Seducing My Crush [Alluring Series #1] - Completed [TO BE PUBLISHED]

06.

Demrene's Point of View

Panibagong araw na naman. Hindi ko alam kung bakit tamad na tamad akong gumalaw para asikasuhin ang sarili sa pagpasok.

Gising na gising na ang diwa ko ngunit nakahilata pa rin ko sa kama, nakatingin ng malayo sa bintana pagkatapos ay bumuntong-hininga.

Pinikit ko ang aking mga mata upang ihanda ang sarili sa pagbangon.

Nararamdaman ko ang hapdi ng mga ito dahil sa walang tigil na pag-iyak kagabi.

Ang sakit din ng ulo ko dahil nakainom kami kagabi. Imbis na sa resto kami kumain, nagpasama ako kay Matt para mag-inom.

Ilang bote lang ng alak ang ininom ko dahil pinigilan n'ya ako. Nakakaramdam na rin naman ako ng pagkahilo pero ayoko pa ring tumigil. Gusto kong malasing at kalimutan iyong nangyari pero pagkagising ko ngayon, eto na naman. Bumabalik na naman lahat ng gusto kong kalimutan kagabi.

Naaalala ko na naman si Eris.

Saktong pagkabangon ko pa lamang ng kama ay nagring na ang phone ko. Inabot ko iyon sa ibabaw ng side table at tinignan ang caller's name.

"Incoming call from Maddy"

Hinilamos ko muna ang aking mukha gamit ang kamay bago sagutin ang tawag niya.

"Hmm?" Tinatamad kong tugon.

"Sa'n ka na?" Tanong niya.

"Nasa bahay. Hindi muna ako papasok."

"Teka? Bakit?" Halatang nagulat siya sa sinabi ko kahit na hindi ko kita ang kaniyang reaksyon.

"Basta. Absent muna ako. Sabihin mo na lang kay Prof. may sakit ako. Sige na. Ibaba ko na 'to. Bye."

Hindi ko na hinintay na sumagot pa si Maddy. Kaagad ko iyong pinatay at pagkatapos ay muling isinubsob ang mukha sa malambot na unan.

Ayoko munang kausapin ang lahat. Gusto ko munang magpahinga.

Iilang minuto ko pa lamang naipipikit ang aking mga mata ay muli na namang umingay sa loob ng kwarto ko.

May kung anong kumakatok sa labas at parang walang awa sa pinto kapag hinahampas ito.

Napakamot ako sa ulo nang bumangon sa pagkakahiga. Kubang-kuba ako habang naglalakad papunta sa pinto.

"Sandali lang!" Sigaw ko dahil hindi pa rin ito tumitigil sa pagkatok.

Nakakainis talaga si Mama. Palagi na lang akong binubwisit sa walang katapusan niyang pagkatok sa pinto!

"Wait lang, Ma—" Napahinto ako sa pagsasalita at bahagyang pinanlakihan ng mata nang makitang iba ang nasa harapan ko. "Matt?"

"Hi, baby. Good morning." Pagkasabi niya noon ay bigla rin syang kumindat.

Sumimangot ako at inirapan sya. "Baby mo ulo mo! Ano bang ginagawa mo rito?" Asik ko.

Ngumiti lamang siya at akmang hahawakan ang buhok ko at isasabit sa ilalim ng aking tainga ngunit kaagad ko iyong hinawi.

"Binibisita ko lang yung mga mamanugangin ko." He said and he round his eyes inside my room. "Di mo man lang ba ako papapasukin sa mukhang... basurahan mong kwarto?"

Hindi pa ako nakakabawi sa unang sinabi n'ya nang may sinabi na naman syang mas ikinaasar ko.

"Siraulo ka talaga!" Sigaw ko rito at binato ng unan na hawak ko.