غشاوه قلب

البارت الخامس

نور......اني وحسام بعد ينتهي بينه كولشي يكون هيج افضل النه.....3ايام وحسام ماكو اني احاول ابتعد بس عندي مشاعر اتجاها تعلمت عليه او يمكن حبيته افتقده بكل وقت ....راسلته اكثر من مره علمود انهي كولشي مرد....وره فتره رد عليه برساله
حسام.....هلو
نور.....هلو وين الغيبه
حسام.....امي توفت
نور....هنا كانت صدمه الي لان اعرف تعلق حسام وحبه لامه ما اعرف بشنو اواسي صعبه هاي امه
حسام....فتحت اطمنج عني من اكدر ارسالج
نور.....براحتك باي وقت اني موجوده
حسام....باي
نور.....راح حسام واني بقيت ابجي عليه احسه متاذي كلبي نار عليه اعرف شلون يحب امه ومتعلق بيها شاسوي وشلون اواسي ما اعرف ....لليل مكدرت انام حسيته تعبان متاذي ردت بس اطمن عليه انتضرت محمد ينام واتصلت بي
نور....حسام حبيبي شلونك....بس كتله شلونك سمعته يشهك ويبجي
حسام....نور امي ماتت امي هاي شلون
نور....الله يصبرك مو سهله
حسام.....لج راح اموت كلبي نار امي راحت
نور.....على كيفك ويه نفسك ميصير هيج حاول تنام ارتاح
حسام.....ماريد كلشي ماريد اريد امي
نور.....حسيت طفل صغير وضايع من امه بجيت وحاولت ما احسسه بحزني لان هو معايز بقه يبجي ويون واني اسكت بي واهدي لحد مغفه .....
اصعب شي هو موت الام وين يوصل بينه العمر وشكد نكبر ونتغير بس نبقه اطفالها ...حسام غفه وعلى وجه دموع حزن مستحيل اكو منه حزن حسيته ولمسته بالمه ونه ...نهيت الاتصال ورجعت لفراشي واني للصبح مشفت طعم النوم بالي يم حسام وشلون بقه وحده واول مطلع محمد اتصلت ومرد وبقيت اتصل واتصل وهم مرد ومر يوم ويومين حسام ميرد اخر شي رد عليه
حسام.... اني زين وراح اسافر دبي
نور....ليش شسوي هناك
حسام.....لعد شسوي هنا
نور.....ابوك اني اصدقائك
حسام.....عندي هناك اصدقاء وابويه اول تالي علاقتنه محدوده وانتي ......
نور....على الاقل خليني اشوفك حتى لو تكون اول واخار مره
حسام....اذا كدرت ....جماعه ينتضروني رايح
نور...دير بالك على نفسك....ونقطع اتصال حسام لمدة3ايام واني اكول بروحي بالي يمه نام اكل شرب بعده يبجي منو يمه منو يواسي ....
الى ان راسلني حسيت رجعتلي روحي
حسام....شلونج
نور....بخير اسأل عليك اراسلك مترد
حسام....هيج احسن
نور...شنو احسن
حسام.....نور اني ماريد احد اريد ابتعد اكعد وحدي فتره احس نفسي تعبان
نور....انت بعد مترجع لبصره
حسام....ما اعتقد
نور.....وشغلك؟
حسام.....عدنه فرع بدبي نقلت شغلي هنا
نور.....لاتبقه وحدك
حسام.....عندي هنا اصدقاء يجون ميتركوني
نور.....اتمنه تكون بخير
حسام.....واني هم اتمنه تكونيني بخير
نور....من اتصل رد عليه لا تخلي بالي يمك
حسام....الله كريم
نور....انهينه الاتصال وحسيت برود عد حسام اتجاهي نفس برود محمد من جان ينام بصاله.....كلت بعد ما اتصل بس مكدرت مر يومين واتصلت وراسلت ومرد كمت ادعي يكون بخير مابي شي بس لا بعده متاذي بس لا صحته مو زينه مثل اخر فتره واتصل وارسل ميرد وره اسبوع رد عليه
حسام....جان عندي شغل واني مدا احجي ويه احد
نور.....مرايده شي منك بس اسأل عليك بالي نشغل بيك
حسام....اطمني ما اموت
نور.....اسم الله عليك
حسام....تخافين عليه؟؟؟؟
نور.....عندك شك؟!
حسام.....اجوي اصدقائي بعدين نحجي
نور.....احبك
حسام....احبج
نور....سديت التلفون وايقنت علاقتنه انتهت بس ميمنع اسمع اخباره بين فتره وفتره
رجعت الحياتي الطبيعيه محمد بده يتحسن ولو هو عصبي بس احسن من قبل بهواي اني تحسن وضعي وصرت زينه بس رجعت اشرب حبوب مانع بدون علم محمد لان ماريد اطفال مضامنه محمد رغم التغير
حسام بقيت كل اسبوع اسبوعين نتصل على السريعه نسمع اخبار بعض ونسده
بس بوقت الي نتصل افتقده واحن واشتاق ومرات ابجي الهي نفسي بالفيس او ويه صديقاتي
وبيوم اني واصفح بالفيس شفت حساب باسم بصورة حسام بس الاسم مو حسام الاسم حارث ابراهيم دخلت الصفحه ادور بيها هاي صور حسام اي هو قابل اني اتوه عنه هاي ضحكته هاي وكفته هذا هو حسام بس شنو حارث دخلت التعليقات منور حارث ومشتاقيلك ومن ضمن التعليقات
منور ابو يس اني هنا نصدمت مزوج؟! معقوله
اني شسويت يعني اني دخلت على حيات وبيت وعائله اهجمها يعني اني مو بس خاينه وخرابت بيوت اني دخلت بين اثنين مزوجين ...شسويت اني وشلون هيج سويت وحسام اني واثقه منه هو راقي وعاقل معقوله يكذب عليه بقيت حايره ودايخه ما اعرف شسوي وشلون سحبت الصور من الفيس ورسلتها لحسام بعد صراع يومين ويه نفسي
حسام....شبيج
نور....شنو هاي الصور
حسام....منين جبتيهم
نور....مو مهم المهم عندي اريد تفسير
حسام....مو اني هذا
نور...شنو مو انت
حسام...صدكي هذا واحد هواي سببلي مشاكل بس مواني يشبهني
نور......ماعرف شنو الي خلاني احسسه انو اني مصدكه رغم اني ممصدكه....من نحب شخص نخلق الف عذر حتى ينحل الخلاف بينه
كل الي اعرفه ردته هو يحجيلي كلشي وانتضرت يحجي بس حسام كطع ويايه اي اتصال وره فتره
واني هم عفته لان بديت اراجع نفسي على هواي شغلات صارت بينه كمت اذكر شغلات قديمه كذب عليه بيها بس اني مجنت منتبه كمت اربط الامور مع بعضها ....اكتشفت انو حسام كان يقضي وقت او كان منتضر يحصل مني شي نلتقي لا اي سبب من الي باله ....حسيت الغشاوه نشالت من عيني بديت اصحه على نفسي حسام ميحبني وعمره محبني مجرد علاقه عابره او نزوه ....بس شلون جان يكدر يحجي ويايه بليل والظهر وهو مزوج بس حسام من سافر دبي كام ميكدر يحاجيني .....مبينه ميحتاج تفسير بس اني الي جنت مخدوعه ومصدكه كلامه وتصرفاته كرهت نفسي اكثر واكثر وكرهت الناس ثقتي بنفسي اهتزت كرهت جمالي الي الكل يمدح بي خجلت من نفسي ومن الي سويته وياريت الي حبيته صدك يحبني جان يضحك عليه وعلى مشاعري صدكت كلامه والاغاني كاظم الساهر وماجد غزل ورومنسيه غرني بيهم واني مثل المراهقات صدكت وحبيته اي حبيته من صدك وهو ذبحني .......زاد التعب والارق صارت عندي الالم بكل مكان بجسمي صار بيه حاله نفسيه كمت اذي بنفسي بدون ما احس باظافري اخرمش بجسمي ويطلع دم ومره كمت ب3بليل حسيت اختنكت ما اعرف شسوي 3ايام منايمه فد جره طلعت المقص من المجر وبديت اكص بشعري الي جنت فرحانه بي وبجماله داحس نفسي  بهوسه واسمه اصوات هواي وتركيز ماعندي... فكرت انتحر واخلص من العار الي سويته اخلص اهلي واطفالي من الفضيحه اخلص نفسي من شرها ....فكرت انتحر وقررت هذا الشي نزلت جبت سجينه حاده ودخلن للغرفه وقفلت الباب حتى محد يلحك عليه كعدت ولزمت السجينه ودموعين مىكفت بعيني اطفالي شلون من بعدي امي شلون راح تسمع الخبر ...بس مهما يكون اموت احسن ما افضحهم وخلين السجينه هستوني جرحت نفسي اذن
(الله واكبر الله واكبر..... )من اذن فزيت وكعت السجينه من ايدي شلون الي اخترعت من شي وكفت كدتم المرايه استغفر الله شدا اسوي اني شلون هيج فكرت اموت كافره عايزه حرام مو كافي الي سويته شلون بيه شداسوي اعوذ بالله من الشيطان الرجيم استغفر الله ركضت توضيت وكمت اصلي من صليت مجنت اشوف شي كدامي من البجي الي بجيته وبقيت كاعده على السجاده استغفر لحد مغفيت محسيت على نفسي شفت ابويه بالحلم الله يرحمه كاعد ومنطيني ضهره حاجيته مرد عليه وزعلان مني كعدت كباله فوك عيونه اسود
نور...بابا شبيك
الاب....كومي ماريد اشوفج ليش اجيتي
نور.....كمت ابجي وابوس بايده سامحني يابه والله ردت اموت نفسي على هذا الغلط
الاب....ما اسامحج ولاتجيني بعد لحد متصلحين اخطائج
نور.....عافني وكام جان يندار عليه
الاب.....لاتحملين روحج ذنب اكبر انتي مو كد عذاب ربج استغفري عن الي فات ولاتعيدين الي ردتي تسوي اليوم

(ولعلك زرعت نفسك في ارض غير ارضك فذبلت)
يتبع