الخبز الاسود

البارت الثالث

الخبز الاسود
علي البدر
البارت الثالث

وبالفعل قبل بابا انروح لنادية للغرفة
..
دخلنا عليها الغرفه شفنه وضعها  كلش متازم...

و حالتها النفسيه تعبانه كلش....
جانت مشككه ثوبها و نص جسمها طالع ....
جان شعرها منثور وحالتها مزريه....
اني كبل اخذت غطه وخليته على جسمها لان جانتت وضعيتها  مو تمام...
...
باوعت لابويه جان مصدوم كلش و احس عيونه تريد تطلع من مكانها...

جسمه ضل يرجف
..
و اشوف وجهه لونه تغير
كبل ركض عله نادية وحضنها وباسها ومسح دمعها
...
و كال الها
حبيبتي ناديه ليش هيج تسوين بنفسج
...
اني احبج يا روحي
معقوله زعلانه من باباتج حبيبج
...
شوفي جيناج انا و اختج دموع حتى تطلعين ويانا للسوق و نشتري و نروح للمطعم انا وياج و ايمن ودموع و ماما ..
شنو رايج حبيبتي
...
جنت اباوع لبابا
جان يحاول يطلع ناديه من صدمتها ويطلعها من الحاله اللي هي بيها ما كان يتوقع حالة نادية هيج ابدا..
بقه ابوية يم  ناديه يبوس بيها ويحضنها ويسولف وياها...
بعدين قالها شتكولين حبيبتي ناديه نروح نشتري اليوم لو نأجلها لباجر...
شويه ردت نادي علينا
فاجاتنا بالرد مالتها
...
كالت اني مريم والله ما اعرف احد باسم نادية والله ما اعرف وحده اسمها نادية والله والله
انا مريم مريم...
وضلت تصرخ وتصيح اني مريم

حجت وي ابوي وكالتله ...
انت اعرفك شايفتك
واشرو عليه وكالت انتي هم شايفتج بس والله اني مريم

بنفس الوقت صرخت ناديه...
بابا  لا تصدكونها هذي...
اني ناديه بنتك بابا خلصني من هذا اللي اجاني ما اعرف منين خلصني منها بابا فدوه بابا فدوه خلصني منها فدوه اروحلك بابا خلصني منها ما اعرف منين اجتني ....

وظلت تبجي وحضنت ابويه و صرخت اني ناديه بنتك...

جنت واكفه وجسمي كزبر وضليت ارجف وشفت اختي نادية بشخصيتين مرة تصرخ اني نادية ...
ومرة تجيها شخصية مريم وعرفت انو نادية تمر بمرحلة صعبة وهذا كله بسبب العقوبة الغلط من بابا...
جان بابا  يحاول يخفف الضغط العليها  و يهدي اعصابها ويسكتها ...
حبيبتي انتي انت عمري و حياتي مريم او ناديه انت بوسط عيني يا بنتي لا تخافين اني يمج.....
.....
...
جانت حالة نادية صدمه النه كليتنه محد جان يتوقع لهالدرجه متاذية بداخلها ....
...
...
بنفس الوقت اللي جانت بيه نادية ومعاناتها
.  
بدت معاناتي اني ..
معاناتي الي تختلف عن كل معاناة...

معاناه الحب و يا حب حب سن المراهقه اللي شفته.... 
وجان هو الحب اللي لازم استمر بيه ....
حب خارج طاقتي خارج حدودي
...
حب... اي شخص يسمع بيه ما راح يتقبله ....
طبعا انا قصدي الناس اللي مفهومهم وادراكهم قليل ....
بدت حبي من حبيبي عمر اللي من غير طائفه وغير ملة .....من حبيته ماجنت اعرف سنة او شيعه او مسيح ....حبيت روحه وحنانه وطيبته ..
طبعا هم سكن جديد وصار جوارينه و تعلقت بيه من اول نظره.....
....
....
بدات الاحداث من يوم نزلوا يمنه
...
...
و شفته من بعيد جان شكله هو اللي عجبني لانه جان طويل و ابيضاني وجسم حلو....
....
مجنت اعرف حته اسمه وجان اخوي ايمن مثل الضايج لان همه يمنه ....وكال هذولة جيرانه سنة ومو مثل ملتنه احسن شي مانتعمق وياهم ....
....
اجاني فد مره بابا ورا ما نزلوا جيىانه بايام...
....
و كال لي ديري بالج على اختج ناديه ...
....
و انا رايح لجيران الجدد بيت ابو عمر....
....
  صار يومين نازلين و زحمه ما مريت ببهم ولا شفت شنو محتاجين.....
....
و يا بنتي حق الجار على الجار  وهذا شي موصي بيه الرسول ومالج شغل بحجي ايمن هذا يدور عالتفرقه....
...
طبعا عرفت من ابوي ان الولد اسمه عمر لان شفته بس هو و امه وابوه
..
.  
فاكيد انه هو هذا عمر
.. 
.  
جان ابوي ما يقبل عله  ايمن من  يكول عبارة جيراننا السنه
...
.
اسمع ابني ماكو شي اسمه سنه وشيعه ولا اكو شيء اسمه هذا ابيض وهذا اسود
...
...
اللي لازم يمشي بهاي الارض و يستمر هو الاخلاق و احنا ذوله جيراننا لهم واجب علينا واجبنه نقدملهم الجميل والخدمه
...
  
احنه شنسوي بمذهبهم ودينهم ...احنه نريد اخلاقهم وتعاملهم يا ابني...

احتمال هسه هم محتاجين شيء
...
وخجلانين يطلبون من اي احد
فالافضل انه ماناديهم باسم طائفتهم
.  
و ناديهم بيت ابو عمر
.  
..
و انت لازم تروح وياي و تسلم عليهم و نلتقي بهم
...
حتى اعرفك عليهم واعرفهم بيك افضل ما تظل تدور بهالامور الطائفيه اللي لا تغنيك ولا تشبعك
....
...
وبالفعل راح ابويه وزار جوارينه الجدد واتعرف عليهم ولكاهم من اطيب خلق الله
...
و ما عندهم تفرقه نهائيا
كالنه عائلة بسيطة ثلث نفرات
عمر وامه وابوه ....

و طبعا اخوي ايمن ما راح وياه
..
  
وابوي جان  محتار شتو يسولف النه على الكرم والطيب اللي عندهم ....
.  
و قال بعد يومين نروحلهم سويه كل العائله تروح  تسلم عليهم وتتعرفون عليهم واعتبروهم اهلكم
.. 
....
اني ما صدكت خبر و ما صدكت بكلام ابويه و كلت
...
...
يعني معقوله اشوف عمر معقوله اتعرف عليه معقوله راح احجي وياه
..
بس اكيد لا لا لا ابوي ميقبل ولا اخوي يقبل هاي اذا راح اخوي ويانا
. 
و طبعا امي اذا راحت عينها عليه وايدها بأيدي ...
افضل شي اروح وماسوي شي
..  
...
استمرت حالة ناديه ...
مره تكول اني مريم و مره تكول اني ناديه...

وبالفعل تبين كلامها صحيح لان راجعنا دكاتره و راجعنا اخصائيين ....
و اكدوا ان هذا المرض يكون مثل المتلازمه او الانفصام بالشخصيه
....
....
واكدوا انوا  تولدت بيها شخصيه ثانيه... بداخلها و بالفعل نادية جانت تحجي و تكول النه ...

انو مريم اجت من جانت هي  محجوزه بالغرفه وتكول اجتني بنية على هيئه بياض وكالت لي.....

اني مريم .... اللي راح اعيش وياج طول العمر نفذي اوامري نفذي اللي اكوله....

جانت تحجي نادية وبنفس الوقت تصارع نفسها وتحجي وي مريم وتكلها عوفيني...

وكملت نادية كلامها ....
مريم كالت لي ...
وين تريدين  تروحين.... اني اروح وياج....

جانت شخصية مريم الجديدة بداخل نادية شخصية عنيفه تحب الحياة واللهو واللعب وجانت تعاند نادية وتعذبها اذا رفضت الها امر ....
  احنه جنه مجذبين كلام نادية ومو مصدكين هذا الكلام واعتبرنه نادي تهلوس وتهذي
...
بس يوم اللي سالنا الدكاتره و الاخصائين اكدوا ان هذه الحاله تصير نتيجه العزله و نتيجه الضغط النفسي و نتيجه الانفصام بالشخصيه...وتصيب ناس قليلين جدا ....

استسلمنه للامر الواقع وخلينه بالنه من نادية لان الدكاترة كالوا اتوقعوا اي شي تسوي دون ماتدري.....

وبالفعل عاشت ناديه ويه مريم و مريم وي نادية
وجنت اعتبر نفسي الشخص الاول المسؤول عن حاله ناديه هذي...

كم مره ومره حاولت اساعدها حته تتخلص من حالتها هذي ....
بس ابويه جان يكول بنتي لاتلومين نفسج هذا امر رب العالمين مو بيدينه ...
وصرت بين نار الندم ونار الحب ومو كادرة اصدك نفسي شلون اني تغيرت حياتي بهالسرعه ...
جنت متأكده من خسارتي لأختي نادية
وخايفه من خسارتي لعمر
.....وشفت نفسي شربت كاس الالم اللي انترس من سنوات الدلع والدلال .....