The Adventure of Nick and the Secret of Gemstones
-imjustakid014
PAUNAWA: Ang kwentong ito ay pawang likha lamang ng isipan ng may akda at ang ibang mga nasa kwento(lugar,bagay,mga tauhan) ay maaaring kuha lamang sa iba't-ibang resources tulad ng libro at internet.
Sana'y mag-enjoy po kayo sa pagbasa ng aking storya.. :))
______
P R O L O G U E
Madilim..
Masalimuot..
Marahas..
at
Kagimbal-gimbal.
Iyan ang propesiyang nakasaad sa "Libro ng Hinaharap" na mangyayari sa Encantasia at sa mundo ng mga tao kapag ito'y napasailalim at mapamamahalaan sa kapangyarihan ni Procteus.
Ngunit, habang ito'y hindi pa nagaganap ay pinapanatili ng isang pinuno na mapigilan ang propesiyang tatapos at gigimbal sa Encantasia.
Dahil na rin sa propesiya, ay biglang lilitaw ang mga "gemstones" na magiging susi upang magapi at matapos ang pangyayaring ito. Ang mga gemstones na ito ay may iba't-ibang kapangyarihang magbibigay sa mga taong nakakuha nito. At ang mga gemstones ding ito ay may sikretong ni isa ay hindi ito alam.
Isang bata rin ang nakasaad sa propesiya na magdadala sa Encantasia ng tagumpay sa pagtugis ng kasamaang dulot ni Procteus. Isang batang may kakaibang tapang at determinasyon na haharap sa mga pagsubok at pangyayari na magbibigay sa kanya ng kakaibang karanasan, at siya rin ang mismong makakatuklas at kaunaunahang makakaalam ng sikreto ng mga gemstones.
At dito mag-uumpisa ang Adventure ni Nick at ang kanyang mga kaibigan na makikipag-sapalaran upang mailigtas ang Encantasia at ang mundo ng mga tao sa pagsakop ni Procteus.
