Sa bawat paglipas ng ating panahon,
'Tila sa'yo'y, sa limot na rin nabaòn.
Damdaming labis na 'pinakita sa'yo,
Bakit ngayon ito'y binalewala mo?
Puso ko ba, sayo'y hindi mahalaga?
Kaya't ito'y 'pinagpalit mo sa iba?
Inibig mo ba kong tunay aking sinta?
Pag-iibigan noo'y 'tila wala na.
Hindi malimot ang iyong kagandahan,
'Tulad ng 'sang rosas na nagtitingkaran.
Ngunit nasaktan, nang tinik mahawakan,
'Tulad ng pusong labis na nasugatan.
Nangangarap noo'y sana ikaw na nga,
Ang pag-ibig na aking makakasama.
Naghahangad akong sana'y manatili,
'Pagkat nais kang una't huling pag-ibig.
BINABASA MO ANG
Mga tulang nilikha ng aking isip
PoetryPinagsama samang mga tula ng pag ibig, pag asa, pagkabigo, at inspirasyon na naglalaman ng kalooban ng bawat isa sa atin. Mapa-babae o lalaki man ay mararamdaman ang mga ito.
