapag pagkatapos ay nag-ayos na ng mga dadalhin. We bring foods and flowers of course. Dahil hindi nga kami nakabisita noong mismong kaarawan niya ay nagpasya kaming ngayon nalang.

Excited akong ikwento kela Mama at Papa ang mga masasayang nangyari. Alam kong matutuwa sila sa maririnig nila mula sa akin. Siguro ay nagsasaya sila dahil nakikita nilang masaya ang anak nila.

***

Voices hummed around the hallway early this morning. They all seem excited and cheerful to start the day. Two weeks from this day is Senior Ball's day. Iyon ang laman ng mga kwentuhan nila. Kahit na kami lang ang kasali roon ay pinag-uusapan pa rin ng ibang estudyante.

"Sino sa tingin mo ang magiging queen ngayon?"

"Tingin ko si Andrei, sigurado 'yon!"

"Talaga ba? Sino sa tingin mo ang escort niya?"

"May iba pa ba..."

Nilingon ko ang dalawang babaeng nakasalubong. Palayo na sila habang nagku-kwentuhan pa rin. Nangunot ang noo ko. Naalala ko iyong kasama ni Andrei na si Royce sa isang food stall. Hindi ko siya nakausap noon dahil pareho na kaming abala.

Pinagsawalang-bahala ko nalang iyon at nagpatuloy sa paglalakad.

Sa isang bench ay nakita ko si Jace at Dannsen na nag-uusap ng seryoso. Hindi nga nila ako napansin agad nang makalapit ako.