ليالينآآآ

الجزء العاشر(حادث)

تذكير#اللهم انى أشكو لك ضعف نفسي

افصاح#كانت أمنياتي ألاّ تجبرني أمي على الإفطار، وأن تسمح لي باللعب عصرًا في الحديقة، ويشتري لي أبي دراجة، وترسم المعلمة على يدي نجمة.. كيف تعقد الأمر..!(️غابرييل غارسيا ماركيز)

:::::::::::::::::::::::::::::::::::::::::::::::::ّّّ

•تانى يوم بعد الفرح مهره وزياد قررو يقضو شهر العسل فى شرم
طبعا كلهم كانو تعبانين من الفرح ومحدش راح الكليه
الا محمود هو بس اللى راح شغله
فى مطعم الشاذلي محمود بيكلم محمد والد دينا فى التلفون
محمد: شوف يمحمود انا مش هقدر اجي انهارده بس كان فى طلب وظيفه من كام يوم واحنا وافقنا عليه والموظف ده هيجى انهارده وعايزك تعمل معاه مقابله وتخليه يكون معاك فى المطبخ وتدربه تحت ايدك
محمود: تمام يافندم تؤمر بحاجه تانى
محمد: كتر خيرك يبنى مع السلامه

••*•*•*•*•*•*•*•*•*•*•*•*•*•*•*

دينا صحيت من النوم الساعة 1ونص الضهر اخدت شاور واتوضت وصلت وبعدين قررت تنزل تقعد فى الجنينه شويه وهى نازله لمحت بوكيه الورد على الكرسي وافتكرت لما سالم اداهولها امبارح فابتسمت وقعدت تشم فيها وبعدين قعدت تدور ممكن تلاقي فيها كارت او حاجه فعلا لقيت كارت
الكارت( ازيك يا دودي من اول مره شفتك فيها ساعه ما كنتى مع محمود في العربيه ولابسه السلوبت وكنتى شكل الاطفال كدا في حاجه شدتني ليكى مش عارف ايه بس بجد حبيت انى اتعرف عليكى وياريت تقبلي ان احنا نكون صحاب وبس وده برضاكي طبعا و لو موافقه ده رقمي ممكن تكلميني عليه وتقوليلى انك موافقه ولو مش عايزه تكلميني ممكن تبعتى مسدج ولو برضه مش عايزه تبعتي ماسدج او تكلميني ده عنوان كافيه انا بكون هناك كل يوم الساعه اربعه العصر هاستنى منك اي رساله او مكالمه او انك تيجي في الكافيه…سالم)
دينا قعدت تفكر شويه و اخدت الكارت وحطتو في الدرج وقفلت عليه ونزلت

••*•*•*•*•*•*•*•*•*•*•*•*•*•*•*

•فى حي من احياء القاهره الفقيره
ضحى: هاجر انا جعانه بقا مش هناكل
هاجر بهزار وضحك: الا هناكل وهناكل البت ضحى دى كمان وشالتها وقعدت تزغزغ فيها وتعمل انها بتاكلها وقعدو يلعبو سوا
ضحى: ههههه هههههه خلاث(خلاص) بقاا ثبينى(سبينى) مش قادره
هاجر: ماشي يلا انزلى واقعدى هنا لحد ما اروح اجيب احلى علبة جبنه لاحلى ضحى عشان تاكلها كلها لوحدها
ضحى: يوووه بقا كل يوم جبنه انا زهقت وربعت ايديها وبوزت ببوقها
هاجر: يخراشي على الجميل اما يكشر وباستها من خدها وقعدت جنبها وحضنتها: شوفى يادودى لو اكلتى الجبنه انهارده وعد هجبلك لحمه وفراااخ وحاجات حلوه كتير
ضحى: اممم وعد؟!
هاجر: وعد
ضحى: ماشي خلاث هاتيها وهاكلها كلها هخلثهالك خالث(هخلصهالك خالص)
هاجر: ايوا بقا هى دى ضوحتى الشاطره😘

•تعالو نعرف كم على ابطالنا الجدد في روايتنا
هاجر عندها 19 سنه اخدت الثانويه وما كملتش عايشه هي واختها لوحدهم في بيت صغير على قدهم في حي من احياء القاهره
ضحى اخت هاجر وعايشه معاها عندها ست سنين
••*•*•*•*•*•*•*•*•*•*•*•*•*•*•*
عند سالم فضل مستني اي رساله او مكالمه من رقم غريب يمكن يطلع دينا بس للاسف مفيش فيأس وقرر يكمل مجموعه اللوح اللي بيرسمها
••*•*•*•*•*•*•*•*•*•*•*•*•*•*•*
سمر قاعده لوحدها في الاوضه بتذاكر لان امتحانات الميني ترم على دخول وشويه والباب خبط
سمر: اتفضل
فايز: دخل وقعد جنبها على السرير
سمر: بابا نورت الاوضه
فايز: ههه منوره بصحبتها العسل دي
سمر: لا بقا ده بابا رايق انهارده من امتى البكش ده يا حاج اكيد في سر
فايز: ههه يا سوسه هو فعلا في موضوع كنت عايز اكلمك فيه
سمر: جه في بالها موضوع عبد الله فاتوترت: اتفضل يا بابا قول
فايز: طبعا انت فاضلك سنه واحده و تتخرجي وانتى كبيره وعاقله وعارفه ان فيه حاجه اسمها جواز واني لازم اسلمك للراجل اللى يحافظ عليكى ويقدرك وطبعا مفيش احسن من عبد الله ابن عمك وهو كمان في نفس المجال بتاعك وهيكون فاهمك ومثقف جدا عمك كلمني في الموضوع و حابب انك لو وافقتى ان احنا نتم كل حاجه اول ما تخلصي وده طبعا بعد موافقتك انت ايه رايك
سمر: بـ...بس يا بابا انا مش عاوزه اتـ....
فايز قاطعها: مش عاوزك تتسرعي في قرارك معاكى يومين فكري فيهم براحتك وعلى فكره انا موافق وياريت انتى كمان توافقي لاني بجد مش هاشوفلك احسن من ابن عمك يحافظ عليكى ويصونك
سمر: ماشي يبابا هصلي استخاره واقول لحضرتك
فايز: ربنا يحفظك يبنتى
••*•*•*•*•*•*•*•*•*•*•*•*•*•*•*
هاجر: يا دودو انا مش هينفع اخدك معايا بس اوعدك ان هنخرج في يوم سوا ماشي
ضحى: ماشي خلاث طالما وعد انا هقعد
هاجر: شاطره يا حبيبتي يلا تعالي اوديكى عند خالتو ام مرزوق وامشي انا