عشقتهُ دون قصّد

البارت السابع

جودي:كعدنه يم عمو ابو مراد وكتله اني واثقه بقرارك بس ماعرف شنو القرار الي راح ياخذه وكلش خايفه جانت حنان نايمه لان ابنها ايتعبها بليل لذالك خاله كعدتنه ويه عمو بهذا الوقت عمو كعد يحجي ويانا ...

ابو مراد:جودي بنتي شوفي اني هسه بمقام ابوج الله ايرحمه واخاف عليج مثل مااخاف على بناتي الله شاهد على كل كلمه اكولها وانتي تدرين بيه اني مااحب الكذب وهاي السوالف صح بنتي ..

جودي اي عمو كلامك صح وعلى عيني وراسي..

ابو مراد:تسلمين ابنيتي بابا انتي بنيه حلوه وبعدج اصغيره والعين عليج ومال تطلعين بيت وحد هاي صعبه اني ماارضاها لان العالم وحوش واني اخاف عليج والقرار الي اخذته لصالحج هو صح صعب عليج وعلينه بس احنه علمودج ولمصلحتج مو علمود شي انتي لازم يعقدعليج مراد لان منكدر انفرط بيج ولانكدر انخليج تطلعن ابيت وحدج لاي ظرف من الظروف وما اريدج اتصيرين لغير ولدنه وماريد اي مناقشه بعد ولانكدر انخليج بدون عقد لان حرام يعني واحد من الولد ايطب فجاة وانتي مفرعه ميصير وانتي مؤمنه وتعرفين مو صح بنتي ....#هدوالدليمي

جودي:من كال لازم تعقدون صارت حنان كبال عيوني يارب والله هذا امتحان كلش صعب لاكدر اطلع ولااكدر انفذ قرارهم ومااعرف شسوي والله بس راسن بجيت ودنكت راسي وكتلهم من رخصتكم صعدت لغرفتي وكمت خابرت مرام وحجيتلها على الي صار واني ابجي واكولها شلون راح اباوع بوجه حنان بعد والله كلش عيب وماعرف شسوي الله يخليج كوليلي شسوي لج والله تعبت كلش تعبت لان بعد مااتحمل الي ديصير ضربه وراى الثانيه شلون بيه بس كوليلي انتي مو تكولين اني اختج انطيني حل....

مرام:اني جنت داسوي كيك وخابرتني جودي وبس تبجي مااعرف اشبيها كتلها اهدي وحاجيني خلي افتهم شكو من سولفتلي على الي حاجي ابويه ماصدكت ابويه هيج حاجي لان ابويه كلش صعب وميقبل على الغلط والشي الي انسوي بدون علم احد يعني من كايللهم يعقدون بدون علم حنان وكرايبنا ماصدكت عجيب ابويه كتلها اهدي ليش هيج دسوين بروحج بس فهميني والله موزين عليج تتمرضين كتلها روحي صلي صلاة الاستخاره وشوفي الله شكاتبلج لان الخيره بما اختاره الله ماشي حبيبتي والله يهديج ويسعدج.... 

جودي:كلتلي على صلاة الاستخاره كلت اصليها قبل لاانام ظليت كاعده وبس ابجي متت بجي اذكرت امي والله محتاجه لحظنها كلش هوايه بجيت لحد ماسمعت اذان المغرب وكمت اتوظيت وكعدت اصلي وقريت قران والساعه بال8:00 تقريبا اجتي خاله ام مراد دكت الباب جان اتكولي خاله ليش متجين كتلها خاله اني مرتاحه هنا كالت لا تعالي انزلي ويايه كتلها خاله والله مااكدر جان اتكولي كومي بدون نقاش كومي لبسي لبست عبايتي الاسلاميه مال بيت وشيلتي السوده ونزلت وياها وكعدت بالمطبخ اسوي عشه 

مراد:ابويه حجه ويانه وقررانو لازم اعقد على جود ي واني كلش فرحت بس اتعجبت من قرار ابويه والصراحه انصدمت لان جنت متوقع ابويه راح ايعارض هاي الفكره لان كلش ايحب حنان ويحترمها مااعرف شنو الي خلى ياخذ هذا القرار شفت جودي عيونها دمعت وكالت من رخصتكم وطلعت وبعد ماشفتها طلعت للمحل واني بالي يمها ويم حنان لان اذا عرفت بالي راح اسوي شنو ردت فعلها بس ياناس والله حبيتها مااعرف شلون بليل الساعه ب9:00تقريبا رجعت للبيت طبيت بالمطبخ كلت السلام عليكم كلها ردت اله هي باوعت عليها من اندارت اتخلي الاكل على الميز العيون مورمه الوجه احمر من البجي رحت على امي كتلها يمه شبيها جودي